أ خ ـــــــبار ليبيا الحرة وان شاءلله بتحرير سرت وبني وليد

[حره فوق رأس حر]

بسم الله الرحمن الرحيم
والصلاة والسلام على اشرف الأنبياء والمرسلين

سيدنا محمد عليه الف صلاة والسلام

وبعد



زي ماتعرفو موضوعنا هنا هو موضوع مصيري لكل حر وحرة

موضوع نتداول فيه اخبار الثورة والثوار

وكل ماهو جديد بالشان الليبي

من هذا المنبر
ندعو كل الاخوات الغاليات الحرات يلي كانو معنا من اول ماقامت الثورة ان يعادو ويطمنونا عنهم



برغم من اني خرجت من طرابلس شهر 5 بس قضيت معكم كل حلوةومرة

وحسيت انا نحنا المتغربات رغم اننا بعاد عن ارض الواقع الا اننا نتعدب أكتر من اهل الواقع


طولتها 00 مكسدة وماعرفتش شنو نكتب

المهم

خلونا نتداولو الاخبار ومني انا صور صفصف ومفرخها ومشفشفها

666



جو عليهم العيلة الهبلة

وطويشة مالة كان تشوفو صورها

بعيدة كل البعد عن الرومانسية

زى خوتها مشكلة لما الواحدة تعيش بين كمشة ذكورة


نرجعو للمهم



زنخشو فى صلب الموضوع

وهو
الدعاء ثمالدعاء ثم الدعاء


وان شاءلله تتحرر كل من سرت وبني وليد


ووبس

::

[حره فوق رأس حر]

ما الحرية ؟ فَجَّرت هموماً منسية
لو ذقناها ما هاجرنا وتركنا الشمس الشرقية
بل طالعنا معلومات في المخطوطات الأثرية
أن الحرية أزهار ولها رائحة عطرية
كانت تنمو بمدينتنا وتفوح على الإنسانية
ثوار المهدية

[omsuma65]

الف شكر ياحره على فتح هذه الصفحه التي ندعوالله ان تكون هي من نسمع فيها خبر موت الطاغيه
اللهم حرر باقي مدن ليبا وخفف عن اهاليها
اللهم اتي بالنصر لثوارنا وخفف عن اهالي بني وليد
اللهم هد كتائب المجرم وانزل عليهم الرعب
اللهم انزل السكينه في قلوب الابراياء وخصوصا الاطفال
اللهم امين

[omsuma65]

اولادي امبكري كلموني من ميدان الشهداء مش فرحانين اقريب يهبلوا
ولدي اليوم عاد دار شوط بالكلاشن ههههههههههههه ياريته في راس معمر

[omsuma65]

مايخص مقبرة الأصابعة التي اكتشفت اليوم"
- هناك 7 شهود اعترفوا بأن المدعو "عادل الضبع" والمدعو " فوزي الضبع" هما من
كانا يقومان بحفر القبور.
... - وقد قاما بتسليم أنفسهم للمجلس العسكري الأصابعة وقد قام المجلس
بتسليمهم لمجلس غريان العسكري وقد إعترفا إن معظم الجثث من مدينة الزاوية.
- وتم التعرفعلى إحدى الجثث وهي تعود للشهيد "إبراهيم موسى قرادة" من مدينة
يفرن وقيل إنه مدفون من مدة لا تقل عن شهرين أو ثلاثة أشهر.
وقد ذكرنا في خبر سابق أن الثوّار اكتشفوا مقبرتين اليوم بمناطق القضامة والأصابعة
بعد اعتراف متهمين من الأصابعة ببعض عمليات القتل والدفن التي قاموا بها خلال
الثورة.

[حره فوق رأس حر]

ام سوما لحضة راجعلك برد

[omsuma65]

دعونا نكن فى زمرة المستغفرين بالأسحار

أَسْتَغْفِرُ اللَّهَ الَّذِي لا إِلَهَ إِلا هُوَ الْحَيُّ الْقَيُّومُ وَأَتُوبُ إِلَيْهِ
أَسْتَغْفِرُ اللَّهَ الَّذِي لا إِلَهَ إِلا هُوَ الْحَيُّ الْقَيُّومُ وَأَتُوبُ إِلَيْهِ
أَسْتَغْفِرُ اللَّهَ الَّذِي لا إِلَهَ إِلا هُوَ الْحَيُّ الْقَيُّومُ وَأَتُوبُ إِلَيْهِ

[حره فوق رأس حر]

تعرفي مانبيش انخوفك اونشغلك ونوجع قلبك
آكيدة تسمعي فيما يقال ويتنقل عن إطلاق العيار الناري فى الهواء وماسببه من أضرار للناس

منها اصابات ادت الى اعاقة ومنا من اثر سلبي على نفسية الاهل

فعليك بالحرص وتوعية ابناءك لانه مش هكي تعبير عن الفرح

لازم الواحد ايكون محكم عقلة قبل قلبة لو شنو صار نقعدو انلومو وناكلو فى روحنا

كلميهم ونبيهم انهم يعقلو لانه اللعب والهياجة مش بالرصاص الحي

ويارب احفظهم واحفظ كل اخوانا الليبين

[omsuma65]

تعرفي مانبيش انخوفك اونشغلك ونوجع قلبك
آكيدة تسمعي فيما يقال ويتنقل عن إطلاق العيار الناري فى الهواء وماسببه من أضرار للناس

منها اصابات ادت الى اعاقة ومنا من اثر سلبي على نفسية الاهل

فعليك بالحرص وتوعية ابناءك لانه مش هكي تعبير عن الفرح

لازم الواحد ايكون محكم عقلة قبل قلبة لو شنو صار نقعدو انلومو وناكلو فى روحنا

كلميهم ونبيهم انهم يعقلو لانه اللعب والهياجة مش بالرصاص الحي

ويارب احفظهم واحفظ كل اخوانا الليبين

عندك الف حق والله كلامك مافيه مايتلوح على راي عزايزنا
طبعا ولدي اقريب اهبل واحني هنا والشباب زايط في الثوره ويدافعوا على ليبيا تصوري ايقول ياماما غير دزوني لليبيا انكنس تربها وشوارعها
طبعا بعد فرحة وصوله زي اللي رافوا على حالته وعطوه ايجرب الكلاشن
لما قالنا وصينا الكبار وقلنلهم معليش جرب بس هذي اخر مره
فعلا حتى زوجي مش عاجبه ضرب النار في غير محله

[حره فوق رأس حر]

الله يحفظهم والله لما تشوفي هالشباب يلي لليوم ايموتو اتقولي خلاااص ماعا نبو شئ غير يوقف نزف الدم بس
تعبنا هلبة والحرب اثرت على نفسيتنا من كل النواحي

الله المستعان

والحمد لله غير جرب وماعادش تتعود

لانه مصيبة السلاح والحافظ الله