ღღوصفات متميزةღღ باص المفاجأت ..حصريا ولأول مره سندوتشات روعه .. من أم شادى

[أم شادى]

اتمنى ان تكونوا جميعا بخير و صحه و سعاده

بدأ فصل الربيع كل عام و أنتم بخير

ما أجمل النزهات و الخروجات و الاستمتاع بجمال الطبيعه مع ما لذ و طاب من السندوتشات اللذيذه

أشكرك و أحييكى غاليتى ام ليانه على موضوعك الرائع جزاكى الله خيرا حبيبتى

و شكرا للغاليات مشرفات المعجنات على معلوماتهم المفيده و القيمه جزاكم الله خيرا حبيباتى

حصريا و لأول مره فى المنتديات أقدم لكم باص المفاجأت

مشاركتى البسيطه لعمل ساندوتشات ظريفه تحبب الاطفال و الكبار فى وجبه الفطار او العشاء

و ايضا جميله و راقيه فى العزائم و للضيوف فى المناسبات و يمكن حشوها حسب رغبتكم

مش حطول عليكم كلام و ندخل على الصور و المقادير

باص المفاجأت

المقادير

5 كوب دقيق
ملعقه كبيره بيكنج بودر
ملعقه صغيره ملح
2 ملعقه زبده + ملعقه زيت زيتون
كوب زبادى ( 3 ملاعق كبار )
بيضه
قطعه خميره بحجم عين الجمل
ملعقه سكر كبيره
حوالى كوب من اللبن

الحشو

تونه مهروسه
شرائح من الرومى المدخن
جبن شيدر
مايونيز
زبده
حلقات من الخيار
حلقات من الجزر
( ممكن تتفنى فى تقديم الحشوات المختلفه حسب رغبه الاسره )

الطريقه

عزيزاتى اهم خطوه اختبار الخميره و استخدام نوع جيد من الدقيق الخاص بالمعجنات

و ترك العجينه مده كافيه حتى تختمر براحتها و استخدام اللبن الدافىء و ليس البارد

نضع الخميره مع ملعقه السكر و حوالى ملعقتين من الماء الدافىء فى كوب و نقلبها و نغطيها حتى ترتفع و تظهر فقاقيع

نضع الدقيق و البيكنج بودر و الملح و نخلطهم ثم نعجنهم بالبيضه المضروبه و الخميره و الزبد اللين و الزيت

نضيف اللبن الدافىء قليلا قليلا للحصول على عجينه ملساء مع العجن و اللت الجيد

تتوقف كميه اللبن على حسب نوع الدقيق ( اخذت منى كوب و ربع )

نعجن جيدا جدا باليد او بالكهرباء لمده مناسبه كلما كان اطول كان افضل
و اقوم برفع العجينه و هبدها عده مرات و دهنها بقليل من الزيت و تغطيتها جيدا حتى تخمر و ترتفع

وضع العجينه فى مكان دافىء و تغطيتها جيدا يساعد على سرعه الاختمار

نبدأ فى اخذ جزء مناسب من العجينه لحجم قالب التوست ( استخدمت قالب بيضاوى الاحرف )
نفرد العجينه لمستطيل سمكه حوالى واحد سنتى و نلفه مثل الرول و نضعه فى القالب المبطن بورق الالمونيوم و المدهون بالزبد

نغطى القالب جيدا و يترك مره اخرى حتى يتضاعف حجمه
دهنت وجهه بقليل من زيت الزيتون ثم ببيضه مخففه باللبن
و زينته بالسمسم و حبه البركه ( يمكن تركه بدون سمسم و حبه البركه و يزين بالجبن بدلا منهم )
خبزته فى فرن ساخن من قبل على حراره 200 ثم خفضتها الى 180

تركته يبرد قليلا ثم فتحت القالب و اخرجته

بسم الله ما شاء الله

تركت القالب يبرد ثم قطعت الجزء العلوى له كالاتى

بالسكين الخاصه بالخبز نحاول ببطء اخراج وسط القالب مع ترك مسافه نصف سنتى من الخارج
و نقسم القلب الى 3 اجزاء هكذا

بعتذر منكم لانى اخطات و قطعت القالب من اسفل متعملوش مثلى حتى يكون اسهل و اجمل بالمنظر

