صباح الخير للغاليات كلهم
بعد ما نزلنا بطيارتنا على بلغاريا واستقبلونا بصينية الجلاش الرائعه
واقعدنا واتغدينا الرز والبازنجان واللحمه بصوص المشروم وكان معاهم شوربه لحممممممممممممه رائعه
بعد كل ده مهانش عليا امشى من غير ما اتعشى
تعملوا ايه طفسه
فقدموا طبق مشماش خطير
فى الاول انا افتكرته مش (المش بتاعنا البلدى )
لان امى (الله يرحمها) كانت تدلع المش وتقول عليه مشماش
لكن لما شفت الطبق طلع مالهوش علاقه بالعك بتاعنا خالص
ده عك خااااااااااص ببلغاريا

طولت عليكوا الكلام
اول طبق معانا انهارده mish_mash
وتانى طبق وهو الشوربه
Bulgarian Veal Kebbap

ونبدأ بالطبق الاول
مكونات ال mish mash
3 طماطم
3 فلفل احمر كان عندى اخضر استخدمته
بصله وكل الخضار مقطع وكعبات صغيره
2 م ك بقدونس مقطع صغير
2 بيضه
قطعة زبده صغيره للطبخ الاومليت
100 جرام جبنه فيتا

الطريقه
نضع الزيت على النار ومعها البصل مع التقليب حتى يصل لونه الى اللون الذهبى
واضع عليه الفلفل وتقلتين وعليهم الطماطم وقليل من الملح والفلفل
واخيرا اضع البيض والجبنه (مهروسه بالشوكه) واضع نص البقدونس مع التقليب السريع
وبعد السوا يتم تقديمه فى الطبق ويزين بالبقدونس المتبقى

تانى طبق
Bulgarian Veal Kebbap soup

المكونات
200 جرام لحمه
1 بطاطس كبيره مكعبات متوسطه
1 فلفل احمر مكعبات متوسطه
1 م ك دقيق
1 م ص بابريكا
1/2 م ص فلفل اسود
ملح
بقدونس مفروم
4 كوب مرقه (او 4كوب ماء ومكعبات مرقه)
2 م ك زيت زيتون

الطريقه
يوضع الزيت فى حله على النار ومعاه الدقيق والبابريكامع التقليب ل2 دقيقه
واضع اللحمه وعليها قليل من الماء حتى تستوى
وبعد السوا اضيف البطاطس والفلفل
والملح والفلفل والبقدونس والمرقه
وكل ما تبقى من مكونات
واتركهم حتى يستوى البطاطس والفلفل وبهذا تصبح جاهزه