السلام عليكم و رحمة الله و بركاته:
الله يسعد أوقاتكم يا صبايا
هذا الخبز بحبو كتير...ما بدو وقت كتيير و بنفس الوقت طيب و صحي و طري...
من غير كتر حكي خلينا ندخل عالجد...
المكونات:
2 و نص كوب طحين أسمر( القمح كامل الحبة)
كوب شوفان
نص كوب نشا
ربع كوب زيت زيتون
ملعقة صغيرة ملح
رشة خميرة
ماء دافئ للعجن
ربع كوب حليب سائل
الطريقة:
* نخلط المواد الجافة مع بعضها و الخميرة أيضا".
*نضيف الزيت و الحليب، ثم ماء بما يكفي لتشكيل عجينة طرية و لا تلتصق باليد.
* نعجن جيدا" ثم نترك العجينة في مكان دافئ عدة ساعات ، كل ما تركناها ترتاح بيكون أحسن.
*نقطع العجينة قطع صغيرة و ندهنها بزيت الزيتون و نتركها شوي ترتاح.
* نرق كل قطعة بشكل رقيق كتير
.
*نضع على النار مقلاة التيفال و عندما تسخن نضع فيها الخبزة .
* و لما يتحمر الوجه شوي نقلب للوجه التاني .
* ما بتاخد وقت بين ما نرق رغيف بيكون استوى يلي قبلو.
و النتيجة:
* و متل ما ذكرت بيطلع طري و ممكن نلف في سندويتشات و نحفظه بالبراد أو بالفريزر بيبقى طازج و طيب بس لما نحطه بالبراد نتركه برا شوي قبل الاستخدام لحتى يطرى..
* تفضلوا شو حابين تاكلوا معه***
شوفوا كيف طري و بيلف***
ألف صحة و هناااا
الروابط المفضلة