عندما جاءتني فكرة المضافة

فكرت فيها كأول ضيفة

أحببت التعرف عليها

وأحببتها

تعيش وسط الخوف والرعب

لكنها لم تتخلى عن أمومتها

شاركتنا في الركن بموضوعات ازداد إعجابي بها

لذلك أحببت ان نتشارك معا في استضافتها



هل تعرفون من هي ؟






إنها









ام ماهر وليندا

بطاقتك الشخصية :

عرفينا بنفسك كأم

انا سوسية عمري26

كم طفل لديك
وماهي اعمارهم ؟

عندي بنتين توأم ماسة و نور وعمرهن سنتين وشهر




ماهي الطرق التي تعتمدي عليها في تربية اطفالك ؟

كون بناتي اول تجربة بالتربية فاعتمدت بالبداية للضرب للأسف وكان أول الاحداث فبدون شعور وبسبب الضغط النفسي الكبير صرت اضربهن
بعد حوالي شهر او شهرين حسيت على حالي وصرت حس اني بدي أخسر نفسيتهن
صرت اعتمد الحكي بالتربية
اول شي الزورة وبعدها بقلهن لأ مابصير هيك وببلش بقلها انو هاد غلط ولاتعيديها
طبعا ماسة مابستفيد معها بشي لأنها عنيدة جدااااااااا وقوية ولسا ما بتحكي فما بقدر اتفاهم معها منيح


هل تستمعي لنصائح من حولك من اهل وصديقات وجارات وتطبقيها بحذافيرها ؟

طبعا هنن بكونو جربو قبلي
بجرب وبشوف إن ناسبني بدعي للي نصحتي بظهر الغيب وبشكرها وإن مامشي الحال بحاول عدل على النصيحة بما يتناسب مع عائلتي

ام انك تمتلكي خط محدد لك ولزوجك في تربية اطفالك؟


طبعا بمتلك خط محدد كوني بعرف مثلا زوجي شو بحب وشو بيكره
وبعرف بناتي إيمتا بنامو إيمتا بياكلو
يعني في شغلات ما بقدر غيرها كونها تعتمد على نمط المنزل




ماهي اجمل اللحظات التي تكوني فيها سعيدة وانت مع اطفالك ، النوم ، اللعب ، الطعام أو غيرها ........؟

لحظاتي مع اطفالي كلها حلوة لأني بعشقهن
النوم : عند بناتي غرفة عبارة عن سجادة تمتد على مساحة الغرفة وفرشة كبيرة بنامو عليها والالعاب
وقت النوم بحاول اشركهن بضب الالعاب وبسطحهن وبغطيهن وبعطيهن ببرونات الحليب وبطفي الضوء تمااااااااااما وبسكر الباب وخلص بنامو لوحدهن

اللعب حلو بس آخر اللعب بتعب لأنو بيبلشو يوقفو عليي ويسطحوني غصب العني مشان يوقفو عليي ويقدرو يوصلو على أزرار الإنارة هههههه

الطعام لحظات بتعب فيها كتير
بالاول بياكلو منيح بس بيتقاتلو كل وحدي بدها اللقمة إلها
وبالاخير بصيرو يهربو مني ودلع وضحك وميااعة ههههههه وإن وحدة لقت أختها بطلت تاكل بتصير هيي كمان مابدها تاكل



أول مارأيت مولودتـ/ك بعد الولادة ماهي مشاعرك التي راودتك حينها ؟


انا ولدت قيصرية اول ما صحيت ماكنت بوعي تماما
بتذكر كان منظرهن حلو انو تختين جنبي
بس قالولي إني سالتهن إن كانو خلقة تامة
ماصحيت عليهن غير بالليل وقت بقيت انا وهني وماما الله يخليلي ياها وقتها انبسطت كتير بس كنت تعبااااااااني



ماذا تعني لك كلمة براءة الطفولة ؟


بعشق الاطفال من انا وبنت وحتى الآن
البراءة هيي أجمل شي بالدنيا
غاية بالصدق والسعادة والفرح
كلمة براءة مابقدر اوصفها بس بشوفها بعيون الاطفال




-ما هي اصعب مرحلة عمرية في تربية الاطفال

وما هي الصعوبات برايك

كل مرحلة ولها صعوبتها
يعني في مرحلة تعليم النونو صعبة برايي
بس الاصعب مرحلة المراهقة الصعب فيها إن بدك تحافظي على الأساسيات اللي ربيتي عليها ابنك او بنتك في ظل التغيرات النفسية والجسمية وحب التقليد للي أكبر منهم والتذبذب النفسي
مرحلة صعبة وبدها وعي من الاهل


-موقف مضحك لاحد اطفالك

اللي بحب أطفالو بلاقي كل مواقفهن حلوة منها :
وقت كانو صغار فترة الزحف واول المشي كانو بغرفتنا النوم عملتلهن ركن بزاوية الغرفة وحجزتهن بين تختنا وتختهن
بيوم دخلنا مالقيناهن خفنا
فجأة سمعنا خربشة تحت التخت
وإذ فاتو من جهة وطلعو من الجهة التاني مشان ياخدو حريتهن بالاذى ههههههه ومن وقتها قررنا نعملهن غرفة خاصة فيهن

وموقف تاني :
وقت بلعبهن بصيرو يضحكو ويركضو ورا بعض فاوقات وحدة منهم بتوقع التاني مابتدرك فورا توقف بتتفركش فيها وبتووقع فوقها هههههه




