السلام عليكم أرجو ان يكون الجميع بكل خير
بشتغل فست كروشيه لبنتى عمرها12 سنه وده أول عمل كروشيه لى وعشان بشتغل من راسى بالبركه كده من غير بترون ولا ورشه وأنا اساسا مبتدأه الفست طلع بالشكل ده ممنوع الضحك
وكمان صوره
من تحت
انا مش راضيه عنه بس معلش عشان أول عمل كروشيه أهوه اتعلم فيه لكن حردة الباط طلعت واسعه هل لو اشتغلت عليها سطر او اتنين عمود او نصف عمود داير الكم كله هتتظبط؟؟؟ يالله أنا كده كده انشاء الله بعمله بليرو وهتتدارى لكن احب اظبطها برده نيجى بقه للبوليرو لفيت كتير لما تعبت عشان اختارالغرزه وبالاخر قررت اعمل حاجه بسيطه على قدى غرزة حرف v إايه رايكو تنفع ؟
اشتغلت قطعه من اللون السكرى اللى داخل فى الصدربعرض الضهر كام سطر كده ووقفت مش عارفه اكمل لحد ما اوصل للرقبه بدون حردات ولا احرد عادى انا شفت البوليرو اللى فى الورشه للاخت زهره ونفذته الاخت فوفو لكن مش فهماه ازاى بيكون الصدر مدور من الجانبين مش واضحه لى حكاية المروحه فى طرفى السطر أرجو شرحها واحده واحده ولكن هى مش فيها حرده للكم هل متنفع معى لانى عملاها لسن اكبر من السن اللى اشتغلتوه؟معلش طولت عليكم أرجو الرد والاجابه عن اسئلتى لانى بشتغل فيه من شهرين نفسى اخلصه ويطلع بشكل يستاهل التعب
الروابط المفضلة