دهنت اول شريحه بالمايونيز و وضعت التونه و دهنت شريحه بالزبد و وضعتها فوقها
ثم دهنت الشريحه بالزبد و وضعت عليها اللحم المدخن

و هكذا دهنت طبقه بالزبد و غطيتها ثم دهنت الوجه الاخر بالزبد و وضعت الجبن و غطيته بشريحه مدهونه بالزبد
نضع السندوتشات ملفوفه بالنايلون بالتلاجه حوالى نصف ساعه حتى تتماسك ( كنت مستعجله و لم اتركها )
نقطع الشرائح بالتساوى الى مربعات

ثم نقسم كل مربع بالورب الى مثلثين ليصبح لدينا 6 مثلثات او 6 سندوتشات
ثم نضع الغلاف الخارجى حولهم بحذر

نضع الجزء العلوى المزين بالسمسم و حبه البركه فوقهم ليرجع الشكل كما كان

الان ننقل التوست بواسطه حامل عريض من اسفل الى طبق التقديم
( اللى متعرفش تنقله تقوم بتقطيعه مثلثات فى طبق التقديم )

أنتظرونى قليلا للموضوع بقيه

[أم شادى]

باص المفاجأت

بواسطه اعوان الاسنان نضع حلقه من الخيار و بداخلها حلقه من الجزر فى الاربع اجناب السفلى كأنهم عجل الاتوبيس
و نزينه بشرائح من الجبن لعمل الباب و الشبابيك

عملت شريحه طويله للباب و مربعين من الجبنه شبابيك

و هنا عملت شباكين من الامام

و هنا الباص من الخلف زجاج واحد كبير

و هنا الباص من الجانب الاخر 3 شبابيك فقط

هكذا اكتمل الباص بشكل جميل

و للتقديم فى المناسبات نضع الغطاء مكشوفا بواسطه الاعواد المخصصه

صوره اقرب توضخ مدى جمال السندوتشات و طريقه تقسيمها

و هذه قطعه ساندوتش بعد اخراجها

و هنا فى طبق التقديم كساندوتش رائع و جميل يحتوى على التونه و اللحوم المدخنه و الجبن كقطعه جاتوه

كانت سندوتشات رائعه و طعمها مميز و شكلها كمان
و الاجمل انها سهله و يمكن عملها فى حفلات المدرسه للاطفال ايضا

يمكن تقسيم الساندوتشات بطريقه اخرى و تقديمها بطريقه جميله

كادو السندوتشات

يمكن استغلال باقى السندوتشات فى تقديمها بطريقه جميله
وهى ضمها بجوار بعض و على شكل هديه و ربطها بشريط مزين
و ايضا يمكن خبز التوست فى صنيه مدوره بدلا من القالب المستطيل لتزينه بهذه الطريقه

يمكن تقسيم شرائح التوست الى 6 شرائح حتى تكون سندوتشات منفصله و رقيقه ليست قطعه واحده
فكل واحد يتناول الساندوتش برغبته و بتكون مناسبه اكتر بالعزائم و للاطفال

أتمنى اكون وصلت الفكره لكم حبيباتى

ساندوتشات التوست

يمكنا استغلال اجناب الاتوبيس فى صنع اجمل ساندوتشات التوست
لاننا لا نرمى نعمه الله و نستغلها

نقطع الاجناب الى شرائح و ندهنها بالكاتشب او صوص البيتسا
و نضع الحشوات التى نرغبها و عليها الجبن و نضعها فى الفرن حتى تسيح الجبن

و قد قدمت لكل واحد ساندوتشه بالحشو المفضل له
من الجبن و الطماطم و الفلفل الاخضر و الموزريلا و اللحوم المدخنه و الكرنب الاحمر و الزيتون

و بما اننا قدمنا سندوتشاتنا تانى يوم فلا ضرر من وضع شرائح الطماطم عليها كما قالت مشرفتنا الحبيبه زهره

رغم ان التوست كان هش و طرى لعده ايام و طعمه دسم ورائع
لكن كان اروع ايضا بهذه الطريقه

