السلام عليكم
انا اريد حلويات ليبية التي تقدم في المناسبات
ارجوا ان تفيدوني بسرعة ارجوكم :confused:
Printable View
السلام عليكم
انا اريد حلويات ليبية التي تقدم في المناسبات
ارجوا ان تفيدوني بسرعة ارجوكم :confused:
اختي جميلة الكون انت شن تبي بالضبط؟؟؟؟؟؟؟؟؟؟ موالح ولا حلو ؟؟؟
لو تقولي باش نحاول نساعدك عندي افكار في مدكرتي
انا في الانتظار
اختي اني نستنى فيك ... قوليلي شن تنبي بالضبط؟؟؟
تبي حجيبات اللوز ولا القرطلة ولا الغريبة ولا التليجة ولا الكريميسة ؟؟؟
ولا شنو اني ما عرفتش
انا في الانتظار
مشكورة علي ردك
والله هي في حلو اسمه عفسة القط كان عندك اكتبيهالي و في اكلة حلو انت كتبتيها اسمها الكريميسة حتي هيا مانعرفهاش اعطيهالي
وانتي شنوا عندك من حلويات جديدة اكتبيهالي وكان عند حار اكتبيلي شنوا عندك
وانا في انتظار ردك
كيف حالك اليوم انشاء الله كويسةتعقيب:
كتبت بواسطة جميلة الكون
بالنسبة للكريميسة:
كوب زبدة + كوب سمن +كوب عطر + ظرف بكن باودر + صبغة خضراء منكه غدائي
دقيق مايلزم للعجن
هده طريقة العجينة
الحشو سمسم +جوز هند +لوز مهروش +عسل + عطر +سكر ناعم +صبغة حمراء
الطريقة تعجني وتحلي بالعصا رقيقة شوي لاكن كلما ارق انحس فيها احلى
وبعدين تقصيهل دوائر وبعدين تاخدي الحشو تحطيها وتشكليها زي الكرموسا يعني كله اتلميه لي فوق حتى تصير شكلها زي الصرة لاكن طولي في العودة من فوق باش تكون زي الكرموسة وبعدين حاولي ياموس تجرحيها او تخلي فيها تعكريشات زي الكرموس
اماعفسة القطة لو لقيتها توا نعطيهالك ياريت تشرجيلي عليها اكتر
مشكورة وبارك الله فيك
باهي انت شنوا عندك من حلويات قوليلي ونبي حتي حار
شوفي اني عندي الحلويات الي معروفة لاني لي سنتين ما نزلتش للبلاد خخخخ
عندي الصريرة وعندي الشامية او الاهرمات وعندي القرطلة الاي بالكورنفلكس او اللوز اوالي بالنستلي والدبلة العادية ودبلة الشام الي بالالة وعندي الموالح الي بالجبنة والشجيرة والزمردة
العوينية والويزة والمقروض وعندي حلويات تونسية متل كعك الورقة والبجاوية والقارصة وغيره
وعندي الغريبة والقرينات وعندي الغربية البونانية الي بالعسل وعندي هلللب حاجات
اما الحار عندي الفرفلة وعندي جرارت الفلفل وحاجات زي هكي غير مش متدكرنهم
انت لو تبي حاجة معينة قوليلي الاسماء وبالك انساعدك
انا في الانتظار
هدا ملف حلويات فيه حاجات حلوة متاع مناسبات ماشاء الله وجربت منه حاجات حلوة
http://www.lakii.com/vb/showthread.php?t=232887&page=3
وهدا كعك بالتمر مجرباته حلو ومنظره قنينhttp://www.lakii.com/vb/showthread.php?t=292444
حنان بنطلب منك طريقة الفرفلة وجرارت الفلفل ليه وقت ع الحاجات الحارة الجديدة وبنروح ان شاء الله فى رمضان للبلاد خلى انواكب الحضارة غادى فى المطبخ
من ثلاث سنين محضرتش رمضان غادى ممكن الحاجات اللى اندير فيها إنسوهاااااااااا دقة قديمة ولت خلالالالالالالالالالالاص
طبعا بعد ادنك ياجميلة الكون
وحتى انا نبي طريقة هالحلويات والموالح ....ما شاء الله عليك يا حنان ... اذا ما فيه غلبة عليك ممكن تكتبي طريقة دبلة الشام والزمردة والشجيرة والشامية والاهرامات والعوينية
واني ما فهمتش القرطللة تقصدي بيها السليلة ؟؟؟؟؟
ومشكورة
تعقيب:
كتبت بواسطة اسيرة السهر
ههههههههههههههههه اني مش حنااااان لاكن ليا الشرف انكون حنان والله عز المعرفة والشرفتعقيب:
كتبت بواسطة om taima
ربي يحفظها انشاء الله
انتظريوني
طريقة عمل دبلة الشام وهده تبي الالة امتعها الي فيها قاعدة على شكل وردة او قلب او فراشة وبها نهاية عودة طويلة كلها مصنوعة من الحديد الالمونيوم
المكونات والطريقة:
2بيض+2ملاعق كبيرة مليانة نشا + قطيرة زيت تعادل ممكن ربع كوب شاهي العالة زيت +3او 2 كوب شاهي عالة عطر وهدا على حسب قوة العطر عندكم + قطييييرة ماء + دقيق على حسب العجن بس بشرط تكون سائلة زي الكيكة مش عجينة ..
