السسلام عليكم ورحمه الله وبركاته
اخواتى الاعزاء وحشتونى من يومين منزلتش حاجه
ههههههههههههههههههه
طبعا اكيد زهقتو منى بس مالى غيركم بعد ربنا
بصراحه احلى وقت بقضيه معاكم وبنسى نفسى
والدنيا كلها بس مش كلها قوى ههههههه بناتى بفوقونى على طول
المهم انا عملت النهارده سبانخ بطريقه تيتاه او ستى(كانت جاره لينا تعلمتى معظم اكلاتى منها)
تعلمتها منها وانا بعمر 12 سنه وكان ما شاء الله عليها نفسها رائع فى الاكل ارجو الدعاء لها بالرحمه والمغفره
سبانخ باللحمه
طبعا فوائد السبانخ معرووفه ومش هكتب اكتر من اللى اخواتى كتببوه
المقادير
-لحمه مسلوقه
- سبانخ
- كسبره وبقدونس اخضر
-ثوم مهروس
- بصل ناعمه
- عصير طماطم او صلصه
- كسبره ناشفه ناعمه
- سمن او زيت
-ملح وفلفل اسود وكمون
الطريقه
- ننظف السبانخ كووويس جدا ونقطعها صغير ونغسلها جيدااااااااااا بيكون فيها رمل وتراب كتير انا بحطها فى طبق غويط ومليان مياه واغسلها كويس وبعدين اشلها واغير المياه لحد ما تكون المياه بيضاء زى الفل
-نحطها فى حله على نار هاديه
ما بتاخد وقت وتنزل مايتهااااااا
نحطها فى مصفاه ونصفيها كوويس
- بنجهز الصلصه بنخلى البصله تبقى شفافه على النار وبعدين نضيف الطماطم حتى تتسبك كويس مع الملح والفلفل الاسود والكمون
بنحط عليها السبانخ
- بنضيف شوربه اللحمه وبعد الغليان بضيف الكسبره والبقدونس
- تترك على نار هاديه وبعد 10 دقائق نضع اللحمه السبانخ ما بتاخد سواء
وبعدين نعمل طشه الثوم مع السمن والبصل ونضفها على السبانخ
وتاخد غلوة معاهم
وده احلى طبق سبانخ ممكن تاكليه خفيف ولذيذ
انا قدمته مع الارز بالشعريه وسلطه خضراء
ويا رب يعجبببكم
الروابط المفضلة