طبق متميز.♥. القلقاس .♥. حتكلوا صوابعكم وراه .♥.من أم شادى .♥. بالصور

**أم شادى** · 20-01-2009, 03:54 PM

السلام عليكم و رحمه الله و بركاته

اخباركم ايه يا اجمل صبايا فى اجمل منتدى فى هذا البرد القارس

محتاجين أكلات دسمه تدفينا طبعا و ايضا تكون لذيذه الطعم و مفيده

أكلتنا اليوم هى القلقاس و هو من الخضروات الشتويه الشهيره الجميله الطعم

يطهى القلقاس بطرق كثيره و متعدده و هو جميل و مفيد فى كل الحالات

و الفرق بين كل طريقه و اخرى بسيط

تعتقد كثيرات من الصبايا ان القلقاس من الاكلات الصعبه فى تنفيذها و تأخذ وقت طويل

حوضح لكم طريقه حفظ القلقاس و تجميده و بذلك يكون سهل علينا طهيه

بسم الله نبدأ

المقادير

قلقاسه كبيره حوالى كيلو

مرقه ( استخدمت مرقه لحم )

4 ربطه سلق

4 ربطه كسبره خضراء

7 او 8 فصوص ثوم

زيت او سمن حسب الرغبه

الطريقه

الافضل ان يكون القلقاس واحده حتى يكون نضجها واحد

ونقشرها و نزيل القمع و نقسمها الى نصفين و كل نصف نقسمه طرنشات ثم نقسمها الى صوابع طوليه ثم الى خطوط عرضيه لعمل مربعات

اصبح القلقاس عباره عن مربعات صغيره بحجم واحد تقريبا

نضع القلقاس فى حله ( طنجره ) و عليه ماء حتى يغطيه فقط

نضعه على النار و ننتظر اول ما يبدأ فى الغليان و ظهور الرغاوى البيضاء نطفى عليه

و نصفيه بسرعه فى مصفاه و نغسله بالماء البارد من الحنفيه مع فركه قليلا حتى تزول الماده اللزجه به و يترك يصفى ماؤه

عندما يصفى ماؤه جيدا يمكن تعبأته فى اكياس وأخراج الهواء من الكيس و ربطه جيدا و تجميده

و يكون جاهز للاستخدام بسهوله او يستخدم طازج

ولو عندكم شوربه مجمده تكون المسأله بسيطه كيس الشوربه على النار تغلى و نضع عليها كيس القلقاس المجمد و نكمل باقى الطريقه

نعمل المرقه بطريقتنا العاديه

ثم نضع القلقاس المصفى من الماء و يترك حتى ينضج لا يأخذ و قت

نجهز السلق باخذ الاوراق فقط و غسلها جيدا و تقطيعها و تركها فى مصفه تصفى ماؤها

نقطع الكسبره ايضا و نغسلها جيدا و توضع فى مصفاه تصفى ماؤها و نضع معها فصوص الثوم

نفرم السلق فى الكبه جيدا حتى ينعم ونعصره جيدا باليد

و كذلك الكسبره و الثوم و نصفيهما فى مصفاه ضيقه و نخرج ماؤهما الاخضر بالضغط عليهم قليلا حتى تنزل ماء منهم

و نضع العصير الاخضر على مرقه القلقاس بعد نضجه و لا نغطى الاناء

ناخذ الكسبره وجزء من السلق المتبقين فى المصفاه بعد اخذ العصير منهم

نضع اناء او طاسه غير لاصقه بها سمن او زيت و نضع الكسبره وجزء من السلق المصفيين لعمل التقليه و نقلب

حتى يحمروا و تظهر ريحتهم الجميله حنلاحظ ان الخضره اغمقت و اصبحت هكذا

نضعها على القلقاس

و يترك يغلى قليلا جدا حتى يتشرب نكهه التقليه

يقدم فى اطباق صغيره و معه الليمون لمن يرغب

يقدم مع الارز الابيض و السلطه و اللحمه او الفراخ او البط

اتمنى يعجبكم و تجربوه

أترككم فى رعايه الله و أمنه
لالالالالا تنسوا الدعاء لغزه
لالالالالا تنسوا الدعاء لبنتى بالنجاح

**cliopatra** · 20-01-2009, 04:04 PM

الطبق الرااااااااااااائع ليا انا
اوعوا حديقرب
تسلمي يا قمر نفس طريقتي بالظيط
انا بموت فيه

**ايجا** · 20-01-2009, 04:06 PM

**te te faro** · 20-01-2009, 04:26 PM

انا بموت فى القلقاس وياسلام لويبقى من ايد ام شادى الغالية يبقى روعة
تسلم ايديك يارب وربنا يفرحك ببنتك وتشوفيها زى م تتمنى واكتر

**شخبط شخبيط** · 20-01-2009, 04:44 PM

ررررررررررررروعه ورررررررررررررررررعه بجد
ما شاء الله عليكى حبيبتى
نفس طريقتى بالظبط
تسسسسسسسسلم الايادى حبيبتى
وربنا يديكى الصحه وتفرحى بنجاح بنتك
شكلك انتى ماما وحطتينى امام المسجد بعد ما علمتينى الاكل
كده يا ماما تسبينى وحدى اهىء اهىء

**roina** · 20-01-2009, 05:21 PM

تسلم الأيادى يا مامتى

**الزينب** · 20-01-2009, 07:23 PM

سلم ايديك يا ام شادي..

انا بحب القلقاس جدا و اشهر بلد بتزرع قلقاس في مصر على بلد 15 دقيقية مني بالعربية و اسمها قرية شنوان..فتخيلي بقى كل يوم قلقاس طازة وردي القمع امامنا باستمرار

طولت عليك..

معلشي بس بجد تسلم ايدك..بس لي استفسار هي خطوة سلق القلقاس و شطفه دي بتعمليها برضك لما بتكوني هتعملية صينية في الفرن لاني بصراحه مش بعملها الخطوه دي انا بقشرة و بعدين امسحه بفوطه مبلولة ماء و بعدين اقطعة و اطبخة على طووووول

و مننحرمشي منك و لاا من ابداعاتك يا ام شادي

**emanaly** · 20-01-2009, 07:26 PM

وااااااااااااااااو تسلميبن يا غاليه
انا بموووت فيه

**أم شادى** · 20-01-2009, 08:41 PM

كتبت بواسطة cliopatra

الطبق الرااااااااااااائع ليا انا
اوعوا حديقرب
تسلمي يا قمر نفس طريقتي بالظيط
انا بموت فيه

الف الف شكر حبيبه قلبى
مرورك الاروع يا غاليه ربنا يخليكى
تسلميلى يا عسل كلك ذوق ربنا يكرمك
دا شرف ليا ان طريقتنا واحده تبقا روعه
اتفضلى يا قمر الطبق بالف هنا و شفا
وجودك اسعدنى جدا و شرفنى و نورنى