بسم الله الرحمن الرحيم
انا اليوم نشيطه و سهرانه و حابه اتحفكم بجميع الأركان
بدون طول كلام
هديك اليوم كنت عند صاحبتي و اكلت عندها ليزي كيك امها عاملتها لكن ايه... تحفه.. على قول اخواتنا المصريات .. و اصريت آخد مقاديرها و اعطيكم اياها تجربوها
المقادير:
400 غرام بسكوت دايجستف أو الباكيت الكبير بدون فلسفه
4 بيضات
كوب زيت مازولا
كوب سكر
نص كوب كاكاو
2 كوب جوز الهند
الطريقة:
بنحط البيض والزيت والسكر والكاكاو في طنجره على نار هاديه لحد ما يغلوا شوي و بعدين بتحط جوز الهند و بنحرك تحريكه بسيطه و بنرفعهم عن النار
بنكسر البسكوت يا دوب شوي و بنحطهم فوق الخلطه وكمان بنحرك تحريكه بسيطه و بعدين بنجيب ورق المنيوم و بنحط الخليط فيه و بنلفه بشكل اسطواني و بنحطه بالفريزر الى ان يجمد.. بعدين بنفك الالمنيوم و بنقطع الكيك دوائر و بنحطهم بصحن و بنرش عليهم شويه جوز هند عالوجه
و صحتين
الروابط المفضلة