صباحكم عسل وسكر ومكسرات

عفوك الهي شو هالباقة اللي بتاخد العقل انا كتير بحب الياسمين.

القائمة

بطاطس مقلية
لحمة مقلبة مع بصل اشي بشبه الشاورما بس كردية بتيجي عنا بكياس مجمدة بس بتقلبيها مع بصل طعمها كتير طيب.
وسلطة
والحمدلله. نعمة وفضل

وانا اسفة اذا بكتب المنيو في ظل اجواء الحزن على الاسرى بس دايما في تفاؤل انو ارادة المسجون تنتصر على السجان وقلبنا معهم والله يرجعهم لاهاليهم سالمين غانمين.

انتو شو عاملين؟

الاولاد على وصول
انسحاب مؤقت
وبرجعلكم يا حلوات

اه على فكرة
ام مالك الغالية من زمان ما طلت
وقريتلها في رد انو كأنه شو ي تعبانة او محتاجة الشوكولا عشان التعب اكيد بعد الولادة الواحدة بتنضغط
الله يعينك ام مالك
وادخلي طمنينا عليكي وعلى النونو الحلو والسنافر الكبار

وعودة : ربنا يفك كرب الأسرى ... على الأقل دول مأسورين من الأعداء ... الدور والباقى على اللى مأسورين من بنى وطنهم ومن ملتهم ...ربنا يفك كرب الجميع ويفرجها على الدول العربية كلها يا رب ويحقن دماء المسلمين فى كل مكان ... والله شفت صورة لأسير ... يا عمرى جلد على عضم زى ما بنقول والله إنخلع قلبى عليهم ... اللهم يهدهم الإسرائيليين فى كل مكان

دينه : صباحك ورد إيه الأخبار عندكم فيه جديد

فوفو : يا سلاااام لام على الياسمين ... ريحته واصلة لهنا

أم جوجو : فين الصابون ... قصدى أخبار الترويق والتنضيف إيه خخخخخخ الدنيا عندنا كانت ساقعة اليومين اللى فاتوا وبعدين إتعدلت وهترجع تبقى ساااقعة تانى الله المستعان

صباح الورد لكل الصبايا

ام مالك راح تترك الاشراف علشان وقتها كتير ضيق مع البيبي والكتاكيت بس اكيد راح تطل علينا من وقت للتاني

ام جود.. ولا يهمك يا عسل ..اللحمة المقلبة كتير طيبة صحتين وعافية

ام حسن.... معك حق الجرح بيكون اعمق ومؤلم اكثر لما نكون اولاد بلد واحدة ونحارب بعض
ربنا يفرجها ع الجميع يارب

ايش المنيو عندكم

انا عندي صحن بامية من البارحة
وبافكر اعمل معه بطاطا مقلية وهمبورجر للأولاد وأمهم

عفوك الاهي ..حقك علي يا عسل ...الباقة بتجنن عقبال ما نشم الياسمين الشامي في سوريا

سلام معطر للحلوات القاعدات ورا الشاشات
كيفكم اليوم
انا عارفة انو اليوم في اخبار محزنة من سوريا الله يرفع عن سوريا وجميع بلاد المسلمين يارب .
وعودة انا معجبة بردودك بحسها (ستريت تو ذا بوينت) يعني بالبلدي مركزة وهذا ان دل على شىء فهو بدل على انك انسانة عملية وذكية .(وطبعا هاي مش مجاملة ) بس هادا احساسي.
وكالعادة دايما بحب اعبر .

مسوكة راح اضل اقولك امبارح واليوم وبكرة .. انك عسل وانا اللي حاسة حالي بعرفك من زمان انا على فكرة من غزة ودرست التاريخ عن مصر عشان هيك قولتيلك بردود سابقة اني بحس اني مرتبطة بمصر وبحبها . .. وبحس المصريين طيبين واوادم (جمع ادمي ) وروحهم مرحة حتى في عز الوجع والالم . صدقيني مصر بتستاهل الاحسن لانه مصر هي الاساس .
واخبار التنضيف لسه محلك سر . بس واضح انو جوكم زي جونا انتو اديش الحرارة عندكم ؟ احنا لسه يادوب بدا الجو يسير ادفى بس ما بتطلع عن 10 _ 15 درجة يعني لليوم لسه ما خففنا اللبس.
بس على فكرة طريقة تنضيف الفريزر اللي حطيتيها بموضوعك عجبتني كتير .. انا اي شىء في خطوات بحبه.

دندون .. حضرت اكلات طيبة ولا لسه ؟ يلا بدنا نشوف الصور الحلووة والافكار الحلوة. شو اخبار المعكرونة طلع معاك افتكارات ولا لسه.

عفوك الهي (فوفو) طمنينا عليكي وقوليلنا شو اخر اخبارك وان شاء الله فرجت . يارب افرجها على الجميع ..

طولت عليكم واكيد العصاية هتشتغل....... سلام

صباح الورد
اول شي بدي اقول لبنات سوريا
عظم الله أجركم وفرج ربنا قريب
سبحانه يمهل ولا يهمل

ام جود ..شكرا يا عسل على هالكلمات الحلوة

اليوم بدي اعمل قدرة ان شاء الله نزولا عند رغبة الجماهير

يا صبايا بالي مشغول ع دينه ...يارب يكون عندها اخبار حلوة وتكون امور زوجها تيسرت

فوفو (عفوك) كيفك يا عسل وايش اخبارك


بطة دايت .... تعالي وامسكي لي العصاية شكلي ناوية ع حملة تخريب
مجودة... وكل صبايا الدردشة صباحكم ورد

جمعة مباركة عليكم

وهلا بالخير كله.... انا كمان بالي مشغول على كل الصبايا السوريات اللي معانا بالدردشة الله يخفف عنهم يارب والله اللي بسيير شي ما بصدقه عقل
وبصراحة الواحد نفسه مسكرة عن كل اشي كل الاخبار سيئة وما بتفرح
حسبنا الله ونعم الوكيل.

وبالهنا عليكم القدرة وعودة اكيد من ايديك غير شكل.

انا اليوم بدي اعمل فته حمص مع سندويتشات برجر لللاولاد .

ياريت اللي شاغلين بالنا يدخلو يقولولنا شو صار معهم.