شكرا لكل اللي باركولي بس محتاجة دعواتكم جداااااااااااااااااااااا

[bero333]

السلام عليكم

شكرا يا بنات علي كل التهاني و الهدايا الحلوة علي ميلاد مازن ابني

انا عارفة اني يمكن أكون اسرع واحدة تعمل موضوع بعد ولادتها
انا ولدت أول امبارح

بس انا محتاجة دعواتكم جدا

مازن اتولد بضعف في الرئة و دخل عشان كده الحضانة
بس الأهم بقي

مازن اتولد بعيب خلقي يسمي الشفة الأرنبيةوهي حدوث شق في الشفة و جزء من سقف الحلق زي كده طبعا ده مش مازن

انا صورته بس مش قادرة أنزل صورته وهو كده
و كمان بالطريقة دي هو هيفضل في الحضانة لغاية ما يروح علي العمليات عشان يتصلح العيب ده و الحمد لله الدكاترة طمنونا انها درجة خفيفة ة اصلاحها سهل بأذن الله
بس مش هيرضع طبيعي و هيفضل في الحضانة لغاية ما يعمل العملية اللي ممكن تكون علي كذا مرحلة و مش هيقدر يخرج من الحضانة أن فيها خطورة من التلوث و قال الدكتور لو خرج هيفضل بين البيت و العناية المركزة و الحضانة بسبب كثرة الالتهابات الرئويةو كمان مش هأعرف أرضعه من البيبرونة و هيبقي لازم نركب له أنبوبة من الخارج و تنتهي في معدته
و الأفضل الحضانة

انا بقي كوني أسيبه لوحده و أرجع البيت من غيره مخلياني هأمووووووووووووووووت
نفسي أشيله و أحضنه بس ممنوع كل اللي قدرت أعمله هو اني مسكت ايده
حاسة اني عايشة أسوأ كابوس
الحمد لله قدر الله و ما شاء فعل
انا لسة راجعة من المستشفي حالا و مش قادرة لا اكل و لا اشرب و لا انام مع الام العملية القيصرية كمان
مش قادرة انام وهو بعيد عني
انا محتاجة دعواتكم لمازن يا بنات ربنا يشفيه و يرجعلي بألف سلامة
و يا رب يرزقكم كلكم بالذرية الصالحة التامة الخلق و يا رب مفيش اي واحدة تمر بالتجربة القاسية دي
سامحوني علي الأطالة و الأخبار اللي مش حلوة دي بس انا حبيت أفضفض معاكم

[سمسمة22]

يا حبيبتي...والله عيني دمعت وأنا بقرأ

أولا حمدالله على سلامتك وإن شاء الله يرجعلك بألف سلامة وربنا يصبرك..

أنا اليوم صايمة إن شاء الله ....ودعائي على الفطار بإذن الله هيكون ليكي ولإبنك...

بس أمانة ..لما تذهبي له تبوسيهولي من إيده..أماااااااااااانه

ابقي طمنينا عليه

[nana123456]

اللهم اشفة وعافية امين يارب العالمين
يارب يشفيهولك ويقومك بالسلامة وتشوفية احلى طفل فى الدنيا
ربنا يشفية يارب بس لو ممكن سؤال ياترى الدكتور قالك السبب فى كدة اية؟

[لـٌولـًُيـٌتـٌأ]

الله يفرح قلبك عليه ويخليه لك وتشوفيه رجااااااااااال يارب ياكريم انك تفرحها وتهدي بالها


وانتي بعد ادعي لي اني اكون حامل


دمتي بود

[ام ياسـ مريوم ـر]

الف الحمد لله على السلامة يا بيرو
بصي يا حبيبتي انا مولودة كده في سنة 1987 يعني الطب فيها كان لا يعتبر طب
ونولدت في البيت ولا حضانة ولا يحزنون
وامي رضعتني طبيعي 6 شهور بالشفة كده ورضعت الحمد لله وامي تعذبت معايا بس رغم كده رضعتني
اولا بما انو حيبقى في الحضانة يبقى اشفطي الحليب من صدرك لمدة نص ساعة كل ساعتين واحفظيه في الفريزر ووديله ياه الحضانة يشربوله ياه باي طريقة عشان حليبك مهم كثييييييير له في هذه الفترة
ثانيا لا تخافي من هذه العملية انا عملولي العملية وانا عمري 6 شهور طبعا لان الطب مكانش متقدم والحمد لله لي بيشوفني الان بيفكر اني فقط وقعت على شفتي وعملت خياطة بسيطة يعني مش باين عليها ارنبية خالص
ثالتا لازم ولازم ولازم تتأكدي ان ابنك معندوش مشكلة خلقية في القلب لان ده ضروري اي شفة ارنبية ملازمة لها عيب خلقي في القلب وده معايا انا شخصيا فتح ارنبي في الصمام الميترالي وبعد ولادتي لابني الاول عملت عملية وصلحت الصمام وسكرت تقب صغير ايضا انولدت بيه
طبعا انا لقلة الخبرة الطبية في وقت ولادتي ما عرفو اني معايا عيب خلقي في القلب الا لما وصلت اعدادي .
بس انا مشكلتي كانت في شفة ارنبية فقط وما كان في فتح في الفك مش عارفة انا قريت انه فيه فرق بينهم بسيط لكن في كلا الحالتين العيب في القلب ملازم .
اهم حاجة يا بيرو اوصيك حالة النفسية لابنك لما يبدأ يكبر ويفهم والله بيتأثر اوعي تخلي اخواتو يعايروه بيها او حتى اصحابه لان ده كان بيأثر على نفسيتي جدا جدا لغاية اني ما كنت اقول لاحد اني مولوده كده كنت اكذب واقول ان دي وقعت وبس
لكن الان لما فهمت ان ده عيب خلقي لا دخل لي ولا لاهلي فيه حمدت ربي على ما اعطاني والحمد لله الان متزوجة وطفلي الثاني في الطريق رب يجعله سليم معافى من كل سوء

