واليكم تجربتي مع ابنائي وكيف عودتهم على النوم
انا اول 3 شهور من الولادة بينامو جنبي بنفس الفرش لغاية ميتعلمو الليل والنهار لانه بالاول بيصحو بليل وينامو بالنهار فكنت بخليهم جنبي عشان سهولة الرضاعة
لما بيكملو 3 شهور احطهم في فرشتهم crib
وطبعا وهما صغار مش بتفرق معاهم لانهم لسة مش متعودين على حاجة
وسريرهم بيكون في طرف الغرفة يعني بعيد على سريري
اول 3 شهور ولو صحيو بليل اقوم ارضعهم وارجعهم لفرشتهم
لما بيكبرو شوي بيتغير النظام
وهما في فرشتهم بحاول ارجعهم للنوم اما بتغير الجنب لي نايمين عليه او تغطيتهم جيدا واحط جنبي ماء
اشربهم شوي ماء واطبطب عليهم لغاية مريجعو ينامو
طبعا اول اسبوع بيكون كله بكاء ومش راضيين وعاوزين يرضعو بليل لكن انا لو اتخذت قرار عدم رضاعة بليل خلاص مفيش حد يرجعني والحمد لله ده بفضل ربنا رزقني شخصية قوية وصارمة في الاشياء لي فيها مصلحة ليهم وليا وده غالبا بيكون من بداية 6 اشهر بيكونو بدأو الاكل بعشيهم كويس وارضعهم كويس وانيمهم وعلى فرشتهم نفس النظام اتبعته مع ابني (في ابنتي حصلت ضروف سأتطرق اليها بعدين وكانت هذه المرحلة في عمر 8 اشهر )
بداية مع ابني :::
كان عندي غرفة وحدة بس كانت كبيييرة كانها أوضتين في بعض لما كمل سنة قسمتها بايزار وحطيته في ناحية واحنا في الناحية الثانية عشان
لو فتح عيونه واحنا في ... متجيش عينو علينا
فحيعيط ونعرف انه صحي
(ديرو بالكم لانه الطفل ممكن يصحى على صوت وشوشة ويفتح عينو و يبص المشكلة مش بتعرف الاهالي انه صاحي وممكن يكون شاف كل حاجة )
بنت بتحكي عندها 5 سنين وهي مع ابوها وامها في نفس الاوضة فكانت كل ليلة تستنى لما يدخلو تعمل روحها نايمة بس يبلشو في الممنوع تفتح عنيها وتتفرج (ربنا يعافينا ويحمي اطفالنا من كل سوء )
اكمل بقى لما ولدت ابنتي::
اتبعت معها نفس الطريقة اول شهرين معايا بنفس الفرشة وابني في فرشته وراء الستارة لي بنص الاوضة وكان متعود على كده
المشكلة بدأت عندي لما سافرت البلد وابنتي عمرها شهرين
اول ما نزلنا البلد جلسنا في بيت اخت زوجي لانها كانت بالحج و احنا لي حنمسك اولادها لغاية مترجع
طبعا بنام في غرفة نومها احنا الاربعة بنفس السرير ولو زوجي اتزنق ينام في الصالة وانا اطفالي بنفس السرير مفيش حل ثاني وده استمر شهر كامل
رحت لبيتي لي في البلد اول ليلة نمنا في سرير واحد كلنا
طبعا غرفتي بالبلد صغيرة مش زي لي كنت حاطة فيها ستارة
فلما حطيت فرشة لابني كانت ملزقة بفرشنا كانه فرش واحد ومكانش معترض وابنتي وقتها كانت 3 شهور بدأت احطها في فرشتها الخاصة TRAVEL CRIB جبتو معايا
المهم اتعودو علينا بغرفة وحدة متلزقين ببعض هههه الاجمالي جلسنا في البلد 3 شهور ونص
رجعنا على امريكا بدأت المشاكل والخناقات مع ابني الله يهديه
قال ايه بدو ينام جنب ابوه اشمعنى انا انام جنبو وهو لا ههههه
بقولو يا حبيبي ابي وامي ينامو جنب بعض والاطفال كل واحد في مكانه
طبعا كان لسة سنتين و8 اشهر وبيفهم كلامي الحمد لله لكن لا يطبق شيء منه 
طبعا اول شهر كنا بنام كلنا على الارض بما ان ابني رافض فكرة فرشته لوحده واحنا مكنش عنا فراش لسة وكنا في بيت مؤقت وبندور على شقة ثانية
الحمد لله لما عزلنا للبيت الجديد وجبت له فرش مقاس توين وجبت لينا فرشة وابنتي حطيتها في فرشة الاطفال ونسقنا امورنا اخذنا تقريبا 3 اسابيع في غرفة وحده
بعدها اخذت الصالة بما انها مستقلة ولها مدخل خاص بيها ومش مفتوحة على مكان تاني حطيت عليها ستارة حلوة وجميلة
وفرشتها غرفة الاولاد
حولت فراشاتهم ليها
وكانت ابنتي عندها 8 شهور وقررت افطمها بليل من الرضاعة
ابني لسة مش متقبل الفكرة ولو صحي بنص اليل يجي يكمل معايا بس برجعه غالبا
وحطيت لهم الالعاب واشتريت له مكتب صغير وطاولة وكرسي للعب عشان يستمتع بغرفته ونقلت كل ملابسهم في دولابات في غرفتهم عشان يحسو باستقلال تام وانفصال عن غرفتي
زوجي كان رافض فكرة ينامو في غرفة لوحدهم وعاوزهم يفضلو معانا لانه تعود عليهم وخايف عليهم يكونو بعيد عننا
لكني كنت مقتنعة بوجهة نظري ان الاطفال ينقلو لغرفة ثانية بين سنتين الى 3 سنوات لانه بيبدأو يستوعبو وبيذكرو اي حاجة شفوها وبتترسخ في مخهم وبما ان ابنتي اقل من سنة فكان حافز لي ان اخرجها مع اخوها حتى ما يحس انه اهملناه وطردناه من الغرفة لانه بيغير منها
وطبقت الفكرة وهو في الشغل لما رجع المساء فضل يقول مش انا قلت لا ما تطلعبهم للاا خليهم جنبنا
لكن لما دخل لغرفته بليل شكرني وقالي بارك الله فيك
وحس باستقلال الذي لم يحس به منذ 3 سنوات
لانه كان لازم يتكلم بصوت واطي وممنوع النور (لانه اولادي متعودين النوم بالهدوء والضلمة ) وممنوع تلفون ولا كمبيوتر هههه
الحمد لله الاطفال نايمين براحتهم في غرفتهم مستقلين لا في ازعاج ولا اي شي
دي تجربتي في فصل ابنائي في غرفة ثانية
اذا استفدتم منها يا ريت تدعولنا بتيسيير الامور
ولا تنسو تقولو
اللهم بارك في ياسر ومريم واجعلهم من الصالحين
تجربتي في نقل اطفالي من غرفة النوم(¯`·.¸(¯`·.¸(تجربة أم ناجحة ) ¸.·´¯)¸.·´¯)
رد مع الاستدلال
مدونتي مطبخ ام مرمر و ليلو
كتبت بواسطة ام ياسـ مريوم ـر
الروابط المفضلة