¨°o.O ( مضافة ركن الأمومة والطفولة ) O.o°"الضيفة الأولى

[asmaabhr]

ما شاء الله تبارك اللــــه
أم جميلة وبنوتات أجمل
حماكم اللــــه وأسعدكم ويسر أمركم في الدارين أخيتي
سبحان اللـــه التوأم بالذات يحتاج لرعاية واهتمام بشكل كبيـــر
لان معايا توأم أحس بك بس سبحان الله بتعدى الايام بسرعة ويكبروا وتنسى تعب المرحلة الاولى
عقبال ما تشوفى بنوتاتك الامورات توأمى عندهم 12 سنة ولد وبنت

[(( ام ماهر ))]

ضيافه حلوه

الله يقويك على تربيتهم حبيبتى ام ماهر متعب التوام لانه امى كان عندها توام

الله يبارك فيك وفى وقتك وفى اهل بيتك

[أم ماهر و ليندا]

كنت بتمنى جاوب على كل وحدة لحالها
بس بدي لحق الكهربا قبل ما تنقطع
ولأنو بناتي مرضانات كتيييييييييييييير
التهاب امعاء والتهاب أذنين والتهاب حلق ورشح واستفراغ واسهال وحرارتهم أحد الليالي وصلت ماسة 41.5 ......... ونور 40
الله حماهم
هلأ أحسن شوي


للإجابة على التساؤلات :

انا ساكني بحي الحمراء وأهلي بالانشاءات يعني الحمد لله مناطقنا ماتضررت إلا شوي


بالنسبة للتوأم والله أول اسبوع إجت ماما ساعدتني فيهن وبسسسسسسسس لأنو بابا مقعد ( شلل نصفي من جلطة دماغية منذ عشر سنوات )
حماتي كنت بعتقد أنها حتساعدني بس والله ولا مرة عملتلهن ببرونة حليب او غيرتلهن مرة
وزوجي مو من النوع اللي بساعد ابددددددددددددددددا ابدددددددددا
عناء وتعب كبير عليي
بس الله بقويني والحمد لله على كل حال



بالنسبة لأسمي :
انا زوجي كانو يقلولي ابو غازي
بس بعد خطبتنا قررنا يصير ابو ماهر فهاد سبب الاسم الاول
اما الاسم التاني قررنا منذ خطبتنا اول بنت يكون اسمها ليندا
بس شاءت الظروف ان تسمي أحد اقربائنا اسم ليندا لبنتها ووقتها أخدت أذني وطبعا ماكان عندي اي مانع
وكنت ناوي سمي ليندا واسم تاني كونهن توأم
وقبل ما اولد وانا بالشهر التامن بتكون هالبنت ليندا صار عمرها 5 اشهر واكتشفو انو معها شلل دماغي ومعاقة كليا

ولأجل نفسية أهلها لغينا اسم ليندا لأنو بناتي من عمر بنتها تقريبا ومابدي ياها تنجرح وقت تشوف ليندا بنتي عم تركض وتلعب وتفوت على المدرسة وليندا بنتها معاقة

بس ضل اسمي بجميييييييييييييع المنتديات أم ماهر و ليندا

وبسسسسسسس قصة طويلة هههههه

[أم ماهر و ليندا]

شكرا جزيلا لكل من مر من هنا



شكرا من القللللللللللللللللللللللب للقلللللللللللللللب

[MUM]

ربي يشفي البنوتات يا قلبي
ديري بالك من الحرارة اهم شي
وكمان انتبهي للجفاف من كثر الاسهال والاستفراغ
عوضيهم بالمي وجيبي املاح من الصيدلية والموز مفيد لتعويض الاملاح ايضا

سعدت بمعرفة قصة الاسماء وربي يبعثلكم ماهر ان شاءالله

[أم ريوضي]

ربي يشفي بنوتاتك يا رب ويبعد عنهم كل سوء

ديري بالك عليهن وان شاء الله ما عندهم الا العافية

ومشكورة لأنك ذكرتي قصة الأسماء

بارك الله في بناتك وعقبال ما تآخيهم بماهر يا رب

[البيلســـــان]

استمتعت بقراءة ردودك أم ماهر

وحفظ الله لك التوأمين اسم ماسة عجبنى كتيرررررر كمان اسم نور حلو حتى ما تزعل بحبه بس اسم ماسة مو منتشر

