.....**ملف بشورباتى وسلاطاتى ومقبلاتى اللى عملتها فى رمضان**......

**carmen** · 02-10-2008, 11:07 PM

يامساء الجمال بنوتات لك ....
يعنى لو حد كان عاوز يشوف موضوعاتى كلها على بعضها فى الركن ده .... فأنا قلت أسهل عليكن عملية البحث ....

شوربة أندومى :
مغلف شوربة أندومى عادى مع الميه والخلطة اللى معاه وبعدين نزود شوربة

وآدى فى الطبق

شوربة كريمة بروكلى وحاقول لكم تتعمل إزاى
المقادير :
250 جم بروكلى أو كيس مجمد
صلصة بيضاء خفيفة يعنى دقيق وسمن ولبن بس قوامها خفيف
ماجى وملح وفلفل

الطريقة :
الأول نسوى البروكلى على حمام ماء علشان يحتفظ بلونه ومقوماته

وآدى الباشاميل الخفيف بيتعمل بتقليب ملعقة دقيق فى ملعقة ونص سمن ثم يضاف كوب لبن

وبعد البروكلى مايستوى نضربه فى الخلاط مع شوية ميه

وبعدين نضيفه للصلصة البيضا ونحط الماجى والملح والفلفل

وآدى شكلها فى سلطانية التقديم وطعمها ...... يم يم

**carmen** · 02-10-2008, 11:08 PM

وعملت شوربة لسان عصفور السهلة جدا
حمرت لسان العصفور فى السمن أو الزيت

وبعدين حطيت ميه وماجى وسبتها تستوى

وزبطت الملح وآدى صورتها فى الطبق

كفتة بانيه وبطاطس كروكيت

وطريقتهم هنا
http://www.lakii.com/vb/showthread.php?t=481650

سلاطة وهيا عبارة عن طماطم مكعبات وجزر مبشور وخيار حلقات وفلفل رومى شرائح وبطاطس مسلوقه ومقطعه مكعبات وكوسة شرائح مقلية وخس وذرة

كشك صعيدى

[/QUOTE]
وحاتلاقوه فى الرابط ده
http://www.lakii.com/vb/showthread.php?t=484751

**carmen** · 02-10-2008, 11:09 PM

وعملت كمان عيش بالثوم
جبت عيش فينو وقطعته بالورب
وخلطت زبدة مع ثوم مفروم ودهنت بيه العيش وبعدين رشيت موزاريللا وسماق

وحمرته شويه فى الفرن لحد مالعيش اتحمص

وبعدين شوربة سى فود

الأول شوية بصل على شوية زيت وعلى النار

وحمرتها قوى

وبعدين ضفت شوية كاليمارى مقطع وشوية جمبرى

وقلبت شويه بعدين زودت ميه ومكعب ماجى خضراوات مش مرقه

وسبت الجمبرى والكاليمارى يستووا شويه وهم مش بياخدوا وقت

وبعدين دوبت شوية نشا صغننين فى شوية لبن صغننين برضه

وضفتهم على الشوربة وظبطت الملح وكده بقت تمام

**carmen** · 02-10-2008, 11:11 PM

شوربة كريمة مشروم
شويه من الباشاميل بالبصل

وزودته شوربة وحطيت فيه مشروم معلب وظبطت الملح وتمام على كده

كشك بالبيض وده عباره عن :
كشك صعيدى منقوع فى ميه

ومعلقتين زبده على النار

والكشك المعصور على الزبدة

وبيضتين على الكشك والزبدة

وتقليب كويس وملح وفلفل وبسسسسسسسسس

عملت بلوبيف بالطماطم والبيض
آدى الطماطم المقطعة وقلبناها فى السمن

وآدى البلوبيف بعد ماحطيناه عليها

وآدى قلبنا كويس وداب البلوبيف

وآدى البيضه كسرناها على البلوبيف

وآدى البلوبيف كده تمام بعد الملح والفلفل

**carmen** · 02-10-2008, 11:12 PM

شوربة البروكلى والبطاطس بتاعة د.سوسن ..... طعمها تحفه

والرابط بتاعها اهو
http://www.lakii.com/vb/showthread.php?t=486487

وعملت مقرمشات الكوسة برضه بتاعة د. سوسن وطعمها غريب اوى .... مابين العصاره بتاعة الكوسه والبهارات الخارجيه .... توليفه جميله جدا .... وبرضه تسلم ايدك د. سوسن

والرابط بتاع المقرمشات اهو
http://www.lakii.com/vb/showthread.php?t=460920

وكل رمضان وانت بخير يارب

**حنان(البحرين)** · 02-10-2008, 11:15 PM

تسلم يدكِ عزيزتي وصفات رائعه

**carmen** · 02-10-2008, 11:21 PM

حنان(البحرين)..... جزاكى الله كل خير على ردك الجميل وعلى التميز وعلى رفع روحى المعنويه .... تسلميلى ياغاليه ....

**أم مــــالــــك** · 02-10-2008, 11:52 PM

تسلم ايدك

ملف كامل فعلا

وان شاء الله ح طبق منهم شوية حاجات

**carmen** · 02-10-2008, 11:59 PM

ام مالك ..... تسلميلى ياغاليه والحمد لله انى قدرت افيدك ولو شويه صغننين .... طبقى واسعدينى وقوليلى رأيك .... مستنياكى ...

**زوجة الاشقر** · 03-10-2008, 01:13 AM

ماشاء الله حبيبتي ملف جميل ورائع

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: .....ملف بشورباتى وسلاطاتى ومقبلاتى اللى عملتها فى رمضان......

أدوات الموضوع

العرض