✿* حلى متميز*✿ تشيز كيك من ايد نانوسة ومفيش احلى من كدة
السلام عليكم ورحمة الله وبركاتة
ازيكم يااحلى بنات يارب تكونوا بخير وبصحة وعافية
النهاردة انا جاية وجايبة معايا طريقة التشيز كيك بس حقيى روعة
مش عشان انا اللى عملاها
انا جربت ياجماعة طريق كتيرة جدا فى عمايل التشيز كيم ولا مرة حسيت انها
طعمها زى الطعم البرة
بس المرة دى الطريقة طلعت احلى بكتير من الطعم اللى برةةةةةةةةةة
المهم نبدا انا رغيت كتير قووووووووووووووووووى
المقاديررررررررررر:
بسكويت سادة ( اى نوع انتى تختارية )
وبيضة واحدة بس(انا بصراحة اكتفيت بواحدة مع انى صورت 2 )
2 كوب وربع لبن بودرة
كوب سكر
6 جبات جبنة كيرى ولازم كيرى
2 علبة زبادى
باكو زبدة 250 جرام
يفضل يكون عندك صينية التشيز كيك (انا ماكنش عندى فعملتها فى صنية عادية )
الطبقة الاولى
نجرش البسكويت بقاع الكوباية بالطريقة دى
نضعها فى الصينية ونضع معاها الزبدة ونقلبهم مع بعض كويس
وبعدين نفرد البسكوت بعد الخلط بالطريقة دى
الطبقة التانية
بحط باقى المقادير كلها مع بعض
اضربهم فى الخلاط او بمضرب البيض
واسكب الخليط على البسكويت والزبدة ويدخل الفرن حتى يتماسك الخليط التانى
***يمكن اختبارها بعود خشب بتاع الاسنان (ستيك)***
ملحوظة :
اللى عندها صينية تشيز كيك بتكون رفيعة من تحت وكدة ممكن تتحرق من تحت
فهناك حلين:
1_ يااما تحطى الصينية بتاعة التشيز كيك فى صينية اكبر منها وفيها ماء كانك
هتعملى حمام مائى
2_يااما توطى النار على الاخر( وانا عملت كدة )
الطبقة التالتة (التزيين)
سكر
باكو جيلى فراولة
عصير فراولة
توت محفوظ ودة شكلة
نضعهم على النار شوى
يسكب على الخليط
ودة الشكل النهائى
اتمنى تعجبكم وتنول على رضاكم
***دعواتكم لوالدى بالرحمة ***ولى بالذرية الصالحة عاجلا وليس اجلا***
رد مع الاستدلال
كتبت بواسطة حنان(البحرين)
الروابط المفضلة