بنات ايه اخبار الابتكارات والابداعات
الجديد عندى انهارده
الشكل والطعم والخلطه
وتكه صغننه وانا بعمل العجينه
اولا الجديد
{{ بيتزا كفتة التاكو }}
مكونات العجينه
3/4 كوب +2 م ك لبن دافىء
1/4 كوب ماء دافىء
بيضه
4 م ك زبده للعجينه نفسها
3 كوب دقيق
1 م ك سكر
1/2 م ص ملح
باكت خميره فوريه
الطريقه
اضع البودرات كلها مع بعض واعمل حفره فى النص واضع السوايل كلها واعجنهم جيدا
واضعها تخمر فى مكان دافىء
وبعد ما خمرت
التكه بتاعتى وانا بلم العجينه بلمها وايدى مبلله زبده
ولما ايدى تنشف ابللها تانى
واكور العجينه وابلل ايدى واجيب جوانب العجينه لتحت
الخطوه ده كنت عملتها مع العجينه وبعد تشكيلها سيبتها تخمر تانى وكانت مورقه بشكل لفت انتباهى جدا
بس للاسف المره ده ما سيبتهاش تخمر وده كان عيبها
بس انا وراها والزمن طويل
يا انا يا هى
وفردت العجينه والصور حتوضح بقية كلامى
طريقة عمل الحشوه
مكونتها
لحمه مفرومه
بهارات التاكو
صلصة البيتزا
فلفل وطماطم مكعبات
جبنه للرش
لكن الاختلاف فى الشكل وكنت عايزه اعملها بشكل منتظم
فكان الحل الوحيد ادامى انى استخدم معلقى الايس كريم
وكورت اللحمه وشوتها او قلتها ب م ك زيت وبعد ما استوت نشفتها واستخدمتها
ودهنت وجهها ببيضه مضروبه بشوية اللبن ودخلتها الفرن
وباقى العجينه عملت بها الكرواسو
وانا متأكده لو كنت سيبتها تخمر كانت التوريقه حتبان اكتر
الروابط المفضلة