السلام عليكم ورحمة الله و بركاته ،،،
قبل كل شي استحلفكم بالله قولو ماشاءالله لاقوة إلا بالله تبارك الله
.
.
.
.
زمان قبل 3 سنين سمعت عن زيت الزيتون لتقليل نمو الشعر وجربته عالشنب بعد نزعو بالحلاوة
وفعلا طول كتير لطلع وبين
وبعدها نسيت الموضوع مابعرف ليش
من فترة تزكرت وقلت ليش ماارجع اجرب عكل جسمي؟؟؟
والله شاهد عكلامي يابنات شوفو طريقتي البسيطة جدا:::
انا بستعمل البراون عشان مااعطي فرصة للشعر يطول كتير ويغلبني ويصير حكاية في النزع
يعني كل مااحسو بلش يطلع بشيل بالبراون لانكو عارفين طبعا بتشيل اقصر الشعيرات
المهم كل مرة بنزع الشعر عن جسمي وبعد مااخلص الرجل اليمين مثلا والمسام لسة احمر و لسة نازعاه
ادهن طبقة من زيت الزيتون
وهكذا لباقي الجسم
ومن اول مرة او اتنين الشعر بدا يضعف كتير ولما يطلع يطلع فااااااااتح والمرة الجاي لما انزعو مابحس كتير
لانو الشعرة ضعيفة
واساسا لانو دايما بشيل بالبراون بفترات قريبة مابسمح للشعر يطلع كتير
ومع استعمال زيت الزيتون هالفترات القريبة صارت تتباعد لانو بطلت الاحظ الشعر كتير
يعني ايكون جمبي وحدة جاي عندي اتعمد اقول قدامها اوف الواحد بدو يشيل الشعر شو هالزهق الي مابخلص
تقلي وين الشعر
شوفو اللؤم هههه
لانو بكون الشعر خفيف ومتفرررررررق والشعرة نفسها فاااااااااااااااتحة ومش باينة
يعني مستحيل ترجعي تلاقي الشعر متل زمان
وهي كل شي ومازلت عالطريقة مستمرة
وكل وحدة حسب نوع جسمها وشعرها
يعني لو شعرك تقيل او كتير يمكن ماتلاحظي من اول مرتين لكن استمري وحتشوفي الفرق اكيد
وكمااااااااااااااااان مرة بحلفكم بالله قولو ما شاء الله لاقوة إلا بالله تبارك الله
انا حبيت افيدكو لانو عنجد رائعة جدا
وحابة اقلكو شي
ازا بتستعملي براون لازالة الشعر في المنطقة الحساسة باستخدام الراس الخاص بالحلاقة
حطي عالمنطقة بالاول كمية وفيرة من البودرة بودرة جونسون يعني او اي بودرة خاصة بالجسم
واحلقي بعدها وشوفي كيف مابغلب والشهر بروح بسرعة و بنحلق عالزييييييرو ونعومة تامة
ماشاءالله لاقوة إلا بالله تبارك الله
جربو هالاشياء وادعولي لما تشوفو النتيجة
وماتكسلو
زيت الزيتون في كل بيت
ولا خلطة ولا تسخين ولااااااا اي شي
مجرد دهن
يعني مافي حجة لتتكاسلو
ولو تستخدمو الحلاوة عادي استخدمو نفس الشي بعد الحلاوة اشطفو او امسحو المكان بالماء وادهنو
وطبعا اهم شي في هالعملية انو بعد ازالة الشعر سواء الحلاوة ولا البراون ماتتحممو
عشان تضمنو زيت الزيتون يتغلغل في الجسم
ازا ولابد الاستحمام يكون قبل الدهن
لكن الافضل بعد الازالة مباشرة والمسام احمر ولسة مفتوح
واكرر الكو انكو ماتنسو تقولو ماشاءالله لاقوة إلا بالله تبارك الله
بلاش بكرة اصبح الاقي الشعر طالع عجسمي طولو مترين
دعواتكم
الروابط المفضلة