السلام عليكم ورحمه الله وبركاته
طبعا عملتو ومش لاقية اسم الو ههههه
سمو زي ما بدكم
الطبقه الاولة كريم كراميل بنعملو زي ما هو مكتوب على الباكيت وبنحطو بقالب كيك او صينية بايركس لساعتين بالثلاجه
وبعدها الطبقه التانية وهي بسكوت ساده وباكيت كريمه وعلبة قشطه وكاسه حليب ومعلقتين شوكلاتة سائلة وكاسه مي بنذوب فيها معلقتين كاكاو
بنخلط الكريمه والحليب والقشطه والشوكلاته وبنغمس البسكوت بكاس المي يلي فيها كاكاو وبنحط طبقة فوق الكريم كراميل وبعديها كريمه وهيك لحتى يصير 3 طبقات واخر طبقة تكون بسكوت وبنخليها تبرد نص ساعه
الطبقة الثالثة بودينج شوكلاته جاهز بنعملو زي ما هو مكتوب على الباكيت وبنصبه فوق البسكوت وبنخلي بالثلاجه 6 ساعات او لتاني يوم وبعدين بسكين بنحدد جوانبها مشان تنزل بسهولة وبنقلبها بصحن وبنخليها تنزل لحالها وبعدين بنزينها بشوكلاته سائلة ( القلوب ذوبت شوكلاته وحطيتها على ورق زبده وفردتها وبس جمدت شوي قطعتها على شكل قلب )
ما قدرت اقطعو لانه اخدته لصديقتي
الروابط المفضلة