يابنات يا حوامل
ممكن نعمل ملف هنا علشان الكل يستفيد
كل واحده تكتب اسم الدكتور او الدكتوره اللي بتتابع معاه
وعنوانه بالتفصيل وفي اي محافظه
واسعار المتابعه طوال الحمل
والمتابعه بتشمل السونار ولا لا
وبيولد في اي مستشفيات
واسعار الولاده معاه ايه
وتقييمها ليه كدكتور ايه؟ هل ارتاحت معاه ولا لا؟

والهدف من الملف هو الافاده لوجه الله تعالى
ونفيد الاخوات البكريات او اللي بيدوروا على دكتور كويس او عايزين يغيروا الدكتور بتاعهم

انا اول واحده هبدا

الدكتور اللي بتابع معاه هو

د/ياسر ابو طالب

في القاهره مصر الجديده114 شارع عثمان ابن عفان ميدان تريومف خلف سور الكليه الحربيه

اسعار المتابعه طول الحمل 650 جنيه شامله المتابعه مره كل اسبوعين والسونار كل مره + تطعيم تيتانوس مرتين خلال الحمل

وبيولد في مستشفى الرحمه في مصر الجديده
ومستشفى دار الحكمه في مدينه نصر
ومستشفى النزهه الدولي في النزهه الجديده

اتعابه في الولاده الطبيعيه 2250 من غير المستشفى
والولاده القيصريه 3750 من غير المستشفى

والحقيقه انا مرتاحه معاه جدا وتابعت معاه في حملي اللي فات وحملي الحالي
ربنا يباركله راجل مريح ومستمع جيد ويشرحلك كل حاجه ويفهمك وضعك مضبوط

ربنا يقومنا بالسلامه جميعا احنا واولادنا باذن الله

السلام عليكم يسعدني أني أكون أول واحد بشارك في هذة الفكرة الرائعة
أنا من مصر من الأسكندرية
الدكتور :أشرف أبو علي
المستشفي : لسة مش عارفة بس عندة مركز للحقن المجهري و هو المدينة
الكشف : 60 جنية مصري
الأستشارة : 30 جنية مصري
أسعار الولادة أعتقد 3000 للقيصري و 2000 طبيعي ة لية هو بس

كتبت بواسطة nehal24

السلام عليكم يسعدني أني أكون أول واحد بشارك في هذة الفكرة الرائعة
أنا من مصر من الأسكندرية
الدكتور :أشرف أبو علي
المستشفي : لسة مش عارفة بس عندة مركز للحقن المجهري و هو المدينة
الكشف : 60 جنية مصري
الأستشارة : 30 جنية مصري
أسعار الولادة أعتقد 3000 للقيصري و 2000 طبيعي ة لية هو بس

جزاك الله كل خير وجعل مشاركتك في ميزان حسناتك ان شاء الله

بس أنا عندي مشكلة جامدة معاة و هو أنة مشغول أوي مابيدينيش حقي خالص و مابيتكلمش معايا خالص بي بيكتب الروشتة حتي الشرح بيبقي من الدكتورة اللي تحت أيدة

ياريت لو حد من الأسكندرية يدلني علي دكتور تاني يكون أحسن علشان أنا مش مرتاحة خالص معاة أصل أنا كنت حامل بل كدة و سقطت و دلوقت بدور علي الحمل تاني

انا تابعت فى مركز طبى فى مدينة نصر اسمه التيسير مع دكتوره كويسه اوى ربنا يكرمها اسمها دكتوره\ابتسام الافغانى
دكتوره هاديه اوى ومرييييحه جدا وتساليها زىىىىىى مانتى عايزه تجاوبك وتريحك الكشف هناك ب 15 جنيه شامل الاستشاره بعدها باسبوع ومتابعة الحمل ساعتها كانت ب 60 جنيه بس سمعت انها اتغيرت مش عارفه الكلام ده من قريب من سنه تقريبا بس المتابعه غير شامله السونار
السونار ب 40 جنيه بس حسب مابتطلب اوى حسب مانتى عايزه تطمنى
وولدت معاها فى مستشفى حسبو الدولى دى فى شارع احمد فخرى فى مدينة نصر
المستشفى احلى مافيها استف الممرضات بصراحه ممتازين فى الخدمه والنضافه والمعامله
بس هى غاليه بيحاسبو على كلللللللل حاجه حتى لو طلبتى قطن زياده او تغير ملاية السرير
الولاده كانت طبيعى اتكلفت كللللللللها على بعضها لانى مش فاكره التفصيل
يعنى ايد الدكتوره بالغرفه لانى بيتت علشان كانت حالتى صعبه شويه وبالتحدير وبطهارة ابنى حبيبى اتكلفت كلها 1850جنيه
بس الدكتوره والله كويسه اوى وماشاء الله عليها

انا بعد تجربة مريرة مع مجدى علما انتى عارفاها يا ساسو طبعا ومجربه العيلة
روحت للدكتور اللى بتابع معاه meroooo_2006 وماشاءالله ولدت عنده التوائم التلاته وبصراحة ناوية اى وقت فى مصر احتجت لدكتور نسا هروحلة
شاااااااااااااااااااطر ومهذب جدااااااا وهادى وبيديكى كل وقته كان معندوش كشف غيرك
هو استاذ فى كليه طب الازهر
اسمه : محمد رضا مراد
عيادته : واحدة فى شارع الميرغنى وواحدة فى حدائق القبة عند الشيخ غراب
المستشفى : بيولد فى كليوباترا و الميرغنى والممرضة قالت بيروح كمان تبارك
الاسعار: اول مرة بس 150 بعدين الكشف 100 و السونار 50 و الاستشارة 50
اسعار الولادة: هو قاللى انا 3 الاف جنية " بس انا مولدتش معاه" ميرو اخد 5 الاف بس عشان ظروف التوائم وولادة حرجة
3 للقيصرى على فكرة

ربنا يقومك بالسلامة يا ساسو
هتمسى الولد ايه صحيح؟

كتبت بواسطة enno

انا تابعت فى مركز طبى فى مدينة نصر اسمه التيسير مع دكتوره كويسه اوى ربنا يكرمها اسمها دكتوره\ابتسام الافغانى
دكتوره هاديه اوى ومرييييحه جدا وتساليها زىىىىىى مانتى عايزه تجاوبك وتريحك الكشف هناك ب 15 جنيه شامل الاستشاره بعدها باسبوع ومتابعة الحمل ساعتها كانت ب 60 جنيه بس سمعت انها اتغيرت مش عارفه الكلام ده من قريب من سنه تقريبا بس المتابعه غير شامله السونار
السونار ب 40 جنيه بس حسب مابتطلب اوى حسب مانتى عايزه تطمنى
وولدت معاها فى مستشفى حسبو الدولى دى فى شارع احمد فخرى فى مدينة نصر
المستشفى احلى مافيها استف الممرضات بصراحه ممتازين فى الخدمه والنضافه والمعامله
بس هى غاليه بيحاسبو على كلللللللل حاجه حتى لو طلبتى قطن زياده او تغير ملاية السرير
الولاده كانت طبيعى اتكلفت كللللللللها على بعضها لانى مش فاكره التفصيل
يعنى ايد الدكتوره بالغرفه لانى بيتت علشان كانت حالتى صعبه شويه وبالتحدير وبطهارة ابنى حبيبى اتكلفت كلها 1850جنيه
بس الدكتوره والله كويسه اوى وماشاء الله عليها

جزاك الله كل خير
تسلمي على المرور والافاده
وعقبال المره الجايه باذن الله