بعدين بس تتقل ضيفولها الليمون اتوقع بنص المده يعني بعد عشر دقايق بس مو مهم المهم يكون السكر ذاب وانعقد لما تضيفوا الليمون رح يتغير شكل الفقاعات رح تصير كانها رغوة صابون
خليه يغلي لحد ما يصير فيه لون ذهبي باطراف السكر حركيه عشان اللون يتخلط
وعشان تتأكدي من القوام بالملعقه نقطي من المزيج على جنب الغاز نقطه وخليها تبرد وشوفيها بايدك هو مجرد ماصار المزيج ذهبي انتهى بتكون جاهزه بس انا دايمن بفحصها اذا جمدت خلص برفعها وبخليها تبرد
هلأ طريقة فردها
ماما كانت تفردها وهي حاميه على رخام المجلة وتعجنها وهي متل النار
ياربي انا ما بتحمل ياما حرقتني والمؤمن لا يلدغ من الحجر مرتين فانا بخليها تبرد تماما بالمقلى طبعا رح تجمد وبدها قوه خارقه عشان تطلع منه
ف بس تجمد برجعها للغاز شوي صغيره وبتفك وبفردها على كيس
هللأ الكيس لازم يكون من النوع الثقيل ومن خبرتي افضل كيس اللي بيجي بالسيريال لا ترموه خبوه للسويت حتى لو قررتي تصبيها وهي حاميه بتغلي بيتحمل
اللي بيحبوا متل امي يصبوها حاميه ويخلصوا جيبي صحن اطرافه مرتفعه شوي انا مصوره هالخطوه
وغطيه بكيس السيريال (ماكان عندي فقصيت من اكياس القاربج النوعيه الثقيله جدن بجيبها لما برحل بتتحمل كثير )
وصبيها فوق الكيس واتركيها تبرد
اذا التزمتي بالخطوات رح تطلع عندك نفس ميم سهلة العجن والمد
هلأ فيه بنات بتطلع معهم قاسيه يابسه ليش ؟ اما الغاز بيكون حامي وكرستلت بسرعه قبل ما تقعد او اليمون بيكون قليل او كثير اكثر من اللزم
هل شو ماكان السبب لما تصير حجر بس شغلي عين الغاز وحاولي بايدك تعرضيها للحراره ووكل ما طريت من جهه افردي حاولي تمديها بايدك طبعا بليها بمي... مارح تحرقي ايدك لان هي رح تطرى بس لا تخليها تصير سائله وتنقط يعني شوي شوي عرضيها للحراره واهم شي تضل ايدك مرطبه بمي اول شي بيكون صعب وقاسيه وبعدين بتلين بايدك وبترجع بتنعجن وبتصير تمام كستم ميد
هل لما تستعملوا السويت مرات بتصير تلزق بالجسم وما تطلع صح؟
لازم بنات ايديكم تكون نظيفه بالشغل كل شوي تغسلي ايدك من الدبق وتمسحيها ببمنشفه لازم تكون ناشفه ومغسوله لازم تكون بجنبك المغسله ومنشفه كل ما صار تدبق عليكي اغسلي ايدك ونشفيها كويس
ولو صارت رخوه بالمره خصوصا بالصيف بتقدري تجيبي صحن وتحته ثلج بصحن ثاني واقسميها قطع وكل ما ذابت عليكي وحده حطيها بالصحن البارد واستعملي غيرها بس هون فيه نعمه اسمها كونديشن علي للكونديشن بردي الحمام مارح تعاني من هالشغله
اي سوعال انا حاضره بس لاتصعبوا الاسئله وتغلبوني
>>>>>>>>>مزح مزح اسالوا بس بستغرب انه مهما شرحت دايمن فيه اسئله بحس اللي بتجيب سؤال عجيب ذكيه والا منين جابته ....
الروابط المفضلة