مرحبا يا أحلى صبايا ..
راح اعطيكم اليوم طريقة للتمرية بتشهي بس ما بعرف إذا حدا حطها قبلي بس مين ما داقها عندي انخوت بطعمها .. يارب تعجبكم ..
المقادير:
1 كوب طحين
1 كوب سكر
1 كوب تمر بدون نوى مقطع
1كوب سمنة (كيو بي بي)
1 كوب جوز مفروم
1 ملعقة صغير قرفة
1 ملعقة صغيرة بيكنج باودر
1 ملعقة صغيرة فانيليا
3 بيضات
الطريقة:
نضع في الخلاط (تبع الكيك) البيض مع الفانيليا ثم السكر وبعدها السمنة ونتركهم ينخلطو منيح حتى يذوب السكر تقريباً . ثم نضع التمر وبعدها الطحين مع القرفة والبيكنج باودر وأخيراً الجوز المفروم (راح تلاحظي إنها صارت عجينة متماسكة).
بتدهني الصينية بالسمنة ورشيها بالطحين ثم ضعي الخليط في وسط الصينية وبيدك وبخفة وزعي الخليط على كامل الصينية. وضعيها بالفرن بعد إحمائه قليلاً لمدة نص ساعة أو حتى تجدي الوجه إحمر. أخرجيها من الفرن وقطعيها وهي ساخنة ثم اتركيها تبرد .. وبعدها كليها وراح تشوفي كيف بتكون مقرمشة مثل البسكوت. وممكن تقديمها مع الشاي بالقرفة أو القهوة.
وصحتيييييييييييييييييييييييييييييييين
يلا يا حلوين بدي رأيكم !!
الروابط المفضلة