أختي اصيبت بالفصام قبل 8سنوات
دكتور.. عبدالله
السلام عليكم..
صراحه مااعرف من فين ابدأ لان الموضوع معقد وطويل وبحاول اختصر قد مااقدر..
اختي يادكتور اصيبت بالفصام قبل 8سنوات تقريبا كان عمرها تقريبا 23 متزوجه وعندها ولد وبنت طبعا انتقلوا بها اهلي من مستشفى لمستشفى ومن دوا لدوا الين ف الاخر استقرت حالتها بعد سنتين ورجعت بيتها وبدات تتحسن الحمدلله اقدر اقول الين صارت احسن 80بالمئه واستمرت كذا 3سنوات كانت تستخدم فقط ريسبردال.. بعد كذا قدر الله وحملت وتركت الدواء وستر الله فترة حملها ماتعبت الين ولدت بدأت تتغير نفسيتها رجعنا للمستشفى واعطاها دواء لكن مع الاسف كانت في بيتها وماكان احد يراقب على الدواء فما كانت تاخذه بعد سته اشهر انتكست انتكاسه شديده لاحظنا عليها تغير كبير في كلامها نومها نفسيتها وكل شي وبعد كم يوم اللي هو اول يوم من رمضان فبل سنتين ثارت يادكتور ثوره والله مااعرف كيف اوصفها صراخ رقص غنا ضحك بكاء كلام غير مفهوم شخصيه ثانيه غير اختي في الكلام في الصوت الافكار الهلوسه والله انا وانا متعلمه وعارفه مرضها الوصف اللي ممكن اقوله لحالتها جنون والله شكيت انها ممكن ترجع طبيعي مره ثانيه بعد كل اللي شفناه منها.. استمرت طول شهر رمضان بهذا الحال واحنا مقفلين علينا في البيت وجالسين معاها لانها كانت تخرج ممكن بدون عبايه واحيانا في البيت ماتكون متستره الله المستعان طبعا كنا نروح المستشفى كل كم يوم بس يدونا دواء ومهديات وعلى حسب كلامهم الدواء يبغاله وقت طويل عشان يبدأ مفعوله “ومع الاسف انا في جده وفي مستشفى حكومي واحد فقط للامراض النفسيه وانا ما اعتبره مستشفى وحقه يهدم” .. اتنومت في المستشفى بعد كذا شهرين والحمدلله طلعت احسن ومستقره شوي اهم شي الحاله اللي كانت برمضان راحت هذه نعمه كبيره الحمدلله وبدات تتحسن شوي لكن اقل بكثير من اول مره ومن ذاك الوقت الي اليوم واحنا في معاناه مع الدواء رافضه الدواء رفض تام دخلت المستشفى كذا مره وطلعت غيروا لها الدواء يمكن اكثر من اربع مرات الان وصلنا للسؤال ايش الحل في هذه الحاله؟ لها الان شهر مااستخدمت الدواء واحنا خايفين تنتكس هي الان تستخدم ابره اسمها اظن “هالدول” كل اسبوعين الابره اللي الان نقدر عليها بالقوه لكن الدواء عجزنا.. معقوله مافي طريقه تنقعها باخذ الدواء؟ وايش رايك يادكتور بالجلسات الكهربائيه “مااعرف اذا كان هذا اسمها الطبي او لا” ترى اول ما صابها المرض قبل الانتكاسه سوينا لها جلسات في مستشفى خاص.. يعني هل تنصحنا الان نسويها لها وهل هي افضل واخر الحلول رغم انها مكلفه ؟ اسفه جدا ع الاطاله والله في كلام كثير ودي اقوله ولكن توضيح بسيط حالتها الاجتماعيه والاسريه جدا سيئه لمن مرضت اول مره زوجها”ولد عمي” تزوج عليها وهو فقير جداا وحالته تحزن الله المستعان وزواج زوجها اكيد كان له تأثير عليها ماابغى ابدأ في هذا الموضوع لانه بيطول ولكن فترة انتكاستها كان كل كلامها عن زوجة زوجها الحين هي واولادها عايشين عندنا في بيت اهلي… اتمنى ترد على رسالتي وشكرا .
الجواب:
الفصام سلمك الله من الأمراض المزمنة التي لا شفاء منها للأسف. ولك انتكاسة تترك أثراً لا يخف ، لذلك من المهم الاستمرار في العلاج.
الابرة جيدة وافضل منها على المدى الطويل ابرة رسبردال كونستا. أما الجلسات الكهربائية فلا فائدة منها على الإطلاق إلا احتواء الأزمة في حينها فقط.
http://www.najahteam.com/node/11
والسلام
