اسمها وحده الملك فهد للقصور الكلوى بالقصر العينى بس؟

[الكميائى]

لقد ترددت كثيرا قبل كتابه هذا الموضوع ولكنى قررت اظهار الصوره للجميع لعل وعسى الحال يتغير
هذه الوحده موجوده فى القصر العينى القديم
انشأها الملك فهد رحمه الله عليه
كانت الوحده عند افتتاحها ايه فى الجمال والتقدم لخدمه المرضى كما سمعت من كبار الوحده سنا
والان
الوحده تفتقر الى ابسط التحاليل والخدمات والرعايه
لا يوجد تحاليل والاجهزه معطله
لايوجد اجهزه رعايه حرجه على الرغم من وجود قسم رعايه حرجه
وكأنك فى وحده مجانيه فى مستشفى بالحدود الافريقيه
والمرتبات ياعينى عليها اقل مرتبات فى جميع مستشفيات القصر العينى
على الرغم من ان الوحده تسمى ذات طابع خاص ويصل اليها دعم من المملكه
فين؟ الله اعلم
وعلى العكس فى وحدات اخرى مرفهه علشان بفلوس
يعنى دى بلاش لا
على حد علمى يتم الصرف الوحده من المملكه فى صوره اعانات ومن اداره مستشفيات جامعه القاهره (موضوع تانى) وكمان المرضى اللى بتغسل بيخدوا قرار بيكون بفلوس من وزاره الماليه
فين كل ده الله اعلم
واكتر حاجه اقعدت اضحك لما عرفت
فيه اخت فاضله وصلت المعمل علشان تدرب
المشكله غير انها هتدرب على تصليح الاجهزه وشرب المشروبات والاكل والكلام مع الزملاء
انها من السعوديه (الجنسيه) وكمان هتسافر لندن تكمل هناك
وله فى خلقه شئون
ياريت لو حد يعرف مسئول سعودى يوصله المعلومات دى
او موقع خاص بالصحه والمساعدات بالمملكه
يمكن يكون فى اشراف او رعايه صح
ملحوظه ده مش معناه ان الفلوس بتسرق
لكن فى سوء اداره
وكل مريض كلى عارف معنى ان تكون الخدمه ضعيفه (تؤدى الى تلوث ونقل عدوى الفيروسات-مرضى الرعايه معظهم يموتون)
وشكرا لكل من ساهم فى نقل المعلومات والتأكد منها

[ابنة الانصار]

الله المستعان

اخي الكريم من الممكن انه الدعم المالي من السعودية

لكن هل الموظفين والقائمين على المركز كمان سعوديين!!!

اظن ان ادارة المركز هي التي تعلم اين تصرف هذه الاموال لانه المركز من عند الملك فهد رحمه الله

ويكفيه من اسمه انه من المؤكد انه له من اسمه نصيب

وانه تاتيه ميزانية محدده بمبلغ محدد ويجب ان يدل مستواه وواجهته على صاحبه الذي بلتاكيد

لم يفتتحه الا وهو قادر على دعمه ماديا

لكن لانقول الا حسبي الله ونعم الوكيل على من سالت لهم انفسهم بلعب بهذه الاموال

وان يعاقبهم الله ويحرمهم نفس ماحرموا به مرضى هذا المركز والمراجعين

[الكميائى]

اكد مصدر سرى
ان اداره الوحده مصريين بالكامل
بس فيه شخص يأتى كل عام للمرور ولا ادرى ان كان مصرى او سعودى ولكنى اعتقد انه مصرى مقيم بالسعوديه
طب فين موقع الوزاره؟

[الكميائى]

صدر اخيرا قرار من مدير الوحده قرار ملخصه الاتى:
نظرا للظروف الماليه التى تمر بها الوحده
الرجاء التأكيد على استلام المرضى باذن قبول المستشفى مختوم بختم الطبيب المختص
والمعمل والاشعه عدم القيام بأى فحصوات الا بعد الحصول على امر تشغيل مختوم وبه اذن القبول

والكلام ده معناه ان زمان كان كل شئ سايب واللى عايز يعمل حاجه بيعملها
والاهم ان الوحده مشطبه ولايوجد بها فلوس واول مالفلوس هتخلص ======
مش عارف كملوا انتوا؟
وشكرا

[yasmine_ 2006]

لا حول ولا قوة الا بالله...
واتمنى ان نجد احد من المسئولين يفيدنا فى هذا الموضوع..... جزاك الله خيرا...

[عباده]

موضوع للازم يوصل للمسولين

[متغربه]

لاحول ولا قوة الا بالله

[الكميائى]

عن نفسى حاولت اعرف مسئول مصرى
وجدت الاتى :
القصر العينى اسمه الرسمى (مستشفيات جامعه القاهره)
وده معناه ان القصر العينى لا يتبع وزاره الصحه بل يتبع وزاره التعليم العالى
وكمان الوحده زات طابع خاص يعنى اداره منفصله
يعنى الحل من عندنا انه مفيش فايده

[الكميائى]

لقد قررت ان يكون اخر تقرير
موجز الانباء :
سافر السيد الدكتور رئيس الوحده لليونان ليه ؟
الله اعلم
والنتيجه ان جميع الامور الماليه بالوحده ستتوقف لحين رجوع معاليه من السفر
بما فيها المرتبات والامور الخرى من طلبيات شراء .
وقد اكد مصدر مسئول عوده سيادته احتمال الثلاثاء القادم مع العلم ان اول الشهر خلاص ولازم الشيكات تكون موقعه من قبلها علشان تلحق تتصرف


خلاص خلص التقرير وخلصت معاه الحكايه وكمان الحق ادور على حته استخبى فيها
اقولكوا على حاجه انتوا متعرفونيش صح
تمااااااااااااااااااااااااااااام
شكرا