تطبيقى لمقلوبة الباذنجان السورية
بسم الله الرحمن الرحيم
لفت نظرى جدا وصفة مقلوبة الباذنجان السورية للغالية ايثار الشام ..
الحقيقى من زمان وانا باسمع عن المقلوبة لكن عمرى ما جربتها سواء فلسطينية ولا سورية هههههههه
امبارح بقى قولت اخش بقلب جامد .. مش جامد اوى يعنى هههههههه الحقيقة كان عندى اكل بايت قلت لو باظت الوصفة اهو الاكل البايت يتسخن ههههه
المهم .. دا رابط الوصفة الاصلية بطريقة اثورة
http://www.lakii.com/vb/a-7/a-822840/
واشكرها من كل قلبى على الوصفة اللى تجنن مع الاعتذار للتحريف اللى حصل منى ليلائم الاوزان الثقيلة
اولا انا ماقليتش الباذنجان .. لكن جبت صينية لا تلتصق ورشيتها سبراى زيت كانولا ورصيت الباذنجان وعلى شواية الفرن
وبعدين قلبته على الجهة الثانية ونفس الكلام لحد ما لونه اتحمر
السبراى اهو للى مايعرفوش ..
دول واحدة زيت كانولا والاخرى زيت زيتون ..
ان تعذر وجود الاسبراى ممكن تدهنيه عادى
سويت الرز نصف سوا واستخدمت ارز بسمتى طويل الحبة .. لكن مش بالسمنة البلدى طبعا لكن بزبدة زيت الزيتون (صحى ومفيد)
وبعدين رصيت الحاجة فى حلة مناسبة
قطعت فلفل وطماطم
والرز فوقها بس نسيت اصور لخطوة دى
لكن النتيجة كانت
حكاااااااااااااااااااااية
الروابط المفضلة