أعمل ايييييييه ؟
ا أحلى واعظم منتدى طبيخ فالشرق الأوسط كله ...
أنجدونى يا أخونا ياللى هنا ...........
الست الحاجه " امى " عملت فيا مقلب وعزمة العيله عندنا يوم الخميس
والعزومه حوالى 25 نفر عععععععععع
بالله عليكم تقترحولى نطبخ ايه ؟؟؟؟؟؟!!!!!!!!!!!!
مع العلم : ان ماما عايزه تعمل حاجات خفايف ماخدش منها وقفه فالمطبخ, يعنى محدش يقولى محاشى
ولا كبيبه ولا اى حاجه عايزه وقفه كتييييييييييير
مبدئيا انا واختى قولنالها تعمل جلاش باللحمه المفرومه وخضار ستيه مشكله عشان بتعملهم حلو
الاهى يستركم ربنا تقترحو عالينا وتتوصو بالذات بالأصناف " اللى فيها اللحم والفراخ
وماتنسوش اللحلو ويبقى الحاجات السريعه

حبيبتي ..

الله يعينك إنت والعيلة في العزومة ... وإن شااااء الله حتعملي أحلى الأطباق وحتكون الوالدة مبسوطة بيك يا عسل ..

شوفي ياقلبي أنا ححطلك رابط مسابقة عملناها للعزومات ... إختاري ما يناسبك لأن فيها الصور بالتفصيل ..

وهناك كثييير اشياء حلوة وسهلة والأحلى طريقة التقديم ... فاختاري ما يتماشى مع ذوقك ياعسل ..

أضغطي بس على رابط الوصفة حتفتحلك الوصفة بكل الخطوات ..

http://www.lakii.com/vb/a-92/a-788072/

منتظرين منك صور بعد العزومة ورينا عزومتك وطبخاتك ياعسل ..

أهلا بيكى يا قمر

الأخت أم جنى ما قصرت
ربى يبارك فيها

شوفى حبيبتى أولا علشان ما تكونى قلقانة من العزومة
إبدأى بترتيب افكارك قبل بوقت كافى
يعنى الآن إنتى عندك عزومة تبدأى من اليوم
تجيبى ورقة و قلم و تكتبى الأصناف اللى هتعمليها

و يفضل لو تكون الأصناف دى يمكن تحضيرها قبل بوقت يعنى ساعتها تسخين و بس أو تسوية فقط
بعد ما تكتبى الأصناف تشوفى كل وصفه بتحتاج إيه علشان تتعمل
و تكتبى كل اللى محتاجاه لكل الوصفات بالإضافة طبعا للحلو


بعدين تنزلى تشترى الطلبات كلها أو تبعتى حد يجيبهم لك طبعا يكون أفضل علشان ترتبى انتى الشقة و تنظفيها كويس


بعد ما تجيبى الطلبات تبدأى قبل العزومة بيوم فى التجهيز
يعنى لو عندك العزومة الخميس ده
للأسف الوقت قليل اوى
بس حاولى تختارى حاجات ما بتاخد وقت

يعنى الأربعاء الصبح ان شاء الله تعملى الصنف الحلو و تحطيه فى الثلاجة
مثلا لو شاطرة فى التورتات تعملى تورتة و بالليل تزينيها و تحطيها بالثلاجة لوقت العزومة
يبقى كده خلصتى الحلو


و عندك طبق رئيسى مثلا عندى طريقة للفراخ المحشية وبنفس الوقت مشوية بالفرن
بتبقى شيك جداااا و كمان سهلة أوى
هتلاقي طريقتها هنا
http://www.lakii.com/vb/a-7/a-737656/


دى ممكن تتبليها قبل العزومة بيوم بالليل يعنى يوم الأربعاء بالليل
و تقومى الصبح تحشيها فقط بالأرز مثل ما هو مكتوب بالوصفه و تغطيها بفويل و على الفرن
يعنى مش هتحتاج مجهود تبذليه يومها


و ممكن كمان الاربعاء بالليل تعملى سلطة كولسلو و تحفظيها فى الثلاجة لوقت التقديم
طبعا انا بختارلك الحاجات اللى بتتجهز قبلها بوقت

و ممكن تعمل مكرونة نجرسكو
و برضه تجهزة صدور الدجاج و تسويها الأربعاء بالليل
و الخميس الصبح تسلقى المكرونة و تعملى البشاميل و تحطيها فى الفرن ان شاء الله

ممكن تختارى كمان صنف او اتنين من اللينك اللى جابته الغالية ام جنى يكونوا بيتعملوا على النار
لو افتكرت حاجة تانية هقولها لك ان شاء الله

شوفى حبيبتى انا كنت عاملة موضوع عن العزومة هتلاقيه هنا يمكن ينفعك




http://www.lakii.com/vb/a-7/a-685072/

ما شاء الله

الأخوات باركهن المولى
قمن بالواجب

وان شاء الله العزومة تكون ممتازة وعلى مستوى
وتبيض الوجه
وتذكري المهم اللمة الحلوة

صحيح يا قمر نسيت أقولك
لازم تصوريلنا العزومة إن شاء الله
و إن شاء الله تكون أحلى عزومة من أيديكى حبيبتى
منتظرينك يا قمر

و أى إستفسار حبيبتى إحنا موجودين