السلام عليكم ورحمة الله وبركاته،،،
اليوم راح أقدم لكم حلويات لذيذة .. في منها من رمضان وما سمحت لي الفرصة أني أنزل الوصفات بوقتها .. وهلأ راح أقدمها ويارب تعجبكم ...
حلو نبتة الفراولة...
المقادير:
1 باكيت بسكوت شكولاته محشي بكريما الشكولاته
2 كيس دريم ويب
1 علبة قيمر
1 كيس كريم كراميل (البودرة)
1 كوب كريمة سائلة
حبات فراولة كاملة
الطريقة:
نطحن البسكوت طحن ناعم ..
ثم نعمل الخليط الأبيض بخفق الكريمة السائلة ثم الدريب ويب ثم القيمر والكريم كراميل ..
نضع مقدار من خليط الكريمة في أكواب التقديم ثم البسكوت المطحون ويزين بحبات الفراولة الكاملة ..
تحفظ بالثلاجة لحين التقديم ... بس إذا راح تقدم لثاني يوم يفضل تغطيتها بالنايلون حتى ما تذبل حبات الفراولة ....
كيك الشكولاته بالقرفة ..
المقادير:
1 علبة خليط كيك بيتي كروكر الشكولاته
3 بيضات
فانيلا
نص ملعقة قرفة ناعمة
علبة كريمة سائلة وزن 250 جرام
سكر بودرة للتزيين
الطريقة:
نخفق البيض بخلاط الكيك ونضيف الفانيلا ثم القرفة والكريمة السائلة ونخفق ثم نضيف خليط الكيك ونخفق مدة 5 دقائق ..
نحمي الفرن ..
ندهن الصينية بالزيت ( انا بستعمل زيت بخاخ) ثم نصب الخليط فيها ونضعها بالفرن حتى تنضج ..
يقلب الكيك ويرش بالسكر الناعم ..
سلطة الفواكه..
المقادير:
فواكه مشكلة : تفاح - أجاص - عنب أحمر - عنب اخضر - تين - أناناس - موز - فراولة .... يعني حطي شو عندك فاكهة ..
عصير برتقال + عصيرنص حبة لومي (يلي هو الليمون الصغير)
1 ملعقة كبيرة جوز الهند ناعم
نص ملعقة ماء زهر + نص ملعقة ماء ورد
فستق مقطع
الطريقة:
تقطع الفاكهة قطع كبيرة .. ثم نضيف عصير البرتقال والليمون وماء الزهر وماء الورد ونحركهم ..
ثم يزين بجوز الهند والفستق..
تؤكل مباشرة إذا كانت الفاكهة باردة .. او توضع بالثلاجة لوقت التقديم .. مع عدم نسيان تغطيتها بالنايلون..
كنافة نابلسية ..
المقادير:
حسب حجم الصينية..
نص كيلو عجينة كنافة فرك
جبنة نابلسية منقوعة ومحلاه ومفتتة
صبغة كنافة
رشة ماء ورد
قطر
فستق للزينة
الطريقة:
نضع رشة من صبغة الكنافة على عجينة الكنافة مع الأنتباه إلى لبس كفوف عشان إيدينا ما تتلون .. وندعك الكنافة حتى يتوزع اللون جيداً ..
نرص الكنافة بالصينية ومافي داعي للسمنة لأنها هي مفروكة بسمنة .. ونترك مقدار قليل يعني أقل من ربع على جنب..
نضع ماء الورد على الجبنة ونوزع الجبنة فوق عجينة الكنافة جيداً حتى تغطي العجينة ما عدا الأطراف عشان ما تسيح الجبنة وتنحرق..
نرش باقي كمية الكنافة فوق الجبنة ولازم تكون الجبنة مبينة ..
نضعها بالفرن حتى تبدأ الأطراف بالإحمرار ..
نخرجها ونقلبها في صحن التقديم ويصب عليها القطر وتزين بالفستق الناعم ..
وهون شكل الجبنة كيف بيمغط ..
وعلى فكرة من تجربتي مع الكنافة .. الجبنة النابلسية أطيب من العكاوي وغيرو بالكنافة ..
وهون عملت قطايف بنفس الجبنة وكمان كنت حاطة فيها رشة ماء ورد..
وهون تطبيقاتي لبعض حلويات هند ..
مهلبية الساقو والكاسترد..
وهذا الرابط..
كنافة بجبنة فلادلفيا ..
وهذا الرابط..
كيكة الكيري بالزبدة والحليب المركز..
وهذا الرابط..
يارب يعجبكم شغلي .. ودعواتكم ..
الروابط المفضلة