أهلا و مرحبا بزائراتى الكرام
أتمنى تكونوا بخير و صحه و سعاده
بمناسبه أنتهاء حمله صيفنا أبداع أقدم مجموعه من السلطات و المقبلات مشاركه مع الغاليه ماما الآء فى موضوعها الرائع
جزاكى الله خيرا حبيبتى و فى ميزان حسناتك
سلطاتى و مقبلاتى اليوم من البطاطس
و من منا لا يعشق البطاطس فهى جميله و لذيذه محبوبه للجميع كبار و صغار
و معى اليوم سلطه البطاطس بالمايونيز و بطاطس بالاعشاب و بطاطس كروكيه و سلطه طماطم
سلطه البطاطس بالمايونيز
المقادير
بطاطس مكعبات مسلوقه
مايونيز
كاتشب
نعناع
الطريقه
نخلط جميع المكونات مع بعض و نضبط الملح حسب الرغبه
و توضع بالتلاجه لونها بيكون جميل و طعمها رائع توضع فى طبق التقديم و يمكن تزينها بالنعناع
صوره اقرب
بطاطس بالاعشاب
المقادير
بطاطس ( واحده تقطع حلقات رفيعه )
فص ثوم مهروس
ملح / فلفل
كمون
زعتر ( يمكن اى اعشاب او نكهات حسب الرغبه )قليل من الزيت
الطريقه
نخلط البطاطس بباقى المقادير جيدا و نحضر اناء لا يلتصق به الطعام ( تيفال )
نرص حلقات البطاطس نصف الواحده على الاخرى لنعمل حلقه و نضع الباقى بالوسط نتركها على النار حتى تحمر من اسفل
نقلبها بحذر شديد على الوجه الاخر( نضع غطاء او طبق حرارى على البطاطس و نقلبها و نعيدها الى الطاسه مره اخرى
و تترك حتى تحمر البطاطس من اسفل و تكون نضجت لانها رقيقه نضعها فى طبق التقديم و تقدم ساخنه
أخف من البطاطس المقليه و طعمها جميل و شكلها جميل فى التقديم
بطاطس كروكيه
المقادير
بطاطس مغسوله و مسلوقه بقشرها
عصاج ( بصل مفرى مع لحم مفروم و بهارات )
دقيق / بيض / بقسماط مطحون
مكرونه فرن
ملح و فلفل
زيت للقلى
الطريقه
نقشر البطاطس و نبشرها او نهرسها جيدا
نضع عليها ملح و فلفل و نقلب جيدا ثم نضع كميه مناسبه من العصاج
نقلب جيدا و نظبط الملح ثم نشكلها كور صغيره
نغطسها فى الدقيق ثم البيض ثم البقسماط و نضع فى وسطها حبه من المكرونه
الافضل توضع بالتلاجه لمده لا تقل عن نصف ساعه حتى لا تتفتح أثناء القلى
تقلى فى زيت غزير ساخن جدا و يدوب تصبح ذهبيه اللون نخرجها على ورق ماص او مصفاه بسرعه
تقدم كطبق مقبلات رائع و لذيذ يفضله الجميع
قد سبق و قدمتها على شكل أصابع فى ملفى للبطاطس
سلطه الطماطم
المقادير
طماطم مقطعه صغير
2 فص ثوم مهروس
ملح / كمون / قليل من الزيت
الطريقه
نضع الطماطم و الثوم و الملح و الكمون و الزيت و نقلب جيدا و يترك قبل التقديم بنصف ساعه على الاقل
صوره اقرب
طعمها جميل و فاتحه للشهيه و خاصه مع الاسماك
و يقدم بالهنا و الشفا
سبق و قدمتها على هذا الرابط
أتمنى أطباقى تكون عجبتكم و عجبت حبيبتى ماما الآء
لالالالالا تنسوا الدعاء لأولادى
الروابط المفضلة