السلام عليكم ورحمة الله و بركاته
meatloafe
الطبق ده بيفكرنى بقالب اللحمة البارده و كانت ماما الله يرحمها تحشيه فى النصف بيض مسلوق
بس لأنى كنت بنوتة خايبة مش فاكرة اسمه و لا عارفه طريقة ماما
المقادير
ملاحظة المقادير كما نقلتها من موقع اجنبى بكمياتها ... و اى تغيير فى تطبيقى للوصفة نوهت عنه و ذكرته بجانب كل مقدار .. للأمانة علشان ما حدش يغرق منى و تبوظ منه الوصفة ------------
ا كيلو لحمة مفرومة
1 كوب بصل مبشور (( أستبدلته بثوم 5 فصوص ..لأنى بحبه اكتر ))
1 كوب ستيك صوص (( أكتفيت بنصف كوب ))
ا كوب عصير طماطم (( أستخدمت صلصة الطماطم الجاهزة الخاصة بالمكرونة )) ( أكتفيت بنصف كوب ))
ا كوب بقسماط أو توست طازج منقعوع فى شوية حليب و تهرسيه
2 بيضة مخفوقة جيدا (( أكتفيت ببيضة واحدة ))
2/1 معلقة صغيرة فلفل اسود مطحون و بهارات و جوزة طيب
(( لاحظى انى لم أضع ملح لأن الصوص به الملح .. لكن لو احببتى ضيفى ربع ملعقة ))
أبدأى بأضافة المقادير بالتتابع و بكل مرة أخلطى الأضافة مع اللحمة جيدا
هنا الشكل النهائى للحمة بعد أن أضفت المقادير كلها
ثم وضعتها بصينية فرن مدهونة بزبدة خفيفة جدا و بجانبها عود قرفة لأنى بحب نكهتها و رائحتها
اخرجيها من الفرن بعد حوالى 40 دقيقة على نار متوسطة و ادهنى وجهها بصوص الطماطم أو بصوص التشيلى
- و دخليها تانى الفرن تتشرب الصوص
و عذراً نسيت اصور الخطوة دى
هنا شكل قالب اللحمة بعد ما طلع
اتركيه يبرد 10 دقائق والمفروض نصف ساعة على الأقل ... لكن للأسف انا و زوجى ما بناكلش الأكل بارد أضررت انتظر 10 دقائق فقط قبل التقطيع
و هنا الشكل النهائى
و ضعى بجانبها اى خضار سوتيه و منوع بالألوان .. أضافة الجزر ممكن تعطى شكل أجمل
انا ما بحبش السوتيه اكتفيت بالبروكلى فقط
و بالهنا و الشفا
أقتراح للتقديم تانى يوم
قومى بترتيب حلقات اللحمة بالطبق و ضعى عليها صويا صوص بالمشروم و ممكن تدخليها الفرن تتشرب من الصوص
الروابط المفضلة