تنضيف الممبار سهل جدا
اولا لما تجيبى الممبارتقطعيه الى قطع طول كل قطعه حوارلى 20 سم و تحطيه فى وعاء عميق وترشى عليه ملح حوالى 3 معالق كبيره ونص كبايه خل
وتقلبيه ف الملح والخل وتسيبيه يتنقع حوالى ربع ساعه وتفركيه باديك ف الملح والخل وبكده يكون 50% من تنضيفه
كل قطعه ممبار عارفين ان لها وجهيم وجه خارجى اللى احنا شايفينه ووجه داخلى اللى جوه بتقلبى الممبار على الوجه الداخلى باستخدام قلم او يد المعلقه الخشبيه المهم ان الجهه الداخليه للمبار تبقى للخارج والجهه الخارجيه تبقى للداخل وبضهر سكينه تقومى بكشط الممبار من الجانبين لازاله اى حاجه متعلقه بالممبار يعنى تخللى الممبار ع الجلد بس
وتغسليه كويس بالملح تانى والميه بس تكون كميه الملح كتيره حوالى معلقتين كبار مع نص كبايه ميه
لحد ما تحسى ان خلاااااص الممبار قال الحقونى من كتر الغسيل
احنا بنحشيه بخلطه المحشى العاديه رز وطماطم معصوره ومسبكه وشبت وبقدونس وكزبره وملح وبهارات خصوصا الكمون
تسلم ايدك حبيبتى ع الاكله الجميله دى
الروابط المفضلة