حبيباتى وجميلات لك شفت موضوع الغاليه أمانى عن اطباق الحمية والسعرات القليله وقلت ان شاء الله أشارك معاكم بوصفه جميله انا معتمداها عندى
الوصفه أساسها الخضار لما له من فوائد عديدة كلنا طبعاً عارفينها
وفيه مقولة قديمة بتقول
إذا كان الغذاء سيئا، لا جدوى من الدواء وحين يكون الغذاء سليما فلا داعي للدواء
لذا قررت أنزل لكم وصفه السوتيه بطريقه مختلفه تحببنا فيه لأن أغلبنا وأنا أولكم لما أسمع كلمة سوتية تلاقينى أتراجع كده وأحس أنى مقدمة على شئ حلو فى شكله لكن مالوش طعم
والفضل بعد ربنا لصديقتى حبيبة قلب أمها
اللى قالتلى على خلطة روعه نحطها عالسوتية وبتخلى طعمة ملوش مثال وصدقت فعلا واى حد اوصف له الخلطه دى تعجبة جدا وان شاء الله تعجبكم لما تجربوها
المقادير
تشكيلة خضار وليكى مطلق الحرية فى اختيار نوعه وكميته
الخلطه عبارة عن
اوراق من النعناع الأخضر الطازج
أوراق من الكزبرة الخضراء الطازجه
أوراق ريحان
ملعقه كبيرة زيت زيتون
نصف ملعقه صغيرة من الزعتر الناشف
فلفل اسود
ملح
عصرة ليمون
رشة سماق
الطريقه
انا استخدمت حلة طهى الأرز لطهى الخضار وكمان عملت رز للبنات وأبوهم
ده الخضار وممكن تستغنى عن البطاطس
قطعت الخضار هكذا
وضعت رز وتوابل فى الحلة
وضعت الصنيه اللى بتكون مع الحله ومخرمه هكذا
وضعت فيها الخضار بدون اى اضافات او توابل او دهون
وشغلتها حوالى ثلث ساعه على حسب الخضار ما ينضج
وضعت مكونات الخلطه جميعا فى الفوود بروسيسور وده شكلها
امممممممممممم ريحتها رووووووووووووووعه حقيقى
واول ما الخضار ينضج نضعه فى طبق ونضيف الخلظه مباشرة ونقلبها فى الخضار وتقدم
وعملت جنبها فراخ مشويه فى الفرن
بصراحة شهادتى فى الوصفه او بالأصح الخلطه مجروحه
ولذلك جربوها انتوا بنفسكم وحتعجبكم ان شاء الله وحتحببكم فى السوتية لان حتحسوة مختلف وجميل
والى اللقاء فى وصفات أخرى للحمية والريجيم
الروابط المفضلة