تضرب جميعا في ضراب كهربائ
وبعدين ناخد طاوة ونسخن الزيت فيها ونحط الحديدة عليها لتسخن في الزيت وهدا شرط
بعدين ناخد الحديدة ونضع حافتها في العجينة لاكن ما نغمسهاش كلها بس الحافة فقط
وبعدين انحطها في الزيت وهي سبحان الله رح تنقلى وتقدري تنحيها بشوية من الحديدة وتقلبيها شوية في الزيت حتى تصبح دهبية
وبعدين تكمليهم كلهم وبعدين تحطيهم في شربات وترشي من فوق بالجوز الهند او اللوز المرحي او الجنجلان
لددددددددددددددددددددددددديدة جدا ومقررررمشة وبنتها زي الدبلة الطرابلسية الزمنيةلاكن اسهل منها بالف مرررررة
انتظرو الباقي
طريقة عمل الشجيرة :خفيييفة ومقرمشة ولديدة
ملعقة صغير خل +6 ملاعق كبيرة ماء +200 جرام زبدة+ نصف ملعقة صغيرة ملح +ملعقة صغيرة BB + دقيق 300 جرام بس على حسب النظر المهم تتلم وماتكونش يابسة ولا طرية هلبة..
الطريقة تعجن وتترك ترتاح لمدة ربع ساعة بعدين نطرجها علي الرخامة وناخد قطاعة الشجرة
ملاحظة اما بعمل بجميع انواع القطاعات مش شرك الشجرة نجمة ولا هلال ولا اي شي
بعدين ندهنها بصفار بيضة ونرش او زعتر اخضر او جنجلان او كمون اسعد
وبعدين اندخلها في الفرن وبعد ما اتطيب اما انخليها هكي او نرش عليها شوية جبنة وندخلها شوييييييييييييية لين تدوب الجبن بس
ملاحظة ممكن تخزينها لفترة طوييييييلة في الفريزر وكانها جديدة غير غلفوها كوييييس في الحفاظات
لي عودة بادن الله للباقي
الغريبة اليونانية لديدة معسلة
1 فنجان شاهي سمن جامد + 2 ملاعق كبير عسل حقاني +كيس BB + دقيق ما يعجن
الطريقة : يضرب السمن مع العسل بضراب البيض حتى يصبح متل الكريمة تم نظيف باقي المقادير وتشكل حيب الرغبة
اني اندير فيها زي المقروض نعملها عمود طويل ونساويها وبعدين نقصها قطع وننقشها زي المقروض وندخلها للفرن وبعدين انعسلها بالشربات
حلوة جدااا
انتظروني وماتنسونيش من دعائكم ان يرزقني الله الدرية الصالحة ويفرج همي وكربي
تحياتي
مشكورة حبيبتي 79nana على ردك ...ومازلت في انتظار الباقي وان شاء الله يرزقك الذرية الصالحة ويفرج همك وكربك عاجلا غير آجلا يااااااااااااااااااااااااااااااااااااااااااااااااا رب
مشكورة وبارك الله فيك
انشاء الله ربي يرزقك بذرية الصالحة ويفرج عليك وتفرحي والله نقولك فيها من وسط قلبي يارب
ونحن في انتظر المزيد
شكرا
ربى ايبارك فيك ان شاء الله ويرزقك من حيث لاتحتسبى ويفرج عليك كل الكرب
ويرزقك الذرية وتفرحى بيهم واديريهم طوابير وراك هههههههه اضربى هيى
عليك بالاستغفار يا نانا
وتوه نستنى فى الحار ياحبيبة
اللهم ااامين انتظرينيتعقيب:
كتبت بواسطة اسيرة السهر
سلممممممها يا ربي بارك الله فيك علي الدعواتتعقيب:
كتبت بواسطة جميلة الكون
تسلمي علي الدعوات خلاص استني مني اليوم باقي الحاجاتتعقيب:
كتبت بواسطة om taima
تحياتي
طريقة جرارات الفلفل :سههههههههههههلة
ناخد فليفلات حلوة متوسطة الحجم ونغسلها ونجررها جرارات عريضة شوي مش رقيقة ,,
ونعمل كيمة ييضة طبعا مبهرة كويسة وبها معدنوس ووو ونخلطها بالبيض عشان تكون متماسكة
وبعدين نحشي الجرارات بالكيما وبعدين نغطي الفليفلة من حواشيها بالدقيق وتقليها في الزيت سخون وبعدين نخرجها ونحطها في طاجين وناخد صالصة وندهنا من فوق ونحط عليها جبنة شرايح وتدخل في الفرن ..
وبالهنا والشفاء
طريقة عمل الفرفلينا بس انا مازال ما جربتهاش جربوها وقولولي هههه
يفطع الدجاج ويسلق في الماء وملح وبعدين يفرم وبعدين ناخد 3 بيضات + بزيليا مطبوخ ويفضل تبويخ مع الجزر مكعبات+ بصل مفروم
شوية بهارات وفلفل اسود وشوية تومة
وناخد مكرونة فرفلة للزينة
الطريقة :
تعجن المقدار كله مع بعض وتصبح كفتة تم ناخد جزء من المقدار وتعصمها تم نلفه بالسلفر متل النقانق وهكدا لين يكم المقدار كله مغلفين في السلفر
تم ندخلها في الكوشة .
تم نخرجها ونتركها تبرد تمااااااما تم نقصها جرارات جرارات بعدين انحطها في الطاجين بجنب بعضهم وندهنهم بشوية مايونيز ونضع فوقها مكرونة الفيونكة ونضع فوقها قليل من الجبن المبشور وتدخل في الكوشة قليلا حتى تتماسك وتسييح الجبنة
تحياتي ولي عودة بادن الله
بارك الله فيك على مجهودك
بس عندى سؤال زمان نتفكر انديروا فى دبلة الشام و تلصق العجنه فى الحديده و هذه المشكله زعما شنى السبب
سارة تلصق العجينة في الحديدة علي خاطر ما تخليش فيها تسخن هلبة في الزيت فاولا سخنيها في الزيت كويس ولما يسخن الزيت والحديدة ابدي في الشغل لان لما تبرد الحديدة تبدا العجينة اما ما تلصقش بكل لما اتحطيها في العجينةتعقيب:
كتبت بواسطة ساره الخير
اه وملاحظة تانية لما اتحطي العجينة حطيها على الحافة بس مش تغطسي الحديدة كلها لان لما اتغطسيها كلها تلصق العجينة من فوق وما تقدريش بعدين اتنحيها من الحديدة ولو نحيتيا تتكسر
فهمتيني
حلويات تونسية متل كعك الورقة والبجاوية والقارصة وغيره
باهي اعطيهملي هدي الطرق الحلويات ونبي نقولك علي حلو
هو اني منعرفش اسمه لكن نعرف شكله وهي هكي زي الكعكة باهي وبعد مااطيب نغطسهافي الشكولاتة ثم لوز مهروش اوفستق وبعدين في الحفرة متع الكعك نحط كرزة
وانشاء الله تكوني فهمتني واني نستنا فيك
وهيا زي انت اعطينا حلو وحار باهي
باهي توا نعطيك مقاديرهم وجربيهم لاني في حاجات مش مجربتها ...تعقيب:
كتبت بواسطة جميلة الكون
اما الكعك الي مغطس بالشكلاطة كانعرفاش لاكن عندي كعك مغطس بالعسل وجوز الهند حلو خفيف
لو تبيه
انتظريني
بارك الله فيك يانانا
وربي يفرح قلبك ويعطييك اغلي ما تتمنيي
آميين
بالنسبة لعفسة القطوس ...
