أخواتي الحبيبات
أحببت أن أسرد لكن قصتي مع درب الرشاقة ووصولي للمثالي ولله الحمد.. علها تعود ببعض الفائدة عليكن

طولي: 158 سم .....
وزني بالبداية: 79.5
ووزني الحالي ولله الحمد: 55.7
مدة الريجيم: بعد شهر بكمل سنة




دائما أواجه الأسئلة نفسها :
- من إيمتى بدأتي بالريجيم.. وكيف بدأتي..؟؟
-أكيد اتبعتي ريجيمات قاسية ؟؟؟
- كم نزل وزنك ؟؟
- كيف قادرة تكملي لهلق ؟؟ ما مليتي ؟؟

طبعا مغامراتي مع الريجيم ليست جديدة فأنا من صغري كنت وسط ..لا سمينة ولا نحيفة
وبعد الزواج ..ومع كل مشوار حمل وولادة ورضاعة بزيد وزني كتير .. وبعد الفطام أبدأ بالبحث عن الجديد في عالم الريجيمات


اتبعت ريجيمات كثيرة .. ما سمعت بريجيم إلا واتبعته سواء صحي أو ضار ..
( كيميائي..تمر وحليب..الصنف الواحد 4×4 أو 7×7..الشوربة الحارقة..ريجيم السعرات .. وغيرهم كثير)
وكمان استعملت حبوب لسد الشهية
وأقصى مدة لأي ريجيم كانت شهرين .. ما كنت كمل أكتر
وبكل مرة كان ينزل وزني مزبوط وأتوقف ..وبعدها برجع لأكلي السابق ويعود الوزن كما كان


أما هالمرة غير ..كل شيء فيها مختلف
مشواري كان ذو طابع خاص ونكهة مميزة..وهذا بسبب صحبتكن ووجودي معكن في بيتي الثاني ركن التغذية والصحة والريجيم



في أواخر شهر مارس السنة الماضية وصل وزني للـ 79.5 كغ وبصراحة كنت رح جن ..لأنو الحمدلله عمري ما شفت الـ80 وإن شاء الله ما بشوفها أبدا
وقلت خلص لهون وبس ..

فتحت دفاتر قديمة كاتبة فيها ريجيمات واتبعت كم ريجيم

وكان فترتها في مناسبات وصار لخبطة بالأكل ..والمقاومة ضعفت كتير
يعني كم يوم ريجيم ويوم لأ ..وطبعا بدون رياضة .
ونزل وزني شوي ..وفي منتصف شهر أبريل وصل وزني للـ 75.5كغ..

و رجعت للمنتدى بعد انقطاع دام سنوات..
وشفت موضوع ريجيم النقاط مع حبيبة قلبي الشفاعة الله يسعدها ويجبر خاطرها.. كان إلها الفضل الأول بعد الله ..
وعجبني لأني لقيته هرمي وصحي وفيه حرية



فشاركت معهن ..وساعدوني الصبايا بحساب النقط والتوجيهات ..
بس ما كنت ألعب رياضة .. وكانت الشفاعة دائما تقلي (هبة وين الرياضة؟؟..هبة ضروري تلعبي رياضة)
وأنا ذكرت قبل هلق إنو الرياضة بالنسبة إلي كانت تعني الاشتراك بالجيم.. ووقتها كانت الأحداث بسوريا في بداياتها والنفسية تعبانة والوضع متأزم (وما زال والحمدلله).. وما رضي زوجي أبدا إنو روح عالنادي.. فخلص ..مافي نادي يعني مافي رياضة
وحاولت لاقي حدا أطلع أمشي معه برا ..وكمان ما زبط
واعتذرت للشفاعة وذكرتلها الأسباب ..بس ما قبلت اعتذاري
وفهمتني إنو مو ضروري النادي.. وقالتلي فيكي تمشي بالبيت حتى لو بيتك مترين بمترين ما عندك حجة.. وقالتلي عنها إنها ما بتقطع رياضة المشي بالبيت أبدا مهما كانت تعبانة ومهما كانت الظروف ..وهيك اتشجعت وبلشت بالتدريج برياضة المشي بالبيت..
لحتى صرت أمشي كل يوم 40 دقيقة..وأحيانا أكتر وأحيانا أقل





وطبعا من أهم التعليمات الأساسية بالريجيم .. شرب ما لا يقل عن لتر ونص ماء يوميا








بأواخر شهر 6 وكان وزني وصل للـ 67.4 ... شاركت في مسابقة نادي لك الصيفي..
وكانت تجربة رائعة وممتعة جدا وكلها حماس ونشاط

البداية كانت مع الغاليات ورد مديني ..وبعدين مع ندى (جزاهما الله خيرا)
وهون زادت رياضتي كتير وكانت توصل للـ3 ساعات باليوم, وكان لازم وضروري ساعة مشي قبل أي شي بناء على طلب الغالية ورد
واستفدت من تعليمات وتشجيع القائدات لنا..
والتزمت مزبوط رغم المناسبات والاستقبالات الكتيرة بالصيف
ووصل وزني وقتها للـ 62.3 كغ ..

