* شعار *شوربة فطر على طريقتي***
السلام عليكم و رحمة الله و بركاته
أسعد الله أوقاتكم جميعا"
و أبعد عنكم الأمراض و الأوجاع
شو مناسبة هالسيرة الظريفة.....
صحيح اقترب فصل الصيف و الحر و صرنا بحاجة للمشروبات الباردة
بس في مجموعة من حبايبي مرضانين و حبيت أقدملهن هالشوربة الدافية
على أمل ان شاءالله يتحسنوا و ينتعشوا شوي...
المهم خلينا بالمفيد...
لعمل هذه الشوربة نحتاج:
بصلة متوسطة الحجم
حبة بطاطا متوسطة الحجم
نصف كوب فطر
نصف كوب حليب
ملح ...فلفل أسود
2 ملعقة كبيرة زيت نباتي
الطريقة:
*نقطع البصلة و البطاطا قطع كبيرة و نقلبها قليلا" بالزيت.
* نضيف عليها 2 كوب ماء...ملح ...فلفل.
* نتركها حوالي نصف ساعة على نار هادئة.
* نرفعها عن النار و نتركها تبرد.
* نضع الخليط في الخلاط، حتى تصبح المواد ناعمة و يصير عنا شوربة متجانسة و بتاسب يلي أسنانه عم يوجعوه.
* نفرم الفطر قطع صغيرة...نضعها في وعاء الطبخ و نقلبها بالقليل من الزيت.
* نضيف عليها الخليط السابق و نصف كوب الحليب و نتركها تغلي حوالي 10 دقائق.
*تقدم مع ألف صحة و هنا...
* لو لقيتوا حالكن تحسنتوا و في همة رشوا على الوجه شوية بقدونس
* أنا ما كان عندي..
تمنياتي للجميع بالصحة و السعادة
رد مع الاستدلال
كتبت بواسطة أم فئ
الروابط المفضلة