ارجوك يا بيرو اي سؤال انا حاضرة راسليني على الخاص وباذن الله اساعدك على قد ما اقدر

[مريدا]

السلام عليكم ....
الحمد لله على سلامتك والله يصبرك اختي ويشفيلك ابنك قادر يا كريم
والحمد لله الطب اطور وان شاء الله بيكون على احسن حال بعد العمليه
بس حبيبتي ايه هوه السبب ولما كنتي حامل ما اعرفتي بوضع طفلك
واسفه على اسئلتي
ربي يرجعهولك بالسلامه ويصبر قلبك.

[هجورة القمر]

اللهم رب الناس اذهب الباس اشفه انت الشافي
لا شفاء الا شفائك,,,,,,,,,
اللهم امدد في عمره و اشف مرضه و اصلح حاله
و اكثري من الدعاء و تيقني ان الله اذا احب عبد ابتلاه
تحياتي,,,,,اختك

[BonBona]

استغفرك يا ربي و اتوب اليك و الحمد لله على كل شيء , طبعا بكيتيني يا بيرو و حاسسة بيكي , اذا كان اهلي بيقولوا عليه اني زي قطة مسعورة علشان مش بستحمل بنتي تبعد دقيقة فما بالك لو حصل ان ابني او بنتي بقوا ف مكان و انا ف مكان تاني , طبع احساس رهيب زائد الحالة النفسية الكئيبة اللي بعد الولادة و انا عارفاها كويس قوي و مريت بيها , بس افتكري ان البعاد ده لمصلحتة و ان كمان سنة ولا اتنين الموضوع كله هينتهي و افتكري كمان ان ده اختبار ليكي و لباباه من عند الله , في حديث بيقول " تفائلوا بالخير تجدوه " خليه قدام عينك دايما و اهتمامك بصحتك هيخليكي تفوقي لعيالك ! اوعي تهملي ف صحتك لأن كده لا هتعرفي تاخدي بالك لا من مازن ولا من اخوه والدنيا هتبوظ . انا عارفة اتك جدعه و مش محتاجة الكلام ده , صح؟ , ربنا يخلصها على خير و يجعل تعبك وتعب باباه في ميزان حسناتكم ياارب .

[ام سيف2007]

حبيبتي بيروووووووووووووووو سلامة مازن الف سلامة
ان شاء الله هدعيلك ولمازن كتير وخلي ظنك بالله كويس ربنا يرده لحضنك ياااااااااااااااااااااا رب
سالم معافى صحيح حسن الخلق والخلقة
بالنسبة لموضوع الرئة ابن اختي اتولد بنقص فيها وتركته في الحضانة فترة والحمد لله دلوقتي عمره 4 سنوات وما عندوش اي مشكلة
ربنا رحيييييييييييييم يا بيرو ارحم منك عليه وهيشفيه تماما
خلي املك في الله كبير ونفسيتك حاولي تحسنيها عشان الجرح ما يتأثرش
ويارب تفتكري الايام دي وابنك في حضنك وتقولي الحمد لله
افتكري ان في ناس طفلها بيموت في بطنها اشكري ربنا كتير عشان يزيدك ويمن عليك بسلامة ابنك
يا رب يبارك لك فيه وفي مؤمن وتشوفيهم على احسن ما تتمني ويفرح قلبك بحضن ابنك في القريب العاجل يارب

[الليبية الطموحة]

اللهم رب الناس اذهب الباس اشفه انت الشافي
لا شفاء الا شفائك,,,,,,,,,
اللهم امدد في عمره و اشف مرضه و اصلح حاله
و اكثري من الدعاء و تيقني ان الله اذا احب عبد ابتلاه
تحياتي,,,,,اختك