[موضوع متميز ] التوابل ......... كنز فى مطبخك
ازيكو جميلات المنتدى الحلوات ؟؟؟؟؟؟؟؟؟؟؟
حبيت اكتب الموضوع دا عشان الكل يستفاد وصحتنا وصحة اولادنا تبقى احسن ان شاء الله
طبعا عارفين كلنا مخاطر ومتاعب الصوصات والكاتشب والمايونيز ........... الخ وكل الحاجات الحلوة اللى بتزودنا فى الوزن واللى هى برضو خطر على صحتنا وحمل تقيل اوى على الكبد والكلى والقولون .... انا شخصيا كنت مدمنة مايونيز وبابريكا صوص هههههههههههههه بس خلاص لقيت علاجى الموضوع دا مفتوح وياريت كل واحدة عندها اضافة او وصفة لحاجات طبيعية تكتبها للفائدة العامة
التوابل
images.jpg
نعمة كبيرة ربنا من علينا بيها
واكيد اكيد مفيش مطبخ من غير توابل
spices.jpg
انا مش هاكتب عن فايدة كل نوع منها لان المقالات عن كده مالية الدنيا واى حد يقدر يعرف فايدة كل نوع منها بسهولة
بس هاتكلم عن تحسين طعم الاكل باستخدام التوابل لتقليل او منع الصوص والدريسينج والحاجات الوحشة دى ههههههههه
نبتدى على بركة الله
اولا المشويات
la,dhj.jpg
والمشويات طبعا من اكتر الاكلات المحببة لنفسنا سواء لحم بقر او ضأن او دجاج
ومن الخلطات الناجحة للمشويات
"ماء بصل + ملح + فلفل اسود + قرفة + زنجبيل مطحون + حبهان (حب هيل ) + سماق "
او " زبادى + ملح + فلفل أحمر+ قرفة + زنجبيل مطحون+ بودرة توم مجفف +نعناع مجفف"
او " بصل مفروم + ملح + فلفل اسود + قرفة + زنجبيل مطحون +جوزة الطيب مبشورة+ نعناع جاف مطحون + بودرة توم مجفف " ممتازة هذه الاخيرة للمشويات بالفرن
وممكن التقديم مع سلطة الزبادى طبعا للتغميس
ثانيا الشوربات
363.jpg
طبعا الحبهان ( الهيل) وورق اللورا (ورق الغار) + الملح والفلفل + القرفة والزنجبيل اساسيييييييييييييييييين فى كل الشوربات
ويمكن اضافة بعض المكونات الاخرى حسب نوع الشوربة
مثل : القرنفل - جوزة الطيب - الكمون نعناع جاف او اوراق طازجة مفرومة وعصير الليمون
ثالثا : الخضار ( الايدامات)
hd]hl.jpg
ملح وفلفل اساسى وكذلك القرفة وجوزة الطيب المطحونة ويمكن اضافة :
الثوم : للبسلة بالجزر والسبانخ والملوخية والبامية واللوبياء والفاصوليا الخضراء والفاصوليا البيضاء
الكزبرة : للملوخية والبامية
يتبع.................
تعليق