-(( للمصريات تعالوا نتبادل الخبرات عن مدارس اللغات -نفيد ونستفيد ))-

[ايمو]

بسى يا قمر نارمر كويسه اوى المنهج الانجليزى قوى و اللغه هايله انا ما عندهم قسم اميركى فى التجمع بسى كل الناس شكرت فى نارمر بس زى ما قلتلك العدد كتير انتى روحى و شوفى و صدقيتى الواحد لما يروح الراى بيختلف
انا الحمد لله قدمت فى Knowledge Valley و ربنا يسهل هيا International British بس سعرها رائع و مناسب يمكن زى مدارس ناشيونال يعنى نفس سعر نارمر .

فى مدرسه هايله بيشكروا فيها اوى اسمها المصريه للغات فى التجمع هى المبانى مش اوى بس تعليميا هايله.

لو احتجتى اى حاجه قليلى انا تحت امرك لان موضوع المدارس ده انا عشت فيه بقالى 4 شهور

[ايمو]

behappy عملتى ايه ؟ طمنينى عليكى

[behappy]

اهلا ايمو انا دخت كثر جداااا ملقتش حاجة نافعه

رحت نارمر لقيت المنهج امرييكي ومش نافع طبعا انا عاوزه بريتش

رحت التجمع لقيت الشويفات و البريطانية رائعين بس السعر غااااالي 40000 غير الباص و التب لرهف فقط

و ماجد كمان 38000

فقلت اكمل السنه دي في مدرستهم و اشوف هعمل ايه بعد كدا

على فكرة قدمت في نيو هورايزن ومردوش عليااا مش عارفه ليه احنا لسه معملناش مقابله اساسا

ولما بتصل بيقولوا لما هنحتاج هنتصل بيكي

الناهردة سمعت ان البشائر عاملة مدرسة انترناشونال جنب كارفور

هروحها ولو عجبتني اقدم للسنة الجاية ان شاء الله



نت عملتي ايه ؟؟ظ

[ايمو]

انا بنتى الحمد لله قبلت فى نولدج فالى بعد ما عملولها اختبار و كمان خدوها يومين المدرسه بس طبعا هيا عندها مشكله القراءه الانجليزى و طبعا البركه فى مدرسه الفيوتشر!!!! انا بجد السنه دى طلع عينى و اشتكيت كتير و ردهم خلانى اناكد ان مافيش فايده الحمد لله انا خلاص خدت قرارى انىمش حكمل فيها حتى لو ليلى ما كنتش قبلت بصى البشاير بسمع انها كويسه حتى الناشيونال بتاعها حلو و فى واحده زميله بنتى حتنقل السنه دى وهى كانت من ضمن المدارس اللى كنت حشوفها يمكن علشان انا فى المنيل فبالنسبه ليا المعادى كويسه و المريوطيه برده مش بعيد علشان كده لما لقيت فرصه نولدج فالى قلت استغلها و كمان كان فى مدرسه اسمها بلوم عند مدرسه الاسن هيا جديده بس الاهالى شكروا فيها اوى كمان لقيت ناس محولين من المعادى عليها و لو ليلى ما كنتش قبلت فى نولدج فالى كنت حروها .

انا عموما لسه ماسحبتس الورق من فيوتشر لان المدرسه بتاخد ترخيص الانترناشيونال و انشاء الله خير وربنا معانا جميعا .

و ليا سؤال ليكى بما ان بنوتك فى سنه 4 اخبار اللغه ايه و ياترى المدرسه وقعت السنه دى و لا هو ده مستواها من الاول انا السنه دى كنت بشرحلها كل حاجه الانجليزى و الماس و الولاد كلهم مستواهم فى الغه و حش اوى بيكتبوا من غير ما يفهموا

[behappy]

والله يا ايمو رهف ممتازه في الانجليزي كانت بتديها في اولى ميس ايمان

وبعدين في ثانية ميس بسنت و ثالثه واحده مش فاكرة اسمها والسنه دي ادتها مروه

بتكتب كويس و بتقرأ كويس برضه

ماجد عندي كويس كمان لانمديرة الكي جي ميس جوان ممتازه بس السنه دي هيكون في اولى

انا مش عارفه اعمل ايه ...مشكلة بعد المدرسه بتسبب لي ازمه علشان كدا

بحاول ادور في محيط المعادي او المعراج وكل ما اجي و انوي النقل يجيلي خوف شديدمن اتجربه

نيو هريزون مردوش عليا ...و هجرب السنه دي وادور اثناء الدراسه على مدرسة كويسه للعام القادم ان شاء الله

سمعت عنالكرمه للغات و قلتلك البشائر ...هتابعهم واروح لهم

انا تعبت يا ايمو والله تعبت

لا هو ده مستواها من الاول

السنه دي ميس انجي عملت مشاكل كثير في بداية السنه من حركة تنقلات في الفصولولخبطة في المدرسات

يعني السنه دي كانت زفت من اولها بس كانت زمان افضل

[ايمو]

و الله انا حاسه بيكى بس كمان مستوى المدرسين مش عاجبنى خالص و كمان الولاد مش بيتكلموا انجليزى خالص يعنى فى كى جى كانوا افضل !!
و لما اشتكيت كان رد ميس نجلاء ما عجبنيش خالص ان الميس بتشرح بالعربى علشان الولاد يفهموا تصدقى
عموما انا قررت خلاص بعد اللى شفته السنه دى

و يا ريت تتواصلى معانا على الرابط ده انشاء الله تستفادى

http://www.lakii.com/vb/showthread.php?t=420950

[جىجى_2005]

ازيكم انا ابنى فى مدرسة اكتوبر للغات (المانور هاوس ) وهما تعليميا ممتازين هو فى kg1 وهما بتابعوا كويس قوى وكمان المنهج بتاعهم بريطانى

[yomizo]

انا كمان بنتى في ندرسه مانور هاوس اكتوبر للغات ) بس هى فرع الدقي kg1 برده ممتازين والتدريس قوي جدا اعندهم وملشيين حلو اوى مع الاطفال واللى اعرفه ان اكتوبر فيها قسم انترناشيونال

[يويا بنت ميويا]

هوة اية الفرق ياجماعة بين المنهج البريطانى والانجليزى ياريت افهم ؟؟؟؟؟؟؟؟؟؟؟؟؟؟؟؟؟؟؟

على فكرة بنتى فى فيوتشزرتك فرع الشيراتون بس المدرسة حتى الان كويسة