وموقف اخافك

- من فترة قريبة وقعت ماسة وانشق راسها وبلش ينزل دم
كان يوم خميس الساعة 9 بالليل والضرب ما طبيعي خفت كتير عليها بس عقمتها وضليت حاطة محرمة على الجرح حتى شوي بلش يتخثر الدم ومع ذلك فاقت تاني يوم لقينا بقع دم على فرشتها ... الحمد لله الله حماها

- اول ماولدو كان عمرهن يومين متسطحين جنبي وانا لحالي بالغرفة وسبحان الله التنتين بنفس اللحظة اتشردقو بريقهن يمكن
قمت ماعاد لحقهن صار لونهن كحلي
إجا زوجي وحماتي شالوهن واخدوه على المشفى لأنو سالنا الدكتور قال بكونو بلعو شي من بطني فترة الحمل ووقت رجعو جابو بس وحدي والتاني تركوها بالمشفى لأنو عملولها فحوصات لقو معها يرقان أطفال
وانا ماعاد صدق ابكي وامسك تيابها اللي مرجعيلنا ياهن ( لأنو بحطوها بالحاضنة بس بالحفوضة ) بكيييييييييت كتير لتاني يوم لجابوها
بس طلب الدكتور يجيبو التاني يفحصوها
رجعولي الاولى وخلو التاني هنيك ومرة تاني بكييييييييييييييييييييي ههههه

- وخوفي الدائم على نور رجليها مايلة كتير للداخل شافها دكتور قال معها دوران داخلي وبدها بوط طبي له احزمة تمتد حتى الفخذين
مو موجود غير بالشام وهاد الشي مستحيل بهالاوضاع
الله يشفيها ياااااارب
الحمد لله على كل حال



-مالشئ المهم الذي تركزين عليه لغرسه باطفالك بعد الدين طبعا

الاخلاق ثم العلم والتعليم



ونشكر لك مشاركتنا في مضافتنا

انا اللي بشكركن على استضافتي
وإن شا الله ماتكونو مليتو من حكيي

وبشكر الموقع الراااااااااااائع والمشرفات الاروع

كل الشكر مرة تاني

يا عيني عليكِ ام ماهر
والله استمتعت وانا بقرا ردودك
اولا ربي يفرج كربكم قريبا ان شاءاالله
ثانيا نحن قد بعض بالعمر
وثالثا اعجبني تحويرك لما تسمعيه من نصائح بما يناسب وضع عائلتك
وربي يعينك خاصة انهم توم ما شاءالله الوضع صعب جدااا من ناحية التربية والاهتمام

ضحكتيني لما قلتي وخلو الثانية وتركوا الاولى بالمشفى ورجعتي تبكي من جديد خخخخخخخخخ
الله يعيننا بتذكر يوم ما قررنا نلبس ميرا حلق قلت لهم ما امشي تاخذها حماتي وابوها وروحوا
وفعلا هيك صار وظليت انا واقفة بالشباك وشوي روح عالباب لحتى رجعوا
واخت زوجي تقول اقعدي هي تحط حلق مو تولد خخخخخخخخخخخ

سؤال يطرح نفسه
ليش اسمك ام ماهر وليندا؟؟؟
وانتي عندك البنتين ربي يخليهم لك ماسة ونور؟؟؟

طبعا لكِ حق عدم الرد حبيبتي

ما شاء الله تبارك اللــــه
أم جميلة وبنوتات أجمل
حماكم اللــــه وأسعدكم ويسر أمركم في الدارين أخيتي
سبحان اللـــه التوأم بالذات يحتاج لرعاية واهتمام بشكل كبيـــر
إذا ولد واحد وبيكون متعب
الله يحميهن ويسعدهن ويقر عينك فيهن
غيث مصر إني أجيبلوا إخوان توأم تنين هههه

بدي أسألك كان في حد يساعك ولمتى؟؟
لأنه شي متعب ومرهق صح؟؟

آل الأمومة والطفولة جزاكن الله كل الخير
واختيــــار موفق (^_^)

ماشاء الله لقاء راااااااااااااائع وممتع


سلمت المضيفة والمضافة



قرأت بشوق


ربنا يخليلك القمورتين وتفرحي بيهم ياااااااااااااااااااااااااااااارب

اهلين فيكي يا أم ماهر و ليندا
الله يعينيك يا رب
شو صعب الوضع بحومص
أنا كونت بدي إسأليك
إنتي بأي حي بحومص ساكني ؟؟؟
يبدولي : ساكني بحي من الأحياء إللي ما انضربت
مشان هيك حبيت إسأليك
و كمان : نفس سؤال مام لو سمحتي
و إذا ما فيها إزعاج
و أنا كتير حابة إتشكرك عالأجوبة الحلوي
كتير استمعنا
الله يخليلك البنات و يحميكي , و يحميهن
و يحميلك كل أهلك

تقبلي تحياتي

ماشاء الله لقاء ممتع مع الغاليَة أم ماهر وليندا أو أم ماسة ونور
وسؤالي نفس سؤال مام
ربي يحفظهم لكِ يااارب ويعيشوا ويبروا بأمن وأمان ( )

ربي يسعدكم كلكم ويحفظكم
وشكراً لمام على الدعوة ولحبيبة الكل أم سهيل ..

الله يحفظ لك بناتك ويسترهم
استمتعت بقراءة اجاباتك
شكرا ام سهيل