بسم الله الرحمن الرحيم
السلام عليكم و رحمة الله و بركاته النهاردة يا بنات يا حلوين هاعمل لكم كبدة اسكندراني وهي مشهورة بانها حراقة أوي (حارة)وفيها توابل كثير و ممكن نقدمها مع المكرونة أو ناكلها بالعيش مع السلطة الخضراء و سلطة الطحينة
المقادير:
كيلو كبدة مقطعة قطع صغيرة.
2 بصلة مفرومة خشن.
2 حبة فلفل أخضر رومي (حلو).
4 حبة فلفل شطة (حار).
2 فص ثوم.
ملح، فلفل أسود، 3 حبة قرنفل ، 3حبة هيل، ورق لورا.
4 معالق سمنة.
الطريقة:
نقطع الفلفل الأخضر (الحلو و الحار) قطع صغيرة و نحط السمنة في حلة على النار وبعد ما تسخن نضيف البصل و الفلفل ونقلب ولما يبقى لون البصل أصفر نضيف الثوم ونقلب وبعدين نضيف الكبدة و التوابل ونقلب كويس لحد ما يبقى لون الكبدة بني نغطي الحلة و نخلي الكبدة على النار لحد ما تشرب السائل ونحط عليها الملح و نقلبها تقليب مستمر على النار لحد ما تتحمر و بالهنا و الشفا.
الروابط المفضلة