والحمدلله كانت النتيجة ....



وبعد النادي استمريت مع الشفاعة واشتركت بمجموعة الغالية بلسم الجروح الله يسعدها واستفدت من خبرتها كتير

وبدأ رمضان وبدأت معه العزايم تقريبا كل يوم
حاولت الالتزام ونجحت أول أسبوع ..بس بعده بصراحة ضعفت إرادتي ووقفت ..وطال الوقوف وطال الفري واستمر لباقي شهر رمضان والعيد وبعد العيد..بس ولله الحمد ما وقفت الرياضة
وبسبب طول مدة الفري ما عاد أعرف تابع الريجيم .. وزاد الوزن
صحيح إنو ضعفت إرادتي بس ما استسلمت وكملت
وكل مرة كنت خبص فيها .. كانت تقلي بلسم الجروح( ليش هيك..ووين الإرادة يا ملكتنا ؟؟)
كانت هالكلمة تشعرني بالخجل من نفسي وبالمسؤولية أيضا ..فأبدأ من جديد
ولأن وزني صار قريب من المثالي أصبح النزول أصعب .. وبدأت أشعر بالملل واليأس
وكمان جاء عيد الأضحى ونفس القصة طال الوقوف ..
ولكن مع المجموعات وصحبة الأخوات (جزاهن الله خيرا) وخصوصي مجموعة سباق النجوم وبعده الرابح الأكبر والسباقات والتحديات اللي فيه اتشجعت أكتر وتابعت ولله الحمد



بحب وضح نقطة هامة..

نزول وزني كان بطيء ..وكان هاد الشي بالبداية يزعجني وأوقات أشعر بالملل واليأس
بس بعد طول المدة بالريجيم فرحت.. لأنو هالمدة الطويلة كانت سبب في تأقلمي وتأقلم من حولي على نمط حياة صحية جديدة :

- صار أغلب طبخي بالقليل من الزيت ..
- الحمدلله زاد أكل الخضار و صار صحن السلطة أساااسي عالسفرة .. والخضراوات دائما بإيدي وبإيد ولادي عميتسلو فيها



- زوجي ما عاد جاب حلويات ومعجنات غير بيوم الفري
- بالزيارات صار الكل بيعرف إني ما رح آكل غير اللي بناسبني
يعني بصراحة تغيير بكل شي

ولما الكل بيسألني لإيمتى بدك اضلي هيك؟؟ بقلهن إن شاء الله على طول
وبشرحلهن إنو هيك لازم تكون عاداتنا بريجيم أو بدون ريجيم



وبإذن الله ستكون آخر محطات تنزيل الوزن هلق بنادي شتاؤنا ألوان
لأبدأ بعده رحلة جديدة لا تقل أهمية عنه وهي (تثبيت الوزن)

وبحب أشكر من كل قلبي الحبيبة الغالية بنت الأحرار على مجهودها وتعبها لصالحنا وصالح المنتدى.. الله يجعله كله في ميزان حسناتها ويسعدها في الدنيا والآخرة

وبحب قول إني وافقت على كوني قائدة بالنادي لأني حسيت بالمسؤولية.. وإنو للمنتدى والأخوات اللي فيه دين عليي ..وإجت الفرصة لحتى رد ولو جزء بسيط منه ..
ومتل ما أنا لقيت بمشواري مين يعلمني ويتابعني ويتعب مشاني.. فأنا لازم رد الجميل
وحابة ساعد كل وحدة وشجعها و آخد بإيدها لتكمل مشوارها بسلام

نصيحتي لكل أخواتي الحبيبات
عليكِ دائما بالدعاء.. استعيني بالله فهو خير معين
واعلمي أن مشوار الرشاقة والمثالي صعب.. وشاق.. ولازم يكون فيه صعوبات
بس مع الإصرار والتحدي بتتحول الصعوبات لمغامرات ممتعة بتشعري بالسعادة لما تجتازيها
لا تستسلمي مهما ضعفتي..تابعي وكملي
خلي ببالك دائما كل الأفكار الإيجابية وامحي السلبيات
دائما قولي أنا بقدر..أنا قوية .. لازم كمل
وأهم شي لا تهتمي للميزان ..خدي قياساتك بالمتر ولاحظي الفرق

