السلام عليكم ورحمة الله وبركاته ..
شخباركم خواني وخواتي .. اليوم صار لي مووضوع كدر خاطري .. انا مب زعلانه الي راح .. بس كل ما اتذكر اني انا كنت بضحي باشياء كثيره علشان هذاك الانسان ازعل .. وللاسف هو مب قادر يضحي بشي واحد ...
اقولكم القصه .. انا عمري 23 سنه .. كان عندي زميل العمل .. نشتغل في مكان وااحد في نفس المكتب ... تقريبا من سنه.. ( هذا الانسان اولا مب من اهل الدار يعني مب مواطن بس خليجي .. كان راتبه على قد حاله.. تقدرون تقولون انه فقير يعني فرق من حيث المال والماده بنسبه للمواطنين .. بس كان عاايش وياكل من عرق جبينه .. ... المهم ومن اول يوم دشيت المكتب لقيته كان معصب واايد .. وراح عند المدير وقاله انا ما اريد بنات عندي في المكتب انا اريد ريال .. قاله المدير ما نقدر لو ما تبى ودر الشغل .. رجع مكتبه .. وكان ما يكلمني ابدا وانا بعد ما اكلمه .. احس انه مغرور وشايف نفسه .. حتى لو سؤال اروح اسال موظفين المكاتب الثانيه ولا اساله هو .. قعدنا على هاالحال اسبوعين .. وبعدين سمعت من الموظفين انه هو ما كان يريدني في المكتب وهالكلام واساسا رافض اي بنت يريد ريال معاه .. المهم انا سكت ورديت ومكتبي وكنت على وظعي حتى ما كنت اعتبره من معاي في المكتب .. لين تقريبا شهر وزيااده .. لقيته هو الي يكلمني ويرمسني وانا كنت ارد عليه على قد السؤال .. المهم ما بطول عليكم هذا الانسان قام يسولف ويتكلم معاياا وقمنا نظحك .. واي سؤال اسير عنده هو .. لو مب عارفه شي هو يعرفني .. ويوم كنت اغيب عن الدوام كان يتصل ويسال .. ويوم اي الاقي باقات الورد على المكتبي .. بس انا الين هذاج الوقت وانا ما اعرف شو قصده وكنت اكلمه عادي مب اكثر عن زماله .. وكان واايد يغار عليه .. وما كان يريدني اكلم الموظفين .. ولا اضحك معاهم واي موضف يدش مكتبنا يعصب عليه .. .. وتقريبا من شهرين اعترفلي وقالي انا حبيتج واريدج على سنة الله ورسوله .. في الاول ما وافقت وكان بيني وبين نفسي اقول شجايل انا من جنسيه وهو من جنسيه .. ما تنفع وبعدين شو نظرة المجتمع حجي .. وشو بيكون مستقبل عيالي .. وجنسيتهم غير عن جنسيتي .. ومالهم مستقبل في البلاد .. رفضته .. وقولته كل شي قسمه ونصيب .. المهم قاليه مب مستعجل وفكري .. شويه وانا حسيت اني حبيته .. ما اعرف كيف .. بس لاني لقيته ريال بمعنى الكلمه التزام وصلااه وتواظع وشديد وبعيد عن المغازله وحركات شباب هالاياام .. ومره سالني وقالي شو قولتي يا بنت العرب .. قتله صليت واستخاره مرتاحه لك .. قالي يعني اكلم اهلج .. قتله لحظه تكلمهم في الوقت المناسب .. ومرت الايام ورد عليه قاليه متى اخبطبج .. قتله انته تحبني صدق .. ولا مجرد كلام .. انك تريد تعرس وخلاص .. قاليه احبج واريدج وعمري ما افرط فيج العمر كله .. كفاياا انج ارتحتيلي ... قتله اسمعني انزين .. قاليه شو .. قتله انا شو رايك فيني .. قاليه طيبه وزينه وتصلي ولو الف العالم كله ما الاقي احسن عنج .. قتله من ناحية شكلي .. قاليه جميله والجمال لله . بياض وطول وحلااوه ماعليج قصور .. قلت انته كنت تتمنى تاخذ واحده جميله .. قاليه اكيد كل واحد يتمنى يتزوج واحده جميله .. المهم تعرف عني شي سالت عني .. قاليه معايا من سنه وزياده وتبيني اسال عنج .. قتله اسمعني يا ولد الناس انا ما اريد اضحك عليك .. اريد اصارحك من اولها .. قاليه شو .. قتله انا جدودي كانو من اسمر .. ( اكيد تعرفون شو يعني سمر ) قاليه معقوله .. قتله هيه يدودي من السمر ما هم من البيض .. قاليه ليش ما يبان عليج قتله سبحان الله .. وقتله للعلم انا كل اخواني وخواتي بيض وحلوين وما يبان علينا عرق السمر .. الستغرب وقالي ما كنت اعرف .. قتله انته احينه عرفت .. وسكت وهو سكت بنفس الوقت ...
لكن من نظرته ومن كلامه حسيت انه خلااص بيغير رئيه فيني .. لانه هو دوم يقول انه حر ابن احرار ... بس انا اعرف انه خلاص احينه ما يرديني .. وانا بعد ما اريده .. وما هو من نصيبي ..
بس تعرفون ليش ابكي .. ابكي لاني في يوم فرحت فيه .. صحيح كانت تجيني تهاويس المستقبيله .. بس ساعات وانا قاعده بين نفسي كنت افرح فيه وفيه كلامه.. وكنت اقول لو اهلي ما وافقوا عليه بحاول اخليهم يوافقون .. كنت اقول مستحيل ما التزوجه .. لازم اهلي يقتعون فيه .. لانه اهلي كانوا من المتسحيلات يخلوني التزوجه .. لانهم يخافون عليه وعلى مستقبيله .. وكنت اقول بضحي باي شي علشان .. بضحي بمستقبلي ولو جبت منه عيال راح اضحي بستقبل عياالي وخليهم يعشون مثل الاغراب .. ضحيت لانه هو فقير وما يملك شي الي عنده كان ياكل ويلبس فيهم .. قلت ما عليه راتبي على رابته بيكفينا وبنعيش احسن عيشه .. وبنكون اسعد نااس .. كفايا انه يحبني من قلبه .. والحب في هذا الزمان نادر لو لقينا في شبابنا .. بس للاسف انا ضحيت باشياء وايد بس هو ما قدر يضحي بشي واحد
الروابط المفضلة