ورجعنا مع الباتاشو والجبنه ورحلة اموله
السلام عليكم ورحمه الله
ويتجدد اللقاء مع احلى الاركان
واغلى الاحباب
مع الغاليه اموله
لاني عاااشقة جبنه
يعني الناس بتخبيها مني
مشاركتي ليك صغيورة
بس مشغوله شويه سامحيني
وهتابع معاكم قصتي مع الباتاشو
الي النهارده هقدمهالكم بالجبنه
وياريت متدحكوش عليه زي موحده صاحبتي عملتها لما قلتلها عليها
قالتلي هوه الشو هيقلب حادق
بس انا بعمل الوصفه دي من زمان وبحبها واولادي كمان حبوها
وبيطلبوها
انا بحب علطول اغير
علشان كده قدمت قبل كدا باتاشو البطاطس
والنهارده الجبنه
المقادير
250 جرام ماء
رشه ملح
ورشه سكر
نص كوب زيت
150 جم دقيق
4 بيضات
طبعا هنحط الميه والزيت والملح والسكر على النار ولما يغلي نضيف الدقيق ونقلب بسرعه دقيقتين كده ونسيبها تبرد
بعدين نحط البيض
ونقلب
هنا انا قسمتها قسمين
قسم كملته عادي شكلته فالصواني علطول
وجزء حطيت عليه ربع كوب جبنه صفرا مبشورة انا حطيت جوده
وشكلتها فالصواني ودخلت الفرن
ولما طلعت سبتها تبرد شويه
بعدين قدمت الي بالجبنه الصفرا مع الكاتشب
والعادي حشيته جبنه بيضا
اما مشاركتي التانيه
جلاش بالجبنه
عملت جبنه بيضا
جبنه رومي
جبنه جوده
قطعت الجلاش مستطيلات
دهنتها سمنه
حشيتها ولفيتها رول
دهنت الوش سمنه ورشيت عليها شويه لبن وعلى الفرن
وتقدم ساااخنه
وبكده خلصت حلقه الجبنه ومكنتش احب انها تخلص لاني بموووت فيها
عايزة اقلكم وانا حامل باكلها بالمعلقه
ههههههههههه
اتمنى اطباقي تعجبكم
ولاتنسوااا اولادي من الدعاء
.
رد مع الاستدلال
الروابط المفضلة