بج ساندوتش الكفته

تكمله لسلسه استغلال كل قطعه فى التوست
سقف الاتوبيس قسمته بالنصف و قدمت اكبر ساندوتش من الكفته المشويه
دهنته سلطه طحينه و وضعت عليه الخص و الكفته و شرائح من الخيار المخلل

صوره اقرب

أتمنى تكون عجبتكم سندوتشاتى كما عجبتنا

أتمنى اكون وفقت فى الشرح و قدرت اقيدكم ولو بالقليل

شاكره لكم سعه صدركم من طول الشرح و الموضوع

لكن بجد التنفيذ كان اسهل و اسرع من تنزيل الموضوع

لالالالالا تنسوا الدعاء لأولادى

[شخبط شخبيط]

وااااااااااااااااااااااااااااااااااااااااااااااااا اااااااااااو
بسم الله ما شاء الله عليكى يا طنط فعلا راائع جداا
واسلوب جديد ومميز من ايد الغاليه
محتارع اهتار ايه فيهم با دوب اتعشى بيهم
الله يبارك ليكى فى صحتك واولادك يا غااليه
تسسسسلم الايادى حبيبتى

[tawab]

الحمد لله لحقت مقعد جنب الشوفير
و الرحلة بالباص كانت ممتعة مع أم شادي
بارك الله فيك الوصفة شكلها حلو
ربنا يحفظك

[أم شادى]

الحمد لله لحقت مقعد جنب الشوفير
و الرحلة بالباص كانت ممتعة مع أم شادي
بارك الله فيك الوصفة شكلها حلو
ربنا يحفظك

الف الف شكر حبيبه قلبى
الامتع مرورك يا غاليه عطر صفحتى
تسلميلى حبيبتى كلك ذوق ربنا يكرمك
وجودك اسعدنى و نورنى و شرفنى

[أم شادى]

وااااااااااااااااااااااااااااااااااااااااااااااااا اااااااااااو
بسم الله ما شاء الله عليكى يا طنط فعلا راائع جداا
واسلوب جديد ومميز من ايد الغاليه
محتارع اهتار ايه فيهم با دوب اتعشى بيهم
الله يبارك ليكى فى صحتك واولادك يا غااليه
تسسسسلم الايادى حبيبتى

الف الف شكر حبيبه قلبى
الاروع مرورك يا غاليه عطر صفحتى
اتفضلى ابنتى الحبيبه بالف هنا و شفا
ماتحرمش منك و من دعواتك جزاكى الله الجنه
تسلميلى حبيبتى كلك ذوق ربنا يكرمك
وجودك اسعدنى و شرفنى و نورنى

[(( ام ماهر ))]

يا لذيذ يا رايق يا عينى على التفنن يا عسل

بس بينى وبينك مش حيكمل الشكل معى حيكون اتخذ الباص بالحموله قبل ما اخلص

يسلمو يا قمر دائما مبدعه وفنانه يا غاليه

جزاك الله كل خير

[أم شادى]

يا لذيذ يا رايق يا عينى على التفنن يا عسل

بس بينى وبينك مش حيكمل الشكل معى حيكون اتخذ الباص بالحموله قبل ما اخلص

يسلمو يا قمر دائما مبدعه وفنانه يا غاليه

جزاك الله كل خير

الف الف شكر حبيبه قلبى
ربنا يخليكى و يحفظك يا غاليه لك وحشه
ربنا يباركلك فى اولادك يا رب و يفرحك بيهم
تسلميلى حبيبتى كلك ذوق ربنا يكرمك
جزاكى الله الجنه و نعيمها و اطعمك من ثمارها
وجودك اسعدنى و شرفنى و نورنى

[د.سوسن]

ما شاء الله تبارك الله
ابداااااااااااااااااااع فعلا
الله يباركلك في وقتك و اولادك يا رب

[أم شادى]

ما شاء الله تبارك الله
ابداااااااااااااااااااع فعلا
الله يباركلك في وقتك و اولادك يا رب

الف الف شكر حبيبه قلبى الغاليه
ربنا يباركلك حبيبتى و يخليلك اودلادك
تسلميلى يا غاليه كلك ذوق ربنا يكرمك
ماتحرمش منك و من دعواتك جزاكى الله الجنه و نعيمها
مرورك الكريم اسعدنى و شرفنى و نورنى