أرجو المساعدة في سفري إلى مصر

**thenile** · 24-10-2010, 11:30 AM

السلام عليكم عزيزاتى

أول مرة أدخل لطلب المساعده حقيقه متأكده ما فى غيركم ممكن يكون دليل سياحى بالنسبة لى
أول مره أنزل مصر فعايزه أعرف الجو هذه الأيام والمناطق الممكن أزورها والأسواق أفضلها وأخد هدايا لأصدقاء زوجى وزوجاتهم يعنى تفاصيل لو ممكن
وأكون أكثر من شاكرة

**thenile** · 25-10-2010, 08:30 AM

وين الأخوات المصريات يساعدونى ما فى حد

**نقآء الياسمين ~** · 25-10-2010, 09:14 AM

حياكِ الله غاليتي ..

بإذن الله الاخوات اللي بمصر مارح يقصروا ..

وهي رابط ل رحلتي لمصر من قبل ان شاء الله تفيدك ..

صيفنا إبداع: مــصر { أم الدنيـا } تعرفوا معي على أجمل المناطق في هذا التقرير المصور₪ رحلة متميزة ₪

وسفرة موفقة بإذن الله ..

**thenile** · 25-10-2010, 09:21 AM

مشكورة عزيزتى نقاء ما قصرتى وفى إنتظار العزيزات المصريات

ياريت ما يتأخروا لأنى بسافر نهاية الإسبوع إن شاء الله

**هناء روح** · 25-10-2010, 09:35 AM

عليكم السلام ورحمة الله وبركاته

يسعدك نقآئي

حياكِ ربي اختي في مصر

حبيبتي الجو حاليا هناك رااائع .. واعتقد انه بيكون في نسمه بارده شوية بالليل
هذا الجو في الجزء الشمالي من مصر

اما القاهرة فاعتقدها حاارة نهارا والله اعلم

:

طبعا الاماكن الاثريه بيفضلها الكثير عند زيارة القاهره
وعندك ايضا حديقة الحيوانات وبرج القاهرة وان كنت تحبين الرحلات النهريه ..فهي خيار رائع نهارا

وهناك ايضا دريم بارك وسندباد (( مدينتي ملاهي للاطفال ))

اما الاسواق فعلى حد علمي خان الخليلي والحسين من اكثر الاسواق ارتيادا لاخذ هدايا (( تجنبي التماثيل والمجسمات لذوات الارواح ))

:

هذا على حد علمي بالقاهرة ومن خلال زياراتي لها
لاني وكما ذكرت من الشمال جارة البحر

بالتوفيق عزيزتي
رحلة ممتعه وماتعه باذن الله

ولا تنسي دعآء السفر

:

**thenile** · 25-10-2010, 10:51 AM

شاكرة مرورك العطر عزيزتى هنا
وبارك الله فيك على التذكرة

**ام بودى2** · 25-10-2010, 03:02 PM

السلام عليكم ورحمة الله

اولا مصر هتنور بيكى حببتى

بالنسبة للجو هذة الايام فى القاهرة اكثر من رائع تصل درجات الحرارة هذة الايام 27 درجة نهارا

الجو تحفة

اما اماكن الترفية فى القاهرة فهى كثيرة جدااا

اولا الازهر بارك مكان تحفة من حيث الموقع والخدمة وكمان هذة الايام فية عروض للسيرك

هناك برج القاهرة

منطقة الاهرامات الجيزة

حديقة الحيوانات من 9 صباحا حتى الرابعة عصرا

اما الملاهى ففى دريم بارك ودى فعلا رائعة انا ذهبت لها اكثر من 5 مرات

ومدينة الانتاج الاعلامى ماجيك لاند

دول افضل اماكن من حيث الملاهى

اذا كنتى تهوى المتاحف يوجد المتحف المصرى فى ميدان التحرير

ومتحف الفن الاسلامى فى منطقة باب الخلق بجوار منطقة الازهر

ومنطقة الازهر والحسين دى بقى احلى الاماكن الشعبية

وهناك هتتمتعى بجد وهتتسوقى لانها سوق مفتوح ممكن تشترى المنسوجات القطنية
فهى افضل ما هتحصلى علية بجد هتلاقى كل حاجة نفسك فيها فى الموسكى والازهر والاسعار جدا معقولة ومش غالية خالص

وطبعا هناك مولات كثيرة جداااااااااااا اشهرها سيتى مول

لو حابة تسافرى فى اماكن اخرى غير القاهرة

الغردقة وشرم الشيخ خياااااااااااااااااال بجد جميلة جدا

وفية الفيوم بحيرة قارون ووادى الريان كانك فى ادغال افريقيا بجد مصر جميلة ومليئة
بالاماكن السياحية

واتمنى انك توفقى وتكون اقامتك فى مصر مريحة واى مساعدة ادخلى واكتبى هنا واحنا نساعدك

واى معلومات عن اى مكان نجيبك عليها

ونتمنى لك اقامة سعيدة ان شاء الله

***سمسمية*** · 25-10-2010, 03:09 PM

أولا أهلا بيكي حبيبتي في مصر
هتنوريها والله العظيم
وإن شاء الله توصلي بالسلامة

طبعا الرحلة هتقسميها على فترتين
فترة صباحية
وفترة مسائية

الفترة الصباحية ان شاء الله هتكون زيارة
للنيل طبعا
وبرج القاهرة
والأهرامات
وحديقة الحيوانات
والمتحف المصري ده أهم شيء
والقلعة طبعا
قلعة صلاح الدين الأيوبي
وداخلها مسجد محمد علي باشا
رهيييييييب
وفيها متحفين أروع من بعض

أما النزهة المسائية الليلية
هتكون بمشيئة الرحمن توزيعها كلآتي
لو بتحبي الملاهي عندك
الماجيك لاند(مدينة الإنتاج الإعلامي)
وويندر لاند
والسندباد
ولو بتحبي التسوق
عندك مولات كتير
مثل جنينة مول مثلا وغيرها وغيرها
أما الهدايا
فعليكي وعلى خان الخليلي والحسين
أجمل هدايا وأروعها على الإطلاق
وأجمل الهدايا اللي بتكون ذات طابع مصري أصيل
وطبعا مثل ما الأخت (هنا) قالت لك تجنبي التماثيل وذوات الأرواح
فيه إكسسوارات جميلة جدا ذات طابع فرعوني جميل

وبالنسبة للجو
الجو هذه الأيام أروع ما يكون
الجو بالنهار معتدل وبالليل فيه نسبة برودة بسيطة
وخصوصا للأماكن الساحلية مثل التي اسكن فيها انا

وصدقيني مصر رائعة أبعد مما تتخيلي

وهتكون ذكرى عمرك ما هتنسيها أبدا
وخصوصا مصر القديمة
والأحياء الشعبية والحسين
روووووعة
إن شاء الله تيجي بالسلامة
وتنوري مصر كلها

**نقآء الياسمين ~** · 25-10-2010, 03:29 PM

غسمسمية وام بودي ماقصرتوا ياغاليات شوقتوني لزيارة مصر

**thenile** · 27-10-2010, 08:29 AM

أم بودى وسمسمة بارك الله فيكما والله ما قصرتوا وده اللى كنت بتوقعوا منكم
عشان كده جريت على الركن وسألت تسلموا يا غاليات

سمسمة ده من زوقك ومصر منورة بأهلها وأنا متأكده إنى ح أستمتع بالرحلة جداً

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: أرجو المساعدة في سفري إلى مصر

أدوات الموضوع

العرض