اليوم أقدم لكم غالياتي طريقة مربى الفراولة بشكلين
المربى المفروم ناعم والمربى الحبة الكاملة
نأتي للمكونات
لكل كيلو فراولة نحتاج إلى نصف كيلو سكر
ولو كانت الفراولة حلوة نقلل من كمية السكر قليلاً
رشة من ملح الليمون
الطريقة
مربى الفراولة النوع الأول
*نغسل كمية الفراولة بالماء وننزع الورق الأخضر
*نقطع الفراولة ناعم أو ممكن نستخدم فرامة البصل أسرع وأسهل
*نضع الفراولة في قدر ونضع عليها السكر ونحرك قليلاً ونتركها من ساعة إلى ساعتين حتى تصير عنا الفراولة بهالشكل
معليش صورة جوال قديمة
نضعها على النار مع التحريك من فترة لأخرى وننتبه بفترة الغليان ممكن تفور الفراولة عنا
لازم تحريك مستمر وقت الغليان
ولما تتشكل الرغوة عنا أو الريم
نحاول نشيلها
هي ما بتأثر على الطعم
لكن شكل المربى ممكن يكون أحلى وأرتب
ونضيف رشة ملح الليمون ونتركها 5 دقائق تغلي
وقت الطهي بزيد بتزايد كمية الفراولة
يعني ربع كيلو فراولة بيحتاج ربع ساعة ليصير جاهز
ونصف كيلو بيحتاج نصف ساعة
وهكذا
هاد شكل المربى لما صار جاهز
وهي صحن لعيون الغاليات
أما الطريقة التانية فهي مربى الحب الكامل
ممكن نستخدم حبات فراولة كاملة
ممكن أنصاف فراولة
والطريقة سهلة جداً
نضع حبات الفراولة المغسولة مع السكر في مصفاة
ونتركها يوم كامل حتى تدبل حبات الفراولة شوي
وتنزل ميتها
هذه صورة بعد 6 ساعات
كمية الماء يلي بتنزل قليلة نوعاً ما حتى ما تستغربو
المهم
نضع ماء الفراولة على النار وبعد خمس دقائق من الغليان نضيف حبات الفراولة ونتركها تغلي ثم نضيف رشة ملح الليمون ونتركها حتى تدبل حبات الفراولة وبهالوقت بصير المربى عنا جاهز
لما يبرد نعبي بمرطبان نظيف وجاف
وأحلى صحن للحبيبات
بتمنى تجربو بما أنو الآن موسم الفريز
وألف صحة وهنا
دعواتكم لي ولأهل بيتي بالصحة والسلامة
الروابط المفضلة