انا مش ام جديده .. بس رح اكون اول مشاركه بقصتي ..
كنت داخله بالشهر التاسع 20 يوم .. بالليل حسيت بوجع ببطني بيرووح وبيجي .. كانت الساعه حوالي 11 ونص بالليل .. زوجي اصر ياخدني على المستشفى لانه يخاااف المهم الساعه 2 ونص بالليل رحنا المستشفى .. طبعا فحصوني بالمستشفى وقالولي عندك طلق وما عندك تفتيح بالمرررره .. اعطوني ابر مخدره بفخده رجلي عشان الرحم يسترخي ويفتح .. وما في اي جديد بعده الرحم مافيه ولا تفتيح .. بقيت كل النهار بالمشفى وبالليل اجت ماما تزورني وقلتلها ان بدي ارجع البيت معها .. المهم رحت عند الدكارتره وقلتلهم ان انا راجعه البيت صار الدكتور يقنعني ان بلاش ترجعي لان انتي قريبه من الولاده وباي لحظه ممكن يصير معك تفتيح وطلق قووي وبتولدي ..
طبعا انا خفت .. مع ان كنت صرت مبدله تيابي ومحضره الشنطه عشان ارجع البيت .. بقيت بالمستشفى وبالليل الساعه 12 صار عندي طلق قوووووووي قووووووي كنت رح اموت .. فحصتني الدكتوره قالتي ان عندي طلق قوي بس مافي تفتيح بالمره ..
وكل الليل ما نمت من الوجع لحد الساعه 8 الصبح اجا دكتوري ودخلني غرفة الولاده وهناك بلش العذااااب .. الرحم ما فيه تفتيح بالمره والطلق عم يزييييد وحطولي كمان طلق طناعي وما في فايده .. لحد الساعه 3 العصر صار فيه تفتيح .. والساعه 5 صار تفتيح 7 سم .. وحاولوووا الدكاتره كل المحاولات عشان الرحم يفتح اكتر بس ما في فايده .. وصار في خطر على حياة الجنين وعلى حياتي لان راسها كان نازل تحت كتير والحوض يضغط عليه .. الساعه 5 ونص دخلوني غرفة العملياااات وولدت قيصريه ب.. يعني كاني ولدت مرتين .. مره طبيعي ومره قيصريه بتاريخ 22/10/2007... ورفضت اشوف بنتي لمدة يومين من كتر ما كنت تعبانه وكنت حاسه ان هي السبب بالي حصلي .. وصار زوجي يترجااااني ان اشوفها وبالاخير وافقت رحت معه اشوفها بس ما قبلت احملها.. وباليوم التالت حنيت لهااا وحضنتها ورضعتهااا ..
يااااارب ترزقني بالحمل التاني ..
الروابط المفضلة