اخواتي
عاوزه منكم مقادير كفته اللحمه بالرز
انا عارفه مكوناتها لكن المقادير لا
وياريت لو اخواتنا اللي من مصر تساعدني لاني مش عارفه اخواتنا من الدول العربيه بيعملوها زينا ولا لأ
وجزاكم الله خيرااااااااااا
للبحث في شبكة لكِ النسائية:
|
اخواتي
عاوزه منكم مقادير كفته اللحمه بالرز
انا عارفه مكوناتها لكن المقادير لا
وياريت لو اخواتنا اللي من مصر تساعدني لاني مش عارفه اخواتنا من الدول العربيه بيعملوها زينا ولا لأ
وجزاكم الله خيرااااااااااا
خدى حبيبتى رابط ام نور ولا يهمك انا فى الخدمه
http://www.lakii.com/vb/showthread.php?t=421573
المقادير كيلو رز وكيلو لحمة وربع كيلو بصل وراس توم وشبت وبقدونس وكسبرة خضرا وكرات وفلفل اخضر وملح وفلفل اسمر وكمون وكسبرة ناشفة ورشة نعناع ناشف لو موجود
الطريقة ننقع الارز حوالى 6ساعات وبعد كده نفرده فى مصفى الى ان يجف تماما ممكن ياخد يوم وبعد كده تفرمى كل المقادير فى المفرمة بس افرميهم مرتين حتى تصبح عجينة ناعمة وبعد كده تبلى ايديك فى الزيت وتصبعيها وتقليها وبعد كده نزليها طماطم المسبكة والمضاف لها الشوربة وخليها تغلى شوية مش كتير وبعد كده اطفى عليها وسبيها اشوية وقدميها بالهنا والشفا احلى كفتة
جزاكي الله خيرااااااااااااااا ياعاشقه خديجه يارب يجمعنا معاها في الجنه
ومتحرمش منك ومشكوووووووره
آخر مرة عدل بواسطة بنت حسن البنا : 10-12-2009 في 10:23 PM
فى شوية ملحوظات مهمة1_ لو حسيتى الكفتة طرية افطحنى شوية رز ناشف فى المطحنة
وضفيها اليها
2_بعد ماتاخدى كفايك من الكفتة لواتبقى منها حاجة طليها من الصلصة عشان متنهريش
3_ممكن تقلى الكفتة وتفرزيها ولما تحتاجيها طلعى الكيس وحطية فى الصلصة
بالله عليكو ادعولى ربنا يرزقنى الذرية الصالحة عاجلا غير اجلا
ماشاء الله الاخوات ما قصروا بالرد بارك الله فيهن
الروابط المفضلة