حد عنده تفسير لمشكلتى

[rodana]

السلام عليكم ورحمة الله
بنات انا طبعا زى كتير منكم عندى وزن زائد
كان من اسبوع 23 كيلو ولكن انا رحت لاخصائية تغذية
وعملت رجيم واخدت برشام لتنزيل الكوليسترول لانه كان مرتفع
عندى والحمدلله مشيت على الرجيم كويس لكن ماكنتش بعمل رياضة (لاسباب صحية )
وبعد اسبوع لقيت وزنى نازل 7 كيلو و800 جرام كويس قوى الحمد لله
المشكلة ان ما فيش اى تغيير فى جسمى خالص ولا كأنى خسيت حتى نص
كيلو اجو من ذوات الخبرة واللى عنده تفسير يقولى لأنى نفسى احس
بنتيجة
اسفة جدا على الاطالة
يارب كل المسلمين يوصلوا لللا يتمنوه يارب

[شموع غيوم]

ماعليه اختي انتي ماتلحظين نفسك ولا انتي ضعفتي

[احلام عادية]

يا اختى اكيد انة بيبان عليكى بس انتى مش ملاحظة واقولك شئ اخر ان اول اسبوع بتبقى المياة الزائدة فى الجسم هى اللى نزلت ويمكن يكون الميزان مختلف ويمكن الوز الزائد جدا يحتاج الى وزن كتيير حتى يبان عليكى
ممكن الريجيم اللى انت متبعاة

[0مؤمنه بالله0]

اكيد نحفتي بس انت مش حاسه

[mram-elabed]

قيسى هدوم كانت صغيرة عليكى وانتى تحسي بالفرق
واكتبلنا الرجيم اللى عملتية بالله عليكى

[نايس1]

حبيبتي في البدايه ممكن ميبانش
لكن لما تخسي كامكيلوكمان هتلاقي كل حاجه بانت

[*الساجدة لله *]

حبيبتي اللى بيكون وزنهم زائد فوق ال100 كيلو مابيفرق شكلهم كتير الا اذا نزلوا اكتر من 15 كيلو..
بس اكيد اذا قستي ملابس اضيق من مقاساتك ستجدي هناك فرق واضح
ولا تستعجلي النتيجة في الشكل ..انتظري الى ان تصلي تحت ال100 وابدأي تلاحظي في شكلك

[هبه الله يحيى]

بصي انا لما بعمل ريجيم بقيس نفسي بالسم زي بتاع الترزي او الخياطة بقيس البطن وبقيس من عند المعدة ومن الهنش والصدر كل اسبوع فلو خسيتي سم واحد ممكن متاخديش بالك حاولي تقيسي نفسك كدة وحتلاقي فرق

[rodana]

قيسى هدوم كانت صغيرة عليكى وانتى تحسي بالفرق
واكتبلنا الرجيم اللى عملتية بالله عليكى

من عنيا يا مرام
الرجيم هو
الافطار :قطعة جبنة قريش او 2 جبنة مثلثات + سلطة (خس -خيار-طماطم -بقدونس )
الغداء :سلطة +بروتين +خضار (ماعدا البطاطس والبسلة )+نصف رغيف عيش اسمر
العشاء :بليلة او فشار
و ممكن تبدلى الفطار بالعشاء وانا بالنسبة لسنى و حالتى كان ليا 2.5 معلقة سكر فى اليوم
ياريت لو هتعملى الرجيم دا نتابع مع بعض عشان نشجع بعض

[rodana]

حبيبتي اللى بيكون وزنهم زائد فوق ال100 كيلو مابيفرق شكلهم كتير الا اذا نزلوا اكتر من 15 كيلو..
بس اكيد اذا قستي ملابس اضيق من مقاساتك ستجدي هناك فرق واضح
ولا تستعجلي النتيجة في الشكل ..انتظري الى ان تصلي تحت ال100 وابدأي تلاحظي في شكلك

حبيبتى انا مش فوق ال100 ولا حاجة انا كنت
74كيلو وبقيت 66و جرامات ودا اللى مخلينى مستغربة
ومتشكرة جدا على اهتمامك وردك
ويارب ينولك اللى ببالك