تنظيف جلسة الأطفال , لعبهم وحتي كرسي الطعام
جلسة الأطفال
بالنسبه لكراس الأطفال دي فمن المعدن ومينفعش تتغسل بالمياه لأنها ممكن تصدي وكمان قاعدتها أسفنج من الداخل
بس عليهم بقع شيكولاته
بمسحها بفوطه مبلوله مياه وديتول للتعقيم وبنشفهم كويس بفوطه ناشفه
بالنسبه للترابيزه
ده وجهها
ناخدها ع البانيو ونعملها بفرشاة الشيش بمياه وصابون
وكمان ظهرها
نشطفها بالشاور
نسيبها تتصفي وبعد كده ننشفها كويس
ياللا نرصهم تاني بعد ماغسلنا السجاده ونضفنا الحائط كمان
وكده بقت جلستهم فل ومتعقمه كمان
بالنسبه لكرسي الطعام وسيارات الأطفال
فأنا برشهم بمياه وديتول مخفف جدا من كل الجوانب
وبمسحهم بفوطه مبلوله
وبسيبهم ينشفوا براحتهم
ودي النتيجه
والسياره شوفوا كانت إزاي من جوه
وبقت إزاي بعد ما عملناها من الداخل وعملنا كل أجزاءها
**ملحوظه هامه
زمان كنت باخد كرسي الطعام ع الحمام وبغسله بالشاور وباللبفه والصابون وده أيام ماكنت بستعمله
إنما دلوقتي مركون وبنظفه بس بشكل دوري
وإلي اللقاء في موضوع تنظيفي تنظيمي جديد بإذن الله
والسلام عليكن ورحمة الله وبركاته
الروابط المفضلة