وتذكري دائما أن :



يا رب تعجبكن تجربتي وتعطيكن دافع للاستمرار وتستفيدو منها
و يا رب ما تكونو مليتو من كتر الحكي

تمنياتي لكن جميعا بحياة صحية مع الرشاقة والوزن المثالي وأكيد في ظل طاعة الله عز وجل

معلش اسمحولي..
نداء خاص إلى رشا ناجي
هي تجربتي متل ما طلبتي ووعدتك
وأنا هلق بدوري بطلب منك
قريبا جدا بدي شوف قصة تجربتك ووصولك للمثالي
يلا يا بوس ..ما عاد في تراجع
ما عاد نسمح للوزن إنو يرجع يزيد
خلص
رشاقة طول العمر بإذن الله

وهاد النداء أكيد لكل أخواتي وحبيباتي بدون استثناء
يلا فرحونا بتجاربكن ووصولكن للمثالي

حبيبتى هبة

هلا دخلت البيت محتاجة شوية اغراض وقلت ادخل أشوف أخباركن

أول ما فتحت الصفحة لقيت موضوعك

كتير كتير حلو و سلس وأنيق ومرتب ولذيذ مثلك يا قمر

مبروووووووك الرشاقة يارب تتهني فيها طول العمر وما يرجع الوزن الزائد أبدا

وماشاء الله على عزيمتك وإصرارك وإرادتك

بس مو غريبة على هبهوبتى حبيبة قلبي

إدعيلي يا هوبي عن قريب أنا كمان أحط تجربتى وأبدأ التثبيت معك

ربي يسعدك دائما وأبدا ويوفقك بكل حياتك يارب

وربي يتقبل منكى وقوفك مع البنات ومساعدتك ليهم

وتقبلي منى كل الحب والتقدير يا قمر

تجربة رائعة جدا هبوبة وكيف تقولي ملينا انا تمنيتك ما تبطلي حكي وكلام
تجربة رائعة ومميزة تزيد الواحد حماس وتفاؤل
وان شاء الله نكمل المشوار ونوصل للستينات ونجي نحكي تجربتنا كدا زي هبهوبة الحلوة
بارك الله فيك ياغالية

حبيبتي كرميلا

اشتقنالك كتييير
مبسوطة كتيييييييييييير لأنك رديتي أول وحدة على موضوعي
يعني إجا من صالحي جيتك عالبيت مشان الأغراض

يا رب يا ربيا رب
توصلي كريمة للمثالي قريبا وإنتي بصحة وسلامة وتفرحينا بتجربتك

وفيكي بارك الله يا رشروش العسل

الحمدلله إنها عجبتكن

ويلا بانتظار تجربتك
لا اطولي علينا

هبهوبة يا احلي ملكة
تجربتك راااااائعة
جدا و حمستني كتير اوي لاني بردو فترات الوقوف عندي بتطول اما بظروف او من غير ظروف
انا من النادي الصيفي وانا كنت معجبة جدا بحماسك ربنا يحميكي ياااااااااااااااااارب و برافو عليكي ما شاء الله لا قوة الا بالله
تسلم ايدك علي التجربة الحلوة دي اللي استفدت منها اوي
ويا رب التثبيت علي خير ياااااااااااااااااااااااااارب
بوووووووووووووووووووسة كبيرة لاحلي رشيقة

راااااااااااااااااااااااااااااائعة هبة جدا
تجربتك قيمة
وطرحك جميل جدا
وشكرك للجميع فى قمة الرقى واللطف والذوق منك
ربنا يسعدك ويفرحك بصحتك ورشاقتك
سعيدة جدا باصرارك وعزيمتك
يا احلى ملكة رشاقة
حبى وودى

ما شاء الله تبارك الله
تجربة رااائعة رااائعة
الله يزيدك من فضله وكرمه يااارب
يا غالية وإن شاء الله ياارب الكل يستفيد
ربي يجعلها بميزان حسناتك يااارب
تحياتي لكِ وللغاليات في بيتنا الثاني
اللهم صلِّ وسلم وبارك على سيدنا محمد

ماشاء الله عليكي هبهوبه الله يديم الرشاقه حلوه قصتك وتشجعت كثير من قرائتها

وافضل نقطه احبها واموت عليها

هي


الرجوع للريجيم اذا ضعفت الاراده مهما طالت مدة ضعف الاراده

الرجوع ثم الرجوع ثم الرجوع

ولاياس مع الحياة ولاحياة مع الياس