مشاركتي بمسابقة كيف تمهدي لطفلك لاستقبال العام الدراسي الجديد
الف شكر ام صلاح وام سهيل متل ماتعودنا منكن دائما مواضيع شيقه ومفيده بارك الله فيكن وبميزان حسناتكن يارب
ابني ولله الحمد السنه دخل اول ابتدائي وان شاء الله هنا ستكون تجربتي معه وارجو من الله ان اكون قد وفقت
وبما انو النا فتره ونحن مننتظر دخوله المدرسه الفرحه كانت بكل ارجاء المنزل الصغير كبر صار شب وبدو يروح ع المدرسه
وفعلا بدأنا بالتجهيز يمكن المدارس عنا بتختلف عن المدارس بالدول العربيه اول شي لايوجد لدنيا لبس مخصص للمدرسه كل طفل يلبس ملابسه العاديه بصراحه ازعجني هذا الموضوع لانو كنت بحب ابني يلتزم بلباس محدد فلباس المدرسه يجعل الطفل يشعر بشعور مميز
وهنا ايضا قبل بدء المدارس تقريبا بشهر يرسلوا بالبريد ورقة طلبات من دفاتر واقلام وملابس رياضه وغيرها
كنا ننتظر هذه الورقه بفارغ الصبر
وكل مره نرجع ع البيت ابني لازم يفتح البريد بايده لحتى يشوف اذا وصلت ورقة الطلبات ولا لسى
واخيرا وصلت وابني طار من الفرحه
وفعلا راح هو ووالده السوق واشتروا كل شي مطلوب
-
كيف تحضري طفلك للإستقبال العام الجديدمعنويا.
ونحن كل يوم لازم نحكي عن الدراسه وكيف الواحد لازم يكون شاطر ويسمع كلام المدرسات وكيف لازم يكون مهذب ونظيف وكل يوم قصه شكل
وحفظته دعاء الحفظ بصراحه انا اختصرته حتى يحفظه وماينسى وكل يوم كنا نكرره حفظته فقط ان يقول
(اللهم إني أستودعك ما قرأت... وما حفظت ...وما تعلمت...)
بصراحه مابعرف اذا بقوله بالمدرسه او لاء بس ان شاء الله يارب يكون مابينسى وبيقوله بس انا بالبيت وكل يوم
بعد مايخلص الواجب منعيد ونكررفيه
اشتريت لوحه مكتوب عليها ايام الاسبوع وصور صغيره هو اختارهم واتفقنا كل مره بيجي ع البيت وبيعمل الواجب بسرعه وبيدرس كل شي اخده بالمدرسه رح نحط اشارة صح مكان هاليوم وبنهاية الاسبوع اذاكان كل يوم بالاسبوع في عليه هالاشاره بكون في مكافأه وبياخد صور وبحطهم مكان ماهو بيحب واذا يوم واحد مافي اشارة صح مابكون في مكافأه ابدا
كيف كان شعورك طفلك بأول يومين بالعام الدراسيالجديد
لحتى صار وقت المدرسه هون في شغله حلوه انو اول يوم بيعملوا احتفال كبير وبيروحوا كل الاهالي وبيوزعوا هدايا للاطفال طبعا رحنا ولما رجعنا انا كنت عامله حفله صغيره بالبيت مشانه وبالحفله قعدنا حكينا بجد عن المدرسه وانه المدرسه بتختلف عن الروضه وشرحتله كيف وطلبت منه يوعدني يكون ولد شاطر ومجتهد طبعا هو وعد بس السؤال نفذ الوعد ولا لاء ???????
اما عن شعوري بصراحه ما كان بينوصف فرح وخوف ومسؤوليه وزعل وكل شي بيخطر ع البال بس بالنهايه سلمته لرب العالمين وقلت مالي غير الدعاء انه ربنا يحمي ويهدي ويبعد عنه السوء
- هل سألتي عن روضة ابنك إن كانت بسن دخول الروضةوماذا اعجبكِ بالروضة كي تقدمين علىتسجيل ابنك أو بنتكفيها
طبعا سألت كتير عن مدرسة ابني لدرجة اني كنت مسجلته بمدرسه وسمعت عنها اشياء بصراحه ماعجبتني فورا نقلته منها طبعا قبل بدء الدوام
اما مدرسة ابني سمعت انها بتهتم بالطلاب وبتراقب تصرفاتهم وبصراحه والاهم عندي سمعت انهم بيهتموا بالادب لاني كنت خايفه من هالشغله كتير والمدرسات اعمارهم منيحه ومناسبه للتدريس والاهم اني عملت استخاره وسبحان الله ربنا يسر اوراق التسجيل جدا
هل لديكِ نصائح أو توجيهات للأطفال أو الأمهاتبشكل عام.
نصيحه لكل ام خذي بعين الاعتبار كل كلمه يقولها ابنك عن المدرسه والمدرسات
راقبي تصرفاته جدا حتى من اول يوم بالمدرسه
ابدأي بعمل برنامج تعليمي ايضا من اول يوم
حاولي ان تعطيه فكره عن درسه في اليوم التالي كي لايتفاجئا به ويكون صعب عليه
دائما اظهري له اعجابك بما يفعل وكم انتي فخوره به
هيىء جو دراسه مناسب لطفلك في المنزل
كوني على تواصل دائم مع مدرساته
ودائما ادعي الله له ان يهديه ويزيده من علمه
- هل تذاكرين وتحرصين على تعليم طفلك في الاسبوعالأول التمهيدي.
الحمد لله من اول يوم بدأت بدأت المدرسه بدأ الجد بالمنزل من اول وصوله وبعد الصلاه وتناول الغداء نجلس جميعا للدراسه يكتب الواجب ونكرر ما اخذه بالمدرسه نأخد استراحه للصلاه واللعب وتناول بعض التسالي ثم نعود للدراسه لأعطيه فكره عن دروسه في اليوم التالي
- هل هناك مصاعبواجهتكِ قام بها طفلك من رفض للروضة أو غيرها وقمتي بالتغلب عليها سريعا وكيف تمذلك؟
الصعوبات يالي واجهتني تغير الجو على ابني بالبدايه كان فرحان بس بعد كم يوم وفجأه صار عصبي ومره قلي مابدي اروح ع المدرسه وهون أجا دوري فتشت كتير عن السبب ورحت اكتر من مره بزياره للمدرسه وراقبت تصرفاته كتير منيح وكنت اسأل مدرساته ورفقاته بالصف عنه
واخيرا اكتشفت السبب وكان سائق السياره يالي بتوصلوا ع البيت هو بصراحه سائقه يعني يالي بتسوق ست وهي طول الطريق بتصرخ فيهم وبتقول مابدي كلام حتى لو مابيحكوا بضل بتقول مابدي اسمع ولاحرف
طبعا اتكلمت معها والحمد لله الموضوع خف وبتمنى من ربي تكون حسنت معاملتها معهم
بالنهايه اتمنى من قلبي التوفيق والنجاح لكل اطفال المسلمين اللهم امين
أسألكم الدعاء بالهدايه لابني ولجميع اطفال المسلمين
حبي لكن
رد مع الاستدلال
كتبت بواسطة ام سيف2007
الروابط المفضلة