المقادير ...
1 كوب زبدة طرية ..
صفار 2 بيض
نص كوب نشأ
دقيق ما يعجن لكن مايكون عجينة يابسة
الحشو ..
بندق محمس ومقشر
الطريقة ..
بعد ما تعجني العجينة تاخدي كويرات منها صغار كل كورة تحطي فيها بنقدة وتكوري لين يصير عند 3 كورات بالبندق
وبعدين تكوري وحدة كبيرة اكبر من التلاتة الصغار .. وتلصقيها مع التلات الصغر متع البندق ..
وهكدا لين يصير عندك شكل متل شكر عفسة القطوس
وبعد ما طيب ... تغمسيها في الشكلاطة السودة
صحـتــــــــــــــــــــــــــــين
بارك الله فيك على الدعوة الحلوة اللهم اجمعين ياربتعقيب:
كتبت بواسطة سودلهداب7
كان نندري عليها هداي راني عطيتكم طريقتها اني عندي لاكن امسميتها البندقة وخلاصتعقيب:
كتبت بواسطة لوولووو كات
هههههه اختلفت الاسماء والشئ واحد بارك الله فيك ومنك نستفيد
ياريت لو عندك حلويات جديدة قوليلنا
نحن في الانتظار
تحياتي
مشكورة يالولو كات وبارك الله فيك ونحن نتظر منكي المزيد من الحلويات
ما شاء الله
علي الاخوات الليبيات
جزاك الله خير الاخت نانا 79 ربي يرزقك ماتمني
وكل الاخوات
عجبتني طريقة ان شاء الله نجربة في رمضان
طريقة عمل الفرفلينا بس انا مازال ما جربتهاش جربوها وقولولي هههه
يفطع الدجاج ويسلق في الماء وملح وبعدين يفرم وبعدين ناخد 3 بيضات + بزيليا مطبوخ ويفضل تبويخ مع الجزر مكعبات+ بصل مفروم
شوية بهارات وفلفل اسود وشوية تومة
وناخد مكرونة فرفلة للزينة
الطريقة :
تعجن المقدار كله مع بعض وتصبح كفتة تم ناخد جزء من المقدار وتعصمها تم نلفه بالسلفر متل النقانق وهكدا لين يكم المقدار كله مغلفين في السلفر
تم ندخلها في الكوشة .
تم نخرجها ونتركها تبرد تمااااااما تم نقصها جرارات جرارات بعدين انحطها في الطاجين بجنب بعضهم وندهنهم بشوية مايونيز ونضع فوقها مكرونة الفيونكة ونضع فوقها قليل من الجبن المبشور وتدخل في الكوشة قليلا حتى تتماسك وتسييح الجبنة
لكن سؤال بعد مايطيب الرول امتاع الدجاج والخضرةنضع مايونيز والمكرونة قصدي تتغطي المكرونة بالجبنة كلها ولا العكس نضع الجبن فوقها الفيوكة نحس هكي احل تعطي منظر
ياريت تعطونا وصفات الجديدة نازلة توا لبلاد نعرف ليبيا ديما توكب في الصرعات الجديدة هههههمن ااربع سنين معاش نعرفوا الجديد في الحلو والحار
ياريت الاخوات الليبيات يفتحوا ملف بالاكلات الليبية وخاصة الحديثة لان بصراح اكلاتنا بصراحة بنة وصنة وشكل يفتح النفس
شكرا اختي كات علي عفسة القط شكلها اكلة جديدة اول مرة نسمع به
طريقة عمل المقروض الحار:
ناخد بطاطا مسلوقة + ملعقة BB صغيرة + قليل من الزيت او الزبدة
+درة ملح + رشة ماء + ما يعجن خبز مرحي.
