فطار كامل من ايد مامتى ست الحبايب اتفضلوووووو

[* امة الله *]

السلام عليكم ورحمة الله وبركاته

ازيكم عاملين ايه وحشتونى

يارب يكون رمضان مبارك عليكم

الحكاية وما فيها انى من بداية الشهر الكريم وانا نفسى اصورلكم فطارى بالوصفات الكاملة لكن لضيق الوقت ولان ايدى مش بتكون نظيفة طول ما انا فى المطبخ فللاسف مش بقدر فلما ذهبت للفطار فى بيت اهلى فكرت انى اصورلكم ماما هى وبتعمل الاكل اهو نستفيد مع بعض

فى البداية نقول بسم الله ونحكى مع بعض عن طبق طبق

العصائر

عرقسوس

تمر

مانجو فريش

سوبيا

باقى الافطار

السلطة الخضراء

مكرونة بالصلصة

اولا البلح باللبن

ينقع البلح فى اللبن قبل الافطار بفترة كافية حوالى 3 ساعات تقريبا او اكثر

ثانيا كفتة الحاتى

القادير:

لحمة مفرومة حسب عدد الافراد يعنى الكمية براحتك

بصل مفرى

كسبرة ناشفة بس مش كتير

ملح وفلفل

بهارات

بقدونس

الطريقة

نقوم بخلط كل المقاديرمع بعضها جيدا

وبعدين ناخد نشكلها صوابع بشرط اننا نتركها

فارغة فى المنتصف تقومى بلفها على قلم مثلا او ايد معلقة خشب كالتالى

دى ايد ست الحبايب هى وبتعمل الكتفة اطال

الله عمرها

وبعدين نرصها فى الصينية اللى مدهونة سمن

وندخلها الفرن ونشعل الفرن من اسفل وعند تمام النضج نشعل الشواية من اعلى لكى تحمر الكفته

ملحوظة مهمة : ضعى قطعة فحم مشتعلة فى الفرن بجوار الكفتة ستجدين طعمها مثل كفتة الحاتى تماما( اختيارى )

ثانيا اصابع البطاطس المحشية

المقادير

بطاطس

عصاج لحمة

الطريقة

نقوم بسلق البطاطس على البوتاجاز ثم نهرسها جيدا مع قليل من السمن والملح والفلفل

ثم نقوم بتشكلها ونحشيها بعصاج اللحمة بهذه الطريقة

وبعد التشكيل نغلفها بالبقسماط بهذه الطريقة

ونرصها فى الصينية وندخلها الفرن

ثالثا شوربة لسان العصفور

ودى انا نازلتها قبل كده فى قسم الشوربات

دا الرابط بتاعها

http://www.lakii.com/vb/showthread.php?t=577965

نيجى بقى للحلو

صينية بقلاوة انما ايه تتاكل اكل

لكن للاسف ماصورتش الخطوات

قدر الله وما شاء فعل

المقادير

لفة جلاش خفيف

مكسرات

سمن او زبدة

الطريقة

ندهن الصنية سمن ونرص بها عدد رقاقات الجلاش وبين كل رقاق والاخر ندهن الزبدة او السمن

بالزبدة وبعد رقاقين او ثلاث نضع كسرات ثم نفرد عليها جلاش وندهن وهكذا وبعد ثلاث رقاقات نضع مكسرات مرة اخرى بعدها نضع رقاقات وندهن بالسمن او الزبدة اخيرا ندهن وش الصينية وندخلها الفرن ونشعل من الاسفل وعند تمام النضج نشعل عليها الشواية من الاعلى وعند الاحمرار نخرجها من الفرن وتسقى بالشربات البارد

وبالهنا والشفا

وكل سنة وانتوا طيبين وماتنسوش تدعوا لماما

ست الحبايب ربنا يبركلنا فيها ويرزقها الصحة وطول العمر ويعينى على برها ويكرمنى برضاها

فى النهاية اترككم فى حفظ الله ومستنية ردودكم عشان افرح بيها ماما

[amal250]

بسم الله ماشاءالله عليكم
وتسلم الايادى الجميلة اللى صورت والى عملت الاكل الجميل
وسفرة دائمة بالخير والهنا
والف صحةوعافية على قلوبكم يارب

[noorelhoda]

الله على ماما وعمايل ايديها
وصلى ليها سلامى يا امه وقوليلها ام نور بتقولك تسلمى يارب
اكيد الاكل بيبقى شهد من ايد امهاتنا ربنا يبارك لك فى والدتك

[mera3]

ماشالله الف صحه وهنا على قلبكووو يا رب
الله يسلم ايدين الماما ويخليلكو ياها يا رب ويطول بعمرهاااا

[أم مــــالــــك]

تسلم ايدك وايد والدتك غاليتي
ربي يحفظها ويطول بعمرها

[ليبيا قلبى]

ماشاء الله تبارك الرحمن

يسلموووووووووووووووووووو

روووووووووووووووووووووووووعه

[بنت بلدى]

[doaa sarhan]

حبيبتى تسلم ايدين ماما ربنا يخليهالك وما يحرمكيش منها ابدا يارب وكل عام وانتم بخير

[hobzoaa]

ما شاء الله حبيبتى سفره هنيه
تسلم ايد ست الحبايب

[لقاء المحبة]

سفره دايمة
ويسلمو ايديكي وايدين ماما