السلام عليكم ورحمة الله وبركاته
اليوم جايبتلكن شوية مقبلات اكيد كلكن بتعرفوهن بس الفرق نزلتهن على طريقتي
يلا نبلش بسم الله:
اولا: شوربة الفطر :
وهي عبارة عن :
فطر ,معلقةصغيرة سمن ,مكعب ماجي ,ماء ,ملعقة طحين صغيرة
حبة بطاطا ,جزرة ,بازلاء ,شعيرية ,عرق واحد من السبانخ
الطريقة :
بنفرم الجزر والبطاطا مربعات ,بنحمر الفطر دقيقتين بس وبنحط باقي المكونات ما عدا الشعيرية وبنضغطهن سبع دقائق بطنجرة الضغط وبعدين بنضيف الشعيرية و بنخليها عشر دقائق بعدين بنحط عرق السبانخ وبنطفي تحتها النار وصحتين وهنا وهي الصور:
ثانياً:متبل الكوسا
المقادير :
كوسا , لبن , طحينة , ملح ,معلقتين عصير ليمون, زيت زيتون ,ثوم حسب الرغبة
الطريقة:
نقلي الكوسا وبندقهن مع الثوم والملح بدقاقت الثوم قطعة قطعة حتى ينهرسو منيح وبس تنتهي الكمية بنضيف الكمون والملح وشويه عصير ليمون والطحينية وبنخلطهن بصحن كبير بعدين بنسكبهن بجاط التقديم وبنزينهم حسب الرغبة وبنحط الزيت على الوش وهي الصور :
ثالثاً:المحمرة
واكيد معروفة للكل المقادير :
دبس فليفلة , زيت زيتون,بقدونس مفروم ناعم
دبس بندورة,كموة ملح,بصلة,جوز
دبس رمان,حبة البركة ,سمسم
الطريقة :
تفرم البصلة والبقدونس ناعم وبنحمسهن مع السمسم وحبة البركة وبنتركهن شوي على النار حتى يحمر البصل بعدين بنضيف الفليفلة المطحونة (وهي الفليفلة منشفة على الشمس منيح ومفرومة بماكينة اللحمة)
و
بنضيف الجوز ممكن اضافة قطعتين توست منزوعين الحواف لانو بيعطي طعم طيب وبيخفف الحداد (الطعم الحار )
تخلظ المقادير جميعا في صحن ثم يسكب في صحن التقديم ويزين حسب الرغبة وهي الصور :
ان شاء الله يعجبوكن
الروابط المفضلة