أرق وأجمل تحيه لأجمل بنات 00
دي اول مشاركه ليا بقسم الاطباق الرئيسيه يارب يعجبكم
ده تطبيق لصينيه اللحمه بالخضار
للعزيزه أم ليانة
من ملفها طبعا انا بحب كل وصفاتها
وربنا يجزيها كل خير
ده رابط الوصفه الاساسي
انا طبقته بس مع اضافه بعض الاضافات
وطلع ماشاء الله تحفه والله جدا وعجب زوجي جدا جدا
يارب يعجبكم
بسم الله نبتدي
الاول بتبل اللحمه من قبلها بيوم انا زودت علي وصفه أم ليانة
بصله وحطيت بهارات بس وسبتها بالتلاجه من بليل
التتبيله
( بصله +ملح +فلفل+زنجبيل+جوزه الطيب+بهارات +معلقه خل+ ليمونه )
وده الخضار بازلاء وجزر وفاصوليا خضراء وبصل وفلفل اخضر
المقدار علي حسب عدد افراد الاسره
نضيف الخضار مع بعض بالصينيه
ونتبله بالبهارات والملح والفلفل
نضع اللحمه بالصوص بتاعها والبصل ونضيف المرقه عليهم
تقريبا كوبايتين وحطيت مكعبين ماجي باللحمه علي الوش
ثم نغطيها بورق القصدير
وندخلها فرن متوسط تقريبا ساعه ونص
وده شكلها لما طلعت والله طعمها طلع تحفه
يارب تعجبكم ممكن تتقدم مع الرز او عيش وسلطه
ملحوظه
البطاطس لو نوعها كويس مش هتاخد وقت وهتستوي بسرعه
عشان كده
ممكن تحطيها بعد ما تستوي اللحمه نص سوا
وصحه وعافيه
تقبلوا تحياتي
اختكم
مـــهـا
الروابط المفضلة