الطريقة تعصم العجينة متل المقروض تم نعمل بدل التمر مفروم اقصد كيمة تم نقفلها ونساويها زي المقروض ونقصها وننقشها زي المقروض بالضبط وبعدين ندهنها بالبيض ونرش عليها سمسم ونضعها في الفرن
هده نوع من المقبلات
تحياتي
الوردة الدهبية كيف حالك انشاء الله كويسة بالنسبة للفرفلينةتعقيب:
كتبت بواسطة الورده الدهبيه
هي الفكرة ان تكون الجرارة مطروحة ومدهونة من فوق بالمايونيز وبعدين نحط الفيونكة المكرونة الملونة وبعدين نرشرش عليها شوية جبنة مبشورة وندخلها للفرن باش تسيح الجبنة وتمسك الجبنة على المكرونة والجرارة لاكن انت تقدري تجربي الطريقتين وشوفي احلاهم وقوليلي اما احسن واني لو لقيت حاجة تانية توا انقوللكم
نحن في الانتظار
تحياتي
ان شاء الله ربي ينولك اللي
في بالك وعليك بالاستغفار ونبي منك طريقة ظهر الجمل كان تعرفيها
الله يبارك فيك لاكن اوصفيلي شكلها لان في هلبة حاجات نلقى في اسماءها مختلفة لاكن هي نفس الحاجة .تعقيب:
كتبت بواسطة ام لبنتين وولد
نستناك
هي عجينة وفيها لوز وفي اللي يشكل فيها زي عبود الزميطة باش تقعد زي السنام متع ظهر الجمل وبعد ما اطيب تندار بالشكلاطة من فوق بس مش كلها ان شاء الله تكون وصلت الفكرة
والله اني ماعندي
وانشاء الله الاخوات يفيدوك
اعتقد ان لها اسم تاني وهي القبضة بس المشكلة كانت عندي طريقتها وللاسف لما بدلت المدكرة نسيت اسجلها فلقيت نفسي كاتب العنوان وشاطبة عليه خخخخختعقيب:
كتبت بواسطة ام لبنتين وولد
ياريت البنات الي عندها حاجة ماتبخلش علينا وتعطينا...
رمضان كريم
تحياتي
والله هي حتي اني نستنا فيهم الاخوات
للرفــــــــــــــــــــــــــــــ‘ع
من عنده اي اكلة ليبية حلوة يجيبها هني ولا خيرله هههههه
ننتظر في ابداعاتكم
زي ام السنفور وحنينة وووووووووبااااااااااااااااااااااااقي البنات ؟؟؟
اكيذ لاهييين في عوالة رمضان
سلامات ...كيف الحال
انا عندي طريقة القبضة ويسموا ايضا الكرايم بس ما فيهاش لوز زي ماقلتو
عموما المقادير اللي عندي هي:
3 بيضات -كوب سكر ناعم - 2 كوب نشا - كوب زبدة -طرف بيكنج باودر - دقيق على حسب العجينة - شوكولاتة بنية الزينة
الطريقة : طبعا تعجني المقادير كلها مع بعض وبعدين تشكلي العجينة بقبضة اليد وتحطيها في الطاجين وعلى الفرن حتى اطيب وبعدين تذوبي الشكلاتة وتزينيها من الاجناب وممكن ترشي عليها جوز هند حسب الرغبة
وتحياتي للكل
صحيتي اسيرة السهر .... اعتقد تقدرس اتديري فيها اللوز المهروشتعقيب:
كتبت بواسطة اسيرة السهر
تحياتي
مشكورة وبارك الله فيك
وكان عندك حلويات ثانية وقولينا باهيييييييييييييييي
حتي اكلات ليبية اعطينا نحن في الانتظار
عندي حاجات هلبة ..منها القديم ومنها الجديد ...بس ممكن نعرف شن تبي بالضبط ...
انتي عارفة ما فيه وقت من حوسة الصغيويرة والبيت ...بس كل ما يكون عندي وقت انحاول نش عالموضوع
ربي يحفظك اسيرة ويحفظلك صغيويرتك ... ياريت تكتبيلنا اسماء الحاجات الغريبة الي عندكتعقيب:
كتبت بواسطة اسيرة السهر
ولو نبو حاجة منها انقولولك نبو من هده خير ما تتعبي وتكتبي كل شي ولا وان اكيد كل شي خير
هههههه
رمضانك كريم انشاء الله