وأسأل الله أن يفرجها عليكم ويكتب لك الأمن والأمان

وأن يشفي والدك

شكرا لإستضافتك الرائعة أم سهيل

أمتعتنا

[* الفالحة *]

هلا ومية هلا بأم ماهر

ما شاءالله لقاء شيق وجميل من الضيف والمضيف
بارك الله بكم وزاد بحسناتكم

أعجبتني في هذا المقال ييا أم ماهر
هكذا هي الأم عطوفة وحنونة دائماً

وانا ماعاد صدق ابكي وامسك تيابها اللي مرجعيلنا ياهن ( لأنو بحطوها بالحاضنة بس بالحفوضة ) بكيييييييييت كتير لتاني يوم لجابوها

حفظك الله وبناتك وأسرتك يالغالية
وفك الله الهم عن بلدكم الحبيب قريباً ان شاءالله
دمتي بخير يالحبيبة

[هبهوبة]

استمتعت كتير بالتعرف عليكي بنت بلدي ,, أنا من الشام
وضحكت على إيثار الشام وهي عمتقول (حومص)
لك أهلين والله بالحماصنة كلن ,,عنجد أنا بحبكن كتير من قبل الثورة وزادت المحبة بعدها هههه
الله يفرجها عليكن وعلينا وعلى كل المسلمين يااارب
والله يخليلك هالشمعتين الحلوين ويباركلك فيهن ويجعلهن من الصالحات
ليكي ..وأنا عندي توأم بس صبيان وهلأ عمرن تقريبا 9 سنين
واللي قلتيه كلو مريت فيه .. وخصوصي الوقعات وفتح الراس ..حدث ولا حرج هههه الله يحميهن يا رب
بس أنا عندي بنتين أكبر ..كانو 9 و6 سنين لما إجو التوأم وهنن اللي ساعدوني فيهن كتير وحملتهن مسؤولية وقتا أكبر من عمرن بس اضطريت
الحمدلله
الله يباركلي فيهن ويبارك بولادكن يا رب

[هبهوبة]

بارك الله فيكي أم سهيل
فكرة اللقاء والأسئلة كتير حلوين وممتعين
جزاك الله خيرا

[واشوقاه رسولي]

لقاء جميل بارك الله لك فيهن وحفظكم جميعا اهل سوريا
انا اللي عجبنى في اللقاء فكرة انك عملتى غرفة خاصة لهن بالسن دة وكمان عدم وجود سراير حتى لا يتأذوا والجميل انك لاتعتمدى علي احد في التربية مثلا حماتك او امك او حتى زوجك المسئولية لوحدك بتقويكى اكتر ربنا يعينك

بوسيلي البنات وادعيلي ربنا يرزقنى ببنوتة

[ياسمين شامي]

الله يخليلك ماسة و نور ,,
بحب التوأم و بحب أسمع قصصهم

و كتير استمتعت و استفدت بقراءة أجوبتك و الشكر لام سهيل عالموضوع الرائع
...


الله يفرجها يا ام ماهر ,,, و نشوف بلدنا و نشوفكن عن قريب يارب

بدي أجي عحمص ,, عن قررريب يااارب

[حفيدة النبي]

حبيبتي أم ماهر أحلى أم
الله يخليلك هالامورتين ويفرج عنكم يا رب
الف سلامة عليهم من البرد يا قلبي الله يشفيهم
اكيد اول تجربة وتوم مو سهلة الله يعينك ويقويك وتفرحي فيون وتشوفيون عرايس

[MARWAH]

أهلا بأحلى أم ماهر ان شالله ربي بيرزقك بماهر
ويخليلك البنات الحلوات وتشوفيهم بأعلى المراتب
أعجبني اللقاء واللي أعجبني أكتر أنك توقفتي عن الضرب لانه بالفعل وسيلة غير فعالة وإنما هدامة
حبيبة قلبي سوسو ربي يسعدك ويفرج عن بلادنا

[ام ادهوم]

ما شاء الله ما شاء الله،،،،، ربنا يحفظهملك يارب ويبارك فيهم،،،، استمتعت جدا جدا بكلامك،،،ربنا يحفظ البنوتين البونبونتين هههه،،،،، ويفرجها عليكم ياااارب كان عندي نفس سؤال مام ووصلت الاجابة،،،، وربنا يشفيهم ،،يارب ويعافيهم،،،
وشكرا لام سهيل استمتعنا كتييير،،،
Sent from my GT-I9100 using منتديات لكي النسائية