اهلين بنات شخباركم . انا قبل كم شهر كتبت لكم قصتي مع اهل زوجي وخصوصا اخت زوجي مايحبون الأولاد يبون كل الأحفاد بنات وكل اعيالهم جايبين بنات بس وحده عندها بنت وولد بس انا ماعندي بنات عندي ولدين وقبل ما اترك المانع كنت خايفه اني لحملت اجيب ولد والحمدالله توكلت على الله وتركت المانع وحملت ومن حملت واخت زوجي ذابحتني من حنتها على قلبي تقول لي جيبي بنت وتعاريرني لني ما اجيب الا ألولاد وكلا مها مايخلص لو اقعد اقول لكم من الحين لبكره طبعا هذا غير الفرق في المعامله بين اولادي وبنات اخوانها حتى ام زوجي لولدت وحده من حريم اعيالها بس يقولون لها بنت تطيييير من الفرحه وانا لأن اولاد اشوفها عاديه ولا شي وزوجي اهو الي قال لي هالشي حتى اهو عارف امه واخت زوجي تعايرني بالأولاد وتضحك حريم اخوانها علي المهم الحين انا في الشهر الخامس من الحمل واليوم سويت سونار وقالت الدكتوره ووووووولد ...حسيت الدنيا صكت في وجهي ورحت شقتي وانهرت من البكا صرت كأني مجنونه حتى زوجي حيييل تفاجئ كان يتمنى بنت عشان يفتك من هذرة اخته ولا اهو مايهمه ولد او بنت حاول يهديييني وقول لي يمكن الدكتوره غلطت بس قلت له في الشهر الخامس يكوون واضح مستحيل تغلط طبعا يابنات انا مو معترضه على عطيت الله بس انا صرت للمسخره والضحك في بيت اهل زوجي بسبب حماتي واحيانا تعاير لأني اجيبهم شعرهم خفيف بس هذي عطيت ربي بس لكبروا اشعورهم يصير طويل وكثيف واشقر وهي كل تطنز عليهم وهذا وهم اعيال اخوانها وانا الحييين والله نفسيتي زفت ماني عارفه اشبيجيني لولدت وجبت الولد الثالث
الروابط المفضلة