السلام عليكم و رحمة الله و بركاته
مرحبا يا غاليات
هذه بعض الأعمال التي نفذها ولديَ
بموضوع سابق شفنا قسم و الآن قسم آخر
خروف العيد
هذا الخروف من انجاز وسيم
احضر رول محارم التواليت و حشاه بالورق ليعطي الخروف وزن جيد
نجمع ورقة بيضاء على بعضها و نلصقها بالرول لصنع الرأس
و نرسم معالم الوجه
المسكين مبتسم و مو عرفان شو رح يصير فيه
من عيدان القطن تبع الأذان نصنع الأرجل و أخيرا" نلصق القطن ليكتمل شكل الخروف.
ننتقل الآن لموضوع علمي و هو
مشروب البرتقال الغازي
نحتاج: برتقالة..زجاجة فارغة لوضع العصير...بيكربونات الصودا
نعصر البرتقالة و نضيف لها ملعقة صغيرة من البيكربونات
و نخض و نرج لحتى ينخض راس الماما
و تظهر الرغوة و الفقاعات
نغلق الزجاجة جيدا"و نضعها في البراد
تاني يوم شربها وسيم و قال كتيييير طيب
أما الآن فنتحول إلى وليد
حيث أقامت مدرسته مسابقة لصنع هدية من المكونات الطبيعية
نباتات..حبوب...بهارات...
قالب الكيك
احضرنا علبة شوكولا فارغة
دايما" نجد عند ماما علب و كرتون و كل ما يلزم للاختراعات
و نقطف من حديقة المنزل بعض أوراق الشجر
نغلف العلبة بالأوراق من الخلف و من الجوانب و باستخدام لاصق قوي UHU
لا ننسى وضع جريدة أو صينية تحت العلبة و اللاصق حتى ما تزعل ماما
الآن ننتقل للوجه الأمامي
نحتاج:
رز بسمتي طويل الحبة..قشور بصل..أعشاب طبية..فلفل أسود حب..قرنفل...عصفر للزينة
شو رأيك أم البنين..بتنفع هالمكونات لطبق عند وعود الخير..ههههههه
و نزين الكيكة كما هو واضح
أخيرا" نربط الكيكة بخيط خيش سحبناه من كيس البصل حتى يكون كل شي طبيعي
طبعا" لا ننسى إضافة عرق أخضر لإبراز جمال الألوان
طبعا" المعلمة طار عقلها بالكيكة ..أنتو شو صار معكم؟؟!!
و لكي تكتمل الحلوى اليكم :
قالب الشوكولا
نحتاج ما يلي
شموع عادية..ألوان شمعية...غراء أبيض..علبة معدنية لإذابة الشمع
صحن بلاستيك أو غطاء علبة بتكون الماما كسرتها و هي عم تشتغل و احتفظت بالغطا لوقت الزنقة
نحتاج كمان قالب لصنع الشوكولا..من وين؟؟؟
نشتري علبة شوكولا..نأكل ما بها و نحتفظ بالقالب..شفتوا كيف سهلة
نذيب الشمع في العلبة على النار و نبشر فوقها ألوان شمعية لإعطاء اللون
استخدمنا اللون البيج و البني و الأصفر
نسكب الشمع بالقالب و ننتظر قليلا" حتى يبرد و يجمد ثم نخرجها.
نغلف طبق التقديم بورق ملون و نصف الشوكولا فيه
ماما الشريرة استنت لما اجا بابا من الشغل و هو تعبان و جوعان ، قدمت له الشوكولا و المسكين صدق و ما انتبه إلا و الشوكولا بفمه...سكت و سلم أمره لله على عقل الستات الكبير
أخيرا" نحضر الغراء الأبيض
هاد الغرا يلي كانت أم البنين قاتلة حالها لتشوفه
و نضعه و بكميات كبيرة بين الشوكولا ليبدو مثل الكريما
و هذه النتيجة
أما الآن فسيقدم لكم وسيم هذه الدودات لتفزعوا أخوتكم بها
الدودات اللطيفة
خالة وسيم حضرت لزيارتهم فقامت بمساعدته بهذا العمل و ريحت الماما شوي الله يرضى عليها
أحضروا أوراق بيضاء و ممكن ملونة
قصوا مستطيلات بعرض 2سم و صنعوا الدودات
تابعوا الصور بتفهموا
نتابع في الرد
عندما ننتهي نقص دائرة لصنع الوجه و نلصقها
الآن مرحلة التلوين و باستخدام الألوان المائية
و هاي الدودات جاهزة
طالعين متل البؤساء
الآن نحضر علبة كرتون صغيرة و نلصق الدودات فيها و نربط بخيط من جهة الرأس
نضع العلبة على رف خزانة وليد مشان بس يفتح الخزانة تقع العلبة على راسه
( نسيت قول أنه نربط العلبة بخيط إلى الباب)
الشخص الوحيد يلي وقعت العلبة على راسه هو ماما لما اجت تضب الملابس في الخزانة و لم تكن تعلم بما دبره وسيم و خالته..
حاجة تضحكوا غيروا السيرة و تابعوا معي
كانت الدباديب مبعثرة في الغرفة و تائهة عن بعضها فصنعنا لها سيارة جميلة تنضب فيها
مين الشاطر بيعرف من شووووووو؟؟
نحضر علبة كرتون لصنع جسم السيارة
نشتري جبنة المراعي ( العلبة المدورة) ما حدا يجيب البقرة الضاحكة ...مقاااااطعة...
نأكل الجبنة و نترك العلب للدواليب
نغلف العلبة الكبيرة و علب الجبنة بورق ملون و نلصقها بالجوانب
من أغطية زجاجات الماء صنعنا اللمبات الخلفية و الأمامية
و ركبت الدباديب سيارتها و انطلقت نحو الغابة لزيارة أصدقائها و هي تشعر بالسعادة بعد أن التم شملها..
و أخيرا" ماما و وسيم أحسا بالجوع و التعب فتوجها للمطبخ لإعداد وجة تعيد لهما النشاط و الحيوية
ابقوا معنا...